Dinamalar

பதிவு செய்த நாள்

உடுமலை;சாம்பல் பூசணி கொள்முதல் விலை சரிந்துள்ளதால், நஷ்டம் ஏற்பட்டு, விவசாயிகள் விரக்தியடைந்துள்ளனர்.உடுமலை மலையாண்டிக்கவுண்டனுார், பெரியகோட்டை, மருள்பட்டி, ஆண்டியக்கவுண்டனுார், கணக்கம்பாளையம் உள்ளிட்ட பகுதிகளில், கிணற்றுப்பாசனத்துக்கு, சாம்பல் பூசணி அதிகளவில் சாகுபடி செய்யப்படுகிறது.கேரளா வியாபாரிகள் நேரடியாக விளைநிலங்களுக்கே வந்து கொள்முதல் செய்து வந்ததால், இவ்வகை பூசணி சாகுபடி பரப்பு அதிகரித்து வந்தது. இனிப்புகள், உணவு பொருட்களில் பயன்படுத்தப்படும் சாம்பல் பூசணிக்கு, கேரளாவில் அதிக தேவையுள்ளது. அதன்படி, நடப்பு பருவத்திலும், நுாற்றுக்கணக்கான ஏக்கரில், இது சாகுபடி செய்யப்பட்டது.புரட்டாசி பட்டத்தில், நடவு செய்யப்பட்ட பயிர்களிலிருந்து, காய்கள் அறுவடை மேற்கொள்ளப்பட்டு வருகிறது. ஆனால், கேரளா வியாபாரிகளின் வருகை குறைந்து, தட்டுப்பாடு இல்லாததால் விலை சரிந்துள்ளது.உள்ளூர் சந்தையிலும், கொள்முதல் செய்ய ஆளில்லாத நிலை உருவாகியுள்ளது. தற்போது, சாம்பல் பூசணி, கிலோ, 2 ரூபாய்க்கும் குறைவாகவே கொள்முதல் செய்யப்படுகிறது. கட்டுப்படியாகாத விலை காரணமாக, காய்களை அறுவடை செய்ய வழியில்லாமல் அவை செடிகளிலேயே விடப்பட்டுள்ளன.விவசாயிகள் கூறுகையில், 'சாம்பல் பூசணியிலிருந்து மதிப்புக்கூட்டு பொருட்கள் தயாரிப்பு குறித்து, வேளாண்துறையினர், தோட்டக்கலைத்துறையினர் வழிகாட்டுதல் வழங்க வேண்டும். நடப்பு சீசனில், ஏக்கருக்கு, 20 ஆயிரம் ரூபாய் வரை நஷ்டம் ஏற்பட்டுள்ளது,'என்றனர்.

• 1. 'பள்ளிக்கு திரும்பினோம்; பரவசமானோம்!' மாணவ, மாணவியர் புத்துணர்வு

• 1. பருவம் தவறிய மழை: நெல் சாகுபடி பாதிப்பு: இழப்பீடு வழங்க கணக்கெடுப்பு பணி தீவிரம்
• 2. கால்வாயில் பாறை அகற்றும் பணி நிறைவு
• 3. நெடுஞ்சாலையில் பிளக்ஸ் ஆக்கிரமிப்பு
• 4. குறை தீர்க்கும் கூட்டம்
• 5. மக்காச்சோள அறுவடை காலத்தில் மழையால் நிலையில் முளைத்த கதிர்!

• 1. சிதிலமடைந்த மின்கம்பம்: அச்சத்தில் பொதுமக்கள்
• 2. ரேஷன் பொருட்கள் வினியோகத்தில் சிக்கல்; பொதுமக்கள் பாதிப்பு
• 3. 'கருமத்தம்பட்டியா... பயணிகள் கண்ணீர்
• 4. மார்கழியில் மாமழை: அறுவடையில் சிக்கல்

• 1. திருப்பூரில் 29 பேர் 'டிஸ்சார்ஜ்'
• 2. காங்கயம், வெள்ளகோவிலில் கடையடைப்பு: பாசன நீருக்காக விவசாயிகள் உண்ணாவிரதம்
• 3. தாய், மகள் தற்கொலை
• 4. வீட்டு கதவை உடைத்து நகை, பணம் கொள்ளை: மிளகாய்ப்பொடி தூவிச்சென்ற ஆசாமிகள்
• 5. பயணி தொலைத்த போனை ஒப்படைத்த பஸ் நடத்துனர்