பாதிக்கப்பட்ட பகுதிகளில் மட்டும் மழைநீர் வடிகால் திட்டம் தேவை
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

மாற்றம் செய்த நாள்

01 டிச
2020
06:38
பதிவு செய்த நாள்
டிச 01,2020 05:45

கொட்டித்தீர்த்த கன மழையிலும், கொட்டிவாக்கம் முதல் உத்தண்டி வரை, கிழக்கு கடற்கரை சாலையை ஒட்டிய பகுதிகளில் மழை நீர் தேங்கவில்லை.



எனவே, இந்த பகுதிக்கு செயல்படுத்த உள்ள மழை நீர் வடிகால் திட்டத்தை, பாதிக்கப்பட்ட பகுதிகளில் செயல்படுத்த வேண்டும் என, பொது நலச்சங்கத்தினர் வேண்டுகோள் விடுத்துள்ளனர்.



தென்சென்னை, புறநகர் பகுதிகள் இயற்கை சீற்றத்தை சமாளிக்கும் வகையில், இயற்கையாகவே அமைந்துள்ளது. வங்கக் கடல் நீர் உட்புகாமல் இருக்க கடற்கரையோரம், சதுப்பு நிலப் பகுதிகள் அமைந்துள்ளன.கிழக்கு கடற்கரை சாலைக்கு, கடற்கரைக்கும் இடைப்பட்ட பகுதிகள் மணற்பாங்கானது. ஆரம்ப காலத்தில் அங்கு, மீனவர்கள் மட்டுமே வசித்து வந்தனர்.தற்போது, கடற்கரையில் இருந்து, 500 மீ., தொலைவு வரை, ஏராளமான நகர்கள், தெருக்கள் உருவாகி, அதில், பங்களாக்கள் மற்றும் அடுக்குமாடி குடியிருப்புகள் வந்து விட்டன.



இங்கு வசிக்கும் மக்களின் அடிப்படை வசதிகளை, சென்னை மாநகராட்சி செய்து வருகிறது. அப்பகுதி மணற்பாங்கானது என்பதால், மழைக்காலத்தில் தண்ணீர் தேங்காமல், நிலத்தில் சேகரமாகிவிடுவதால், 70 அடிக்குள், நிலத்தடிநீர் கிடைத்து விடும்.ரூ.376 கோடி கடந்த, 2015ல் புரட்டிப் போட்ட பெரு வெள்ளத்தின் போதும், இப்பகுதிகளின் சாலைகளில் மழை நீர் தேங்கவில்லை. இந்நிலையில், சென்னை மாநகராட்சியின் விரிவாக்கப் பகுதிகளான சோழிங்க நல்லுார், பெருங்குடி மற்றும் ஆலந்துார் மண்டலங்களில், மழை நீர் வடிகால் அமைக்க திட்டமிடப்பட்டது.இதற்காக, ஜெர்மன் நாட்டு வங்கி உதவியுடன், 326 கி.மீ., துாரத்துக்கு, 1,250 கோடி ரூபாய் மதிப்பீட்டில், இத்திட்டம் கடந்தாண்டு துவக்கப்பட்டது.இதில், கிழக்கு கடற்கரை சாலையில், கொட்டிவாக்கம் முதல் உத்தண்டி வரை, 52 கி.மீ., துாரத்திற்கு, ஒருங்கிணைந்த மழைநீர் வடிகால் திட்டத்துடன், ஜெர்மன் தொழில் நுட்பத்தின்படி மழை நீர் வடிகால், 376 கோடி ரூபாய் மதிப்பில் அமைக்க திட்டமிடப்பட்டது.



இதற்கான ஒப்பந்தம் விடப்பட்டு, இரண்டு மாதங்களுக்கு முன், பாலவாக்கம், பல்கலை நகரிலும், உத்தண்டியிலும் பணிகள் துவங்கப்பட்டன.கடும் எதிர்ப்புஆனால், மழை நீர் தேங்காத மணற்பாங்கான இப்பகுதியில், மழை நீர் வடிகால் அமைக்க, ஒட்டுமொத்த நலச்சங்கத்தினர், மீனவர்கள், பொதுமக்கள் கடும் எதிர்ப்பு தெரிவித்து உள்ளனர்.மேலும், இத்திட்டத்தை நிறுத்த, அனைத்து நலச்சங்கங்களும் இணைந்து, ஒருங்கிணைந்த அமைப்பு உருவாக்கி உள்ளன. அதன் சார்பில், பல்வேறு போராட்டங்களை நடத்தி வருகின்றனர். இத்திட்டத்திற்கு, மீனவர்களும் கடும் எதிர்ப்பு தெரிவித்துள்ளனர்.இந்நிலையில், 'நிவர்' புயல் காரணமாக, கடந்த சில நாட்கள் கன மழை பெய்தது. இதில், சென்னை, புறநகரின் பெரும்பாலான பகுதிகள் மழை நீரில் மிதந்தன.அங்கு தேங்கியுள்ள மழை நீரை மோட்டார்கள் வாயிலாக வெளியேற்றப்பட்டு வருகிறது. ஆனால், 'மழை நீர் வடிகால் திட்டத்தை செயல்படுத்தியே ஆக வேண்டும்' என, மாநகராட்சி முனைப்புடன் இருக்கும், கிழக்கு கடற்கரை சாலை ஒட்டிய குடியிருப்பு பகுதிகளில், சிறு துளி மழை நீர் கூட சேகரமாகவில்லை.



இது குறித்து, கிழக்கு கடற்கரை சாலை ஒட்டிய குடியிருப்பு நலச்சங்கத்தினர் தரப்பில் கூறியதாவது:'நிவர்' புயல் காரணமாக, கொட்டித் தீர்த்த கன மழைக்கு, சென்னை புறநகரின் பெரும்பாலான பகுதிகளில் மழை நீர் தேங்கி, சேதத்தை ஏற்படுத்தி உள்ளது.மழைநீரில் மிதந்த பகுதிகளில், மழை நீர் வடிகால் இல்லாததும், முறைப்படுத்தாததும் தான் காரணம்.எனவே, கிழக்கு கடற்கரை சாலைக்கான, 376 கோடி ரூபாய்க்கான திட்டத்தை, மழை நீரால் பாதிக்கப்பட்ட பகுதிகளில், மாநகராட்சி செயல்படுத்த முன்வர வேண்டும்.இவ்வாறு, அவர்கள் கூறினர்.

 

Advertisement


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (2)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Arul Narayanan - Hyderabad,இந்தியா
01-டிச-202009:59:56 IST Report Abuse
Arul Narayanan They must approach the court. Just giving news or petitioning the government may not do anything.
Rate this:
02-டிச-202004:48:24 IST Report Abuse
மனுநீதிஎங்கள் கிழக்கு தாம்பரம் பகுதியில் சிதறிய நிதியில் அரைகுறையாக ஏற்படுத்தப்பட்ட வடிகால்களில் வருடம் முழுவதும் சாக்கடை பாயும். திமுக ஆட்சியின் லட்சணத்தை எங்கள் பகுதியை பார்த்தே தெரிந்து கொள்ளலாம். எங்கள் தொகுதி திமுக சமஉ வை அவர் வீட்டு கண்ணாடியில் கூட பார்க்க முடியாது....
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X