வனப்பகுதியில் விவசாயி கொலை: சடலத்தை பெற மறுத்து உறவினர்கள் மறியல்
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

02 டிச
2020
09:35

அந்தியூர்: விவசாயியை கொன்று, வனப்பகுதியில் சடலத்தை வீசியவர்களை, கைது செய்யக்கோரி, உறவினர்கள், அரசியல் கட்சியினர், அந்தியூரில் மறியலில் ஈடுபட்டனர்.


கோபி அருகே கடம்பூர் வனப்பகுதியில், நேற்று முன்தினம், 50 வயது மதிக்கத்தக்க ஆண், கொலை செய்யப்பட்டு, நிர்வாணமாக கிடந்தார். கடத்தூர் போலீசார் சடலத்தை கைப்பற்றி விசாரித்தனர். இதில் பர்கூர் வனப்பகுதி, மேற்குமலை, கொங்காடையை சேர்ந்த மாதன், 50, என்பது தெரிய வந்தது.


இதுகுறித்து போலீசார் கூறியதாவது: மாதனுக்கு சொந்தமாக, 14 ஏக்கர் விவசாய நிலம் கொங்காடையில் உள்ளது. இது தொடர்பாக, மாதன் குடும்பத்தினருக்கும், அதே பகுதியை சேர்ந்த அப்பையன், கணேசன் மற்றும் முருகன் குடும்பத்தினருக்கும் தகராறு உள்ளது. இவர்கள் மிரட்டல் விடுத்ததாக, மாதன் குடும்பத்தினர், போலீசார், வருவாய் துறையினரிடம் பலமுறை மனு கொடுத்துள்ளனர். நடவடிக்கை இல்லாத நிலையில், அந்தியூர் அருகே எண்ணமங்கலத்தில், குடும்பத்துடன் மாதன், இரண்டாண்டாக வசித்து வந்தார். கடந்த, 28ம் தேதி கொங்காடை செல்வதாக, குடும்பத்தினரிடம் கூறிவிட்டு சென்றவர், கடம்பூர் வனப்பகுதியில் சடலமாக மீட்கப்பட்டார். இதுகுறித்து விசாரணை நடக்கிறது. இவ்வாறு போலீசார் கூறினர். இந்நிலையில் மாதனை கொலை செய்தவர்களை கைது செய்யும் வரை, சடலத்தை பெற மாட்டோம் என்று கூறி, அவரது உறவினர்கள், அரசியல் கட்சிகளை சேர்ந்த சிலர், அந்தியூர் தாசில்தாரிடம் நேற்று மனு அளித்தனர். பின் தாலுகா அலுவலகம் எதிரே, அந்தியூர்-பர்கூர் சாலையில் மறியலில் ஈடுபட்டனர். கோபி ஆர்.டி.ஓ., ஜெயராமன், அந்தியூர் தாசில்தார் மாரிமுத்து, பவானி, சத்தி டி.எஸ்.பி.,க்கள் பேச்சுவார்த்தை நடத்தினர். 'கொலை செய்தவர்களை வன்கொடுமை சட்டத்தில் கைது செய்ய வேண்டும். மாதன் குடும்பத்தில் ஒருவருக்கு அரசு வேலை வழங்க வேண்டும்' என கோரிக்கை விடுத்தனர். 'இரண்டு நாட்களில் குற்றவாளிகளை கைது செய்வோம்' என, அதிகாரிகள் உறுதி கூறவே, ஒரு மணி நேரத்தில், மறியல் முடிந்தது.


 

Advertisement


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X