தெருவையே வளைத்து தனிநபர் அட்டூழியம்?
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

01 டிச
2020
05:32

கொடுங்கையூர்; மாநகராட்சிக்கு சொந்தமான தெருவையே வளைத்து போட்டதாக கூறப்படும் தனி நபர் ஒருவர், ஓய்வு பெற்ற மத்திய அரசு ஊழியர் ஒருவரின் இடத்தையும் ஆக்கிரமித்துள்ளதாக, புகார் எழுந்துள்ளது.சென்னை மாநகராட்சி, தண்டையார்பேட்டை மண்டலம், 37வது வார்டில், கொடுங்கையூர் குப்பை கிடங்கு உள்ளது.இதன் எதிரே, தண்டையார்பேட்டை நெடுஞ்சாலையை ஒட்டிய பகுதியில் உள்ள, முதல் குறுக்கு தெருவான, 20 அடி சாலையை, தனி நபர் ஒருவர்ஆக்கிரமித்து, கடை, குடோன் நடத்தி வருவதாக குற்றச்சாட்டு எழுந்துள்ளது.இது, இப்பகுதியில் அமைந்திருக்கும், ஒன்று முதல், ஆறு வரையிலான மனைகளுக்கான குறுக்கு தெருவாகும். பல ஆண்டுகளாக ஆக்கிரமிப்பில் இருக்கும் இத்தெருவை மீட்க, அப்பகுதியைச் சேர்ந்தோர் போராடி வருகின்றனர்.இது குறித்து, மாநகராட்சியிடம் பலமுறை புகார் தெரிவித்தும், நடவடிக்கை இல்லை எனக், கூறப்படுகிறது.அதே பகுதியில், தண்டையார்பேட்டை, கார்ப்பரேஷன் காலனியைச் சேர்ந்த ஓய்வு பெற்ற மத்திய அரசு ஊழியரான ராமசாமி, 76, என்பவர், ஒன்று மற்றும் ஐந்து ஆகிய எண் உடைய மனைகளை வாங்கியுள்ளார். இதன் மொத்த பரப்பு, 6,537 சதுர அடியாகும்.கடந்த, 1982ல், மத்திய பிரதேசத்தில் வேலை பார்த்த போது, புதுவண்ணாரப்பேட்டையைச் சேர்ந்த ஷகிலா பானு என்பவரிடம், 21 ஆயிரத்து, 760 ரூபாய்க்கு வாங்கியுள்ளார். இவர், மனைக்கான வழியும் ஆக்கிரமிக்கப்பட்ட சாலையில் தான் உள்ளது. பணி சூழல் காரணமாக, இவ்விடத்தை கவனிக்க முடியவில்லை.காலப்போக்கில், மாநகராட்சி தெருவை ஆக்கிரமித்திருந்த நபர், ராமசாமியின் இடத்தில், 2,000 சதுர அடிக்கும் அதிகமான இடத்தை ஆக்கிரமித்து, வீடுகள், கடைகள் கட்டி வாடகைக்கு விட்டுள்ளார்.இது குறித்த வழக்கு, நீதிமன்றத்தில் நிலுவையில் உள்ளது. இதில், மன உளைச்சலுக்கு ஆளான ராமசாமி, 2019, பிப்., 22ம் தேதி உயிரிழந்தார்.அவருக்கு, ராஜேஸ்வரி, 63, என்ற மனைவியும், இரண்டு மகள்கள், ஒரு மகன் உள்ளனர். இவர்கள், தங்கள் நிலத்தை மீட்க, படாதபாடுபட்டு வருகின்றனர்.மாநகராட்சி அதிகாரிகள்கவனித்து, தண்டையார்பேட்டை நெடுஞ்சாலை, முதல் குறுக்கு தெரு, ஆக்கிரமிக்கப்பட்டுள்ளதா என, ஆய்வு செய்ய வேண்டும். உறுதியாகும் பட்சத்தில்,தெருவை மீட்டெடுக்க வேண்டும் என, கோரிக்கை எழுந்துள்ளது.தனிநபர் ஒருவர், ஆறு மனைகளுக்கான, மாநகராட்சியின் பொது வழியையும், ஓய்வு பெற்ற மத்திய அரசு ஊழியரின் இடத்தையும் ஆக்கிரமித்திருப்பது, அதிர்ச்சியை ஏற்படுத்தியுள்ளது.இது குறித்து, மாநகராட்சி அதிகாரி ஒருவர் கூறுகையில், 'ஆக்கிரமிப்பு குறித்த தகவல் ஏதும் கிடைக்கப் பெறவில்லை. குறிப்பிட்ட இடத்தில், இன்று ஆய்வு செய்யப்படும். ஆக்கிரமிப்பு இருப்பது உறுதியால், அகற்ற உடனடி நடவடிக்கை எடுக்கப்படும்' என்றார்.

 

Advertisement
மேலும் சென்னை மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
JeevaKiran - COONOOR,இந்தியா
01-டிச-202011:43:14 IST Report Abuse
JeevaKiran ஆக்ரமிப்பு என்று தெரிந்தும் ஏன் வழக்கு நிலுவையில் உள்ளது? நீதிமன்றமும் விரைவாக செயல்படனும்.
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X