Dinamalar

பதிவு செய்த நாள்

சூலுார்:''வீடுகள், தொழில் நிறுவனங்களில் மழைநீர் சேகரிப்பு கட்டமைப்பு இருப்பதை, கட்டாயம் உறுதி செய்ய வேண்டும்,'' என, அறிவுறுத்தப்பட்டது.சூலுார் வட்டார வளர்ச்சி அலுவலகத்தில், நீர்வள மேலாண்மை குறித்த பயிற்சி முகாம் நடந்தது. பாரம்பரிய நீர் மேலாண்மை, தற்போதைய நிலை, நீராதாரங்களை மேம்படுத்துவதில் ஊரக வளர்ச்சித் துறையினர் பங்கு, மழை நீர் சேகரிப்பு, குடிமராமத்து பணிகள், ஜல்சக்தி அபியான் திட்டம் குறித்து விளக்கப்பட்டது.நீர்வள மேலாண்மை குறித்து முதுநிலை பயிற்றுனர்கள் பேசியதாவது:ஊரில் குளம், குட்டைகள் அமைத்து, அதற்கான நீர் வழித்தடங்களையும் அமைத்திருந்தனர் நம் முன்னோர். தொட்டி கட்டு வீடுகள் அமைத்து, மழைநீரை நேரடியாக பெற்று பயன்படுத்தினர். தற்போது, குடிமராமத்து திட்டத்தின் கீழ், குளம், குட்டைகள் துார் வாரப்பட்டுள்ளன. அவற்றில் ஆக்கிரமிப்புகள் இல்லாமல், உள்ளாட்சி நிர்வாகங்கள் கண்காணிக்க வேண்டும்.வீடுகள் மற்றும் தொழில்நிறுவனங்கள் உள்ளிட்டவைகளில், மழைநீர் சேகரிப்பு கட்டமைப்பு உள்ளதா என உறுதி செய்ய வேண்டும்.மத்திய அரசு வாயிலாக ஜல்சக்தி அபியான் திட்டம் செயல்படுத்தப்படுகிறது. இதன் வாயிலாக ஊராட்சிகளில், அனைத்து வீடுகளுக்கும் குடிநீர் இணைப்பு கிடைக்க வழிவகை செய்யப்பட்டுள்ளது. குடிநீரை வீணாக்காமல் சிக்கனமாக பயன்படுத்தும் விழிப்புணர்வை, மக்களுக்கு ஏற்படுத்த வேண்டும்.இவ்வாறு, அவர்கள் பேசினர்.யூனியன் சேர்மன் பாலசுந்தரம் தலைமை வகித்தார். பி.டி.ஓ.,க்கள் சுப்புலட்சுமி, ஷீலா ஆகியோர் முன்னிலை வகித்தனர். முதுநிலை பயிற்றுனர்கள் பாலமுருகு, கலியவரதன், வீரமுத்து, வண்டார்குழலி மற்றும் ஊராட்சி தலைவர்கள், செயலர்கள் உட்பட பலர் பங்கேற்றனர்.

• 1.தேர்தல் பணியில் ஈடுபடுவோருக்கு கவச உடை!:ஏற்பாடு செய்கிறது தேர்தல் ஆணையம்

• 1. கோவையில் 52 பேர் 'டிஸ்சார்ஜ்'
• 2. வெற்றி ஜோதிக்கு குன்னுாரில் வரவேற்பு
• 3. 'யக் ஷா' திருவிழாÆ: ஈஷாவில் துவக்கம்
• 4. ஏட்டய்யாவின் கச்சிதமான டிராமா...
• 5.வேட்பு மனு தாக்கல் செய்வது எங்கெங்கு?

• 1. வீட்டில் தீப்பிடித்து பொருட்கள் சேதம்
• 2. 'ஸ்மார்ட் சிட்டி'யில் துவங்கியது குடிநீர் தட்டுப்பாடு!
• 3. இணைப்பு ரோட்டில் பஸ் பயணம் :வழித்தடம் மாறுவதால் அதிருப்தி

• 1. பொள்ளாச்சியில் ரூ. 3.98 லட்சம் பறிமுதல்
• 2. பூட்டியிருந்த வீட்டில் நகை, பணம் திருட்டு
• 3. விபத்தில் சிக்கியது ஆம்புலன்ஸ் நோயாளி உட்பட 5 பேர் காயம்
• 4. கத்தியை காட்டி மிரட்டல்
• 5. விடுதி உணவு தரமில்லை: மாணவர்கள் போராட்டம்