80 சதவீத ஆம்னி பஸ்கள் இயக்கம் நிறுத்தம்: அரசுகள் மீது உரிமையாளர்கள் குற்றச்சாட்டு
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

03 டிச
2020
09:53

சேலம்: தமிழகத்தில், 80 சதவீத ஆம்னி பஸ்களின் இயக்கம் நிறுத்தப்பட்டுள்ள நிலையில், மத்திய, மாநில அரசுகள் உதவாததால், தொழிலாளர் வேலை இழந்து தவிப்பதாக, உரிமையாளர்கள் குற்றம் சாட்டினர்.


தமிழகத்தில், கடந்த பிப்ரவரி வரை, மாநில அரசின் அனுமதி பெற்ற ஆம்னி பஸ்கள், 998, தேசிய அனுமதி பெற்ற, 430, அண்டை மாநில அனுமதி பெற்ற, 1,572 என, 3,000 ஆம்னி பஸ்கள் இயக்கப்பட்டன. இவை தவிர, ஆம்னி பஸ் போர்வையில், 800க்கும் மேற்பட்ட சுற்றுலா பஸ்களும் இயங்கின. இந்த பஸ்களின் இயக்கம், கொரோனா பரவலை தடுக்க, ஊரடங்கால், கடந்த மார்ச் இறுதியில் நிறுத்தப்பட்டது. ஊரடங்கில் தளர்வால், செப்டம்பரில் அரசு பஸ்கள், அக்டோபர் முதல், தனியார் பஸ்கள் இயக்கப்படுகின்றன. ஆனால், ஆம்னி பஸ்களின் இயக்கத்தில் முக்கிய பங்கு வகிக்கும், 10க்கும் மேற்பட்ட நிறுவனங்கள், பஸ்களின் இயக்கத்தை இன்னும் தொடங்கவில்லை. குறைந்த பஸ்களை கொண்டுள்ள நிறுவனங்கள் மூலம், 20 சதவீத பஸ்கள் மட்டும் இயங்குகின்றன.


இதுகுறித்து, ஆம்னி பஸ் உரிமையாளர்கள் கூறியதாவது: சமுக இடைவெளி, குறைந்த பயணியருடன் பஸ்களை இயக்க அரசு நிர்ப்பந்திப்பது, வங்கிகளில் பஸ்களுக்கு செலுத்த வேண்டிய தவணை தொகைக்கு வட்டிக்கு வட்டி போடும் முடிவு ஆகியவற்றால், உரிமையாளர்களுக்கு நெருக்கடி கொடுக்கின்றனர். மத்திய, மாநில அரசுகள், ஓடாத பஸ்சுக்கு காலாண்டு வரி, சாலை வரி, இன்சூரன்ஸ் செலுத்துவதில், விதிவிலக்கு வழங்கவில்லை. உயர்நீதிமன்றத்தில், ஆம்னி பஸ் உரிமையாளர்கள் தொடுத்த வழக்கு விசாரணையை, மத்திய, மாநில அரசுகள் இழுத்தடிக்காமல், உடனே தீர்வு ஏற்படுத்த முன்வர வேண்டும். நீதிமன்றமும், எங்களுக்கு நீதி வழங்கும் என நம்புகிறோம். இதனால், தற்போதைக்கு ஆம்னி பஸ்களை இயக்காமல் நிறுத்தி வைத்துள்ளோம். இதனால், ஏராளமான தொழிலாளர், வேலைவாய்ப்பை இழந்து தவிக்கின்றனர். இவ்வாறு அவர்கள் கூறினர்.


 

Advertisement
மேலும் சேலம் மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X