துவங்கியது: விவசாயிகளுக்கு நிவாரணம் வழங்கும் பணி...தோட்டக்கலைத்துறை மூலம் ரூ.4.5 கோடி உதவி
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

19 ஜன
2021
04:29

கடலுார்; கடலுார் மாவட்டத்தில் 'நிவர்', 'புரெவி' புயலால் பாதிக்கப்பட்ட 81 ஆயிரம் விவசாயிகளுக்கு நிவாரணத்தொகை வங்கிக் கணக்கில் செலுத்தும் பணி துவங்கி நடைபெற்று வருகிறது.



கடந்த நவம்பர் 25ம் தேதி 'நிவர்' புயல் காரணமாக மாவட்டத்தில் பலத்த மழை பெய்தது. அதைத் தொடர்ந்து டிசம்பர் 1ம் தேதி 'புரெவி' புயலால் கனமழை கொட்டித் தீர்த்தது. புயல் காரணமாக பெய்த மழை மட்டுமின்றி, டிசம்பர் 2ம் தேதி முதல் 4ம் தேதி வரை மீண்டும் கனமழை பெய்தது.அதில், அதிகபட்சமாக சிதம்பரத்தில் 34 செ.மீ., மழை பதிவானது. முழுதும் 4,140 மி.மீ,, மழை பெய்தது. இதனால், கடலுார் மாவட்டத்தில், 1.5 லட்சம் ஏக்கர் நெற்பயிர் நீரில் மூழ்கின. தாழ்வான குடியிருப்புகளில் தண்ணீர் தேங்கின.பாதிக்கப்பட்ட பயிர்களை முதல்வர் பழனிசாமி பார்வையிட்டு விவசாயிகளுக்கு ஆறுதல் கூறினார்.பயிர் பாதித்த விவசாயிகளுக்கு உடனடியாக நிவாரண உதவி வழங்கப்படும் என தெரிவித்தார்.



அதன்படி மத்திய குழுவினர் டிசம்பர் 7ம் தேதி கடலுார் மாவட்டம் வருகை தந்தனர்.பாதிக்கப்பட்ட பகுதிகளைப் பார்வையிட்டுச் சென்றனர். தொடர்ந்து பாதிக்கப்பட்ட பயிர்கள் கணக்கெடுக்கப்பட்டது. அதில் 81 ஆயிரம் விவசாயிகளின் நிலத்தில் 39 ஆயிரம் எக்டேர் நெற்பயிர்கள் பாதிக்கப்பட்டது தெரியவந்தது.எக்டேர் ஒன்றுக்கு 20 ஆயிரம் ரூபாய் வீதம் நிவாரண உதவி அறிவிக்கப்பட்டது. இறவை நெல் வயலாக இருந்தால் எக்டேர் ஒன்றுக்கு 20 ஆயிரம் ரூபாயும், மானாவாரியாக இருந்தால் 10 ஆயிரம் ரூபாயும் அறிவிக்கப்பட்டது.அதன்படி கடந்த 13ம் தேதி முதல் 'வெப் போர்ட்டல் பேமென்ட்' முறையில் விவசாயிகளின் வங்கிக் கணக்கில் பணம் நேரடியாக செலுத்தப்பட்டு வருகிறது.கடலுார், மதலப்பட்டு, நல்லாத்துார் உட்பட ஒரு சில பகுதிகளைத் தவிர மற்ற விவசாயிகளுக்கு பணம் செலுத்தப்பட்டுள்ளது.இது தவிர வாழை, மரவள்ளி, காய்கறி பயிர்கள் பாதிக்கப்பட்ட விவசாயிகளுக்கு தோட்டக்கலைத்துறை மூலம் கணக்கெடுப்பு நடத்தப்பட்டு நிவாரணம் வழங்கப்பட்டுள்ளது.கடலுார் மாவட்டத்தில் இதுவரை 4.5 கோடி ரூபாய்க்கு நிவாரண உதவி வழங்கப்பட்டுள்ளது.தற்போது அறுவடை நேரத்தில் கனமழை பெய்ததால் கம்மாபுரம், விருத்தாசலம் உள்ளிட்ட பகுதிகளில் விவசாயிகள் பெரிதும் பாதிக்கப்பட்டுள்ளனர்.



அவர்களுக்கு கணக்கெடுப்பு பணி நடத்தப்பட உள்ளது.மேலும் புயல், மழையினால் பாதிக்கப்பட்ட பயிர்கள் அறுவடையின் போது குறைவான மகசூல் கிடைத்தால் அவர்களுக்கும் இன்சூரன்ஸ் மூலம் இழப்பீடு தொகை வழங்கப்படும்.அதற்காக அறுவடை நேரத்தில் எவ்வளவு மகசூல் கிடைக்கிறது என கணக்கிடும் பணியும் நடைபெற்று வருகிறது. இந்த இன்சூரன்ஸ் தொகை அறுவடை முடிந்த பின்னர் வழங்கப்பட உள்ளது.

 

Advertisement
மேலும் கடலூர் மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X