Dinamalar

பதிவு செய்த நாள்

வேளச்சேரி; பத்து நாட்களாக, தெருவில் தேங்கி நிற்கும் கழிவுநீரானது குடிநீரிலும் கலந்துள்ளதால், வேளச்சேரி பகுதிமக்கள் கடும் அவதியடைந்து வருகின்றனர்.அடையாறு மண்டலம், 177 மற்றும் 178வது வார்டு எல்லையில், வெங்கடேஸ்வரா நகர், பவானி நகர் உள்ளது. இங்கு, 10க்கும் மேற்பட்ட தெருக்கள் உள்ளன.இங்குள்ள தெருக்களில், 10 நாட்களாக கழிவு நீர் தேங்கி நிற்கிறது. மேலும், குடிநீரில் கழிவுநீர் கலந்துள்ளது. கழிப்பறையும் நிரம்பி, வீட்டுக்குள் வடிகிறது.நேற்று முன்தினம், கழிவு நீர் கலந்த குடிநீரை பயன்படுத்திய, காந்தலட்சுமி, 65, சுப்ரமணியன், 70, உள்ளிட்டோருக்கு வாந்திபேதி ஏற்பட்டது. தெருவில் தேங்கி நிற்கும் கழிவு நீரால், பகுதி முழுதும் துார்நாற்றம் வீசுவதால், வயதானோர் சுவாச பிரச்னையால் அவதிப்படுகின்றனர்.இது குறித்து, பகுதிமக்கள் கூறியதாவது:இரண்டு வார்டு எல்லையில், நாங்கள் வசிக்கும் தெருக்கள் உள்ளன. கழிவு நீர் வெளியேறுவது ஒரு வார்டு, தேங்கி நிற்பது மற்றொரு வார்டாக இருப்பதால், தீர்வு காண்பதில், இரு வார்டு அதிகாரிகளும் ஒருங்கிணைவதில்லை. கேட்டால், 'அந்த வார்டு அதிகாரியிடம் கூறுங்கள்' என, இரு வார்டு அதிகாரிகளும் மாறி மாறி அலைக்கழிக்கின்றனர். உயர் அதிகாரிகள் தலையிட்டு, கழிவு நீர் பிரச்னைக்கு தீர்வு காண வேண்டும்.இவ்வாறு, அவர்கள் கூறினர்.

• 1. கிழக்கு கடற்கரை புதிய ரயில் பாதை திட்டம் மத்திய பட்ஜெட்டில் மீண்டும் அறிவிக்கப்படுமா
• 2. ரூ.55.34 கோடியில் புதுப்பொலிவு பெறும் கடப்பாக்கம் ஏரி
• 3. மாநகராட்சி மருத்துவமனைகளிலும் இனி கிடைக்கும் தரமான சிகிச்சை!
• 4. மதுரை சோமுவை கண்முன் நிறுத்திய
• 5. மக்கள் ஒத்துழைப்புடன் ஊராட்சிகளில் அடர்காடு

• 1. அறிவிப்பு பலகை இல்லாததால் திண்டாட்டம்

• 1.சீட் வாங்கி தருவதாக கூறி பெற்றோரிடம் மோசடி
• 2. வடமாநில வாலிபரை கொன்ற இருவர் கைது
• 3. கல் குவாரி குட்டையில் மூழ்கி மூவர் இறப்பு
• 4. பணம், மொபைல் பறிப்பு
• 5. குளத்தில் சிக்கியவர் உயிருடன் மீட்பு