கழிவு நீரால் புது திட்டம்! ரூ.4.76 கோடி செலவிடுகிறது பொதுப்பணித்துறை:400 ஏக்கர் விவசாய நிலங்களுக்கு மீண்டும் புத்துயிர்
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

04 டிச
2020
01:21

கோவை;செட்டிபாளையம் அருகே, 18 ஏக்கர் பரப்புள்ள காடுகுட்டையில், சுத்திகரித்த கழிவு நீரை தேக்க, ரூ.4.76 கோடிக்கு பொதுப்பணித்துறை திட்டம் தயாரித்துள்ளது. இப்பணியை, அடுத்த வாரம் துவக்கி, ஜனவரிக்குள் முடிக்க இலக்கு நிர்ணயிக்கப்பட்டு உள்ளது.செட்டிபாளையம் பேரூராட்சி மற்றும் சுற்றுவட்டார பகுதிகளில் உள்ள நீர் நிலைகள், வறண்டு காணப்படுகின்றன. 1,200 அடிக்கு ஆழ்துளை கிணறு அமைத்தாலும், தண்ணீர் வருவதில்லை.


விவசாயம் செய்ய முடியாமல் தவித்த விவசாயிகள், சுத்திகரித்த கழிவுநீரை கொண்டு, குளம், குட்டைகளை நிரப்பலாம் என, பொதுப்பணித்துறையினரிடம் கோரிக்கை விடுத்தனர்.அமைச்சர் வேலுமணி கவனத்துக்கு கொண்டு செல்லப்பட்டதும், சாத்தியக்கூறுகளை ஆராய அறிவுறுத்தினார். ஒண்டிப்புதுார் சுத்திகரிப்பு நிலையத்தில், நாளொன்றுக்கு, 6 கோடி லிட்டர் கழிவு நீரை சுத்திகரிக்கலாம்.தற்போது, 50 லட்சம் முதல், ஒரு கோடி லிட்டரே சுத்திகரிக்கப்பட்டு, நொய்யல் ஆற்றில் விடப்படுகிறது. அப்பகுதியில் வீடுகளில் வெளியேற்றும் கழிவுநீரும் இணைவதால், ஆற்றில் கழிவு நீரே பயணிக்கிறது.


அதனால், சுத்திகரிப்பு நிலையத்தில் இருந்து, 'பம்ப்' செய்து, குழாய் மூலமாக, காடுகுட்டைக்கு கொண்டு செல்லலாம் என, பொதுப்பணித்துறை முடிவு செய்தது.ரூ.4.76 கோடிக்கு திட்ட வரைவு தயாரித்து, ஒப்பந்த நிறுவனம் இறுதி செய்யப்பட்டு உள்ளது. அமைச்சர் முன்னிலையில், அடுத்த வாரம் பூமி பூஜை நடத்தி, வேலையை துவக்க திட்டமிடப்பட்டுள்ளது.இதுதொடர்பாக, பொதுப்பணித்துறை அதிகாரிகள் கூறியதாவது:செட்டிபாளையம் அருகே உள்ள காடுகுட்டை, 18 ஏக்கர் பரப்பு கொண்டது. வறட்சியாக இருப்பதால், சுற்றுவட்டாரத்தில் விவசாயம் பாதிக்கிறது.ஒண்டிப்புதுார் சுத்திகரிப்பு நிலையத்தில் இருந்து பட்டணம் வழியாக, 5 கி.மீ., துாரத்துக்கு இரும்பு குழாய் பதித்து, தினமும், 50 லட்சம் லிட்டர் சுத்திகரித்த கழிவு நீரை கொண்டு செல்ல திட்டமிட்டுள்ளோம்.


இதற்காக, சுத்திகரிப்பு நிலையம் அருகே, 'பம்ப் ஹவுஸ்' கட்டப்படும்; 125 எச்.பி., திறனுள்ள மோட்டார் பொருத்தி, பம்ப் செய்து, சுத்திகரித்த கழிவு நீர் எடுத்துச் செல்லப்படும்; 15 நாட்களில், காடுகுட்டை நிரம்பி விடும்.அதன்பின், செட்டிபாளையம் குளத்துக்கு நீர் வழிப்பாதையாக கொண்டு செல்லவும், கோதாவாடி குளத்துக்கு இணைப்பு ஏற்படுத்தவும் திட்டமிட்டுள்ளோம். ஒவ்வொரு நீர் நிலையாக நிரப்பப்படும்.காடுகுட்டையில் தண்ணீர் தேக்கினால், 400 ஏக்கர் விவசாய நிலம் பயன்பெறும்; மீண்டும் விவசாயம் செழிக்கும்; நிலத்தடி நீர் மட்டம் உயரும். அடுத்த வாரம் வேலையை துவக்கி, ஜனவரிக்குள் முடிக்க இலக்கு நிர்ணயிக்கப்பட்டுள்ளது.இவ்வாறு, அவர்கள் கூறினர்.

 

Advertisement
மேலும் கோயம்புத்தூர் மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X