கிடைக்குமா? நெல் கொள்முதலில் 20 சதவீத ஈரப்பத சலுகை...கடலூர் மாவட்ட விவசாயிகள் கோரிக்கை
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

19 ஜன
2021
22:22

கடலுார் : தஞ்சை, நாகை, திருவாரூர் மாவட்டங்களைப் பின்பற்றி, கடலுார் மாவட்டநேரடி நெல் கொள்முதல் நிலையங்களில் ஈரப்பத அளவை 20 சதவீதம் உயர்த்திவழங்க வேண்டும் என விவசாயிகள் கோரிக்கை விடுத்துள்ளனர்.



கடந்த 2001 ஆண்டு முதல் கடந்த 20 ஆண்டுகளில் வரலாறு காணாத வெள்ளம், வறட்சி, சுனாமி, புயல், அபரிமிதமான மழை என பல்வேறு இயற்கை சீற்றங்களை சந்தித்துள்ளது. குறிப்பாக கடலுார் மாவட்டம் ஆண்டு தோறும் ஏதேனும் ஒரு வகையில் பாதிப்பை விவசாயிகள் சந்தித்து வருகின்றனர்.அந்த வகையில், கடந்த நவம்பர் 23ம் தேதி 'நிவர்' புயலால் மாவட்டம் பெரும் பாதிப்புக் குள்ளானது.அதனைத் தொடர்ந்து, உருவாகிய 'புரெவி' புயலால் பெய்த கன மழையால் வெள்ள பாதிப்பு ஏற்பட்டது.



இதனால் மாவட்டத்தில் 1 லட்சம் ஏக்கர் அளவிற்கு நெற்பயிர்கள், நீரில் மூழ்கி சேதமடைந்தன. நெற் பயிர்கள் மட்டுமின்றி வேர்க்கடலை, உளுந்து என அனைத்து பயிர்களும் தேசமடைந்தன. கடலுார் மாவட்டத்தில் பிரதான சாகுபடியான நெல் நடவு செய்த 50 சதவீத வயல்களில் அறுவடைக்கு தயாராக இருந்த நிலையில் கடந்த 8ம் தேதி முதல் 15ம் தேதி வரை பெய்த மழையால் பயிர்கள் முழுமையாக சாய்ந்தன.ஏழு நாட்களாக தண்ணீரில் மூழ்கிய பயிர்கள் அனைத்தும் முளைத்து விட்டன. இதனால் விவசாயிகள் பெரிதும் பாதிக்கப்பட்டனர்.



இந்நிலையில், 16ம் தேதி முதல் மழை விட்டுள்ளதால் 10 தினங்கள் நிலம் காய்ந்தால் மட்டுமே இயந்திரம் மூலம் அறுவடை செய்யமுடியும் என்ற நிலை உள்ளது.அறுவடை செய்த நெல்லை கொள்முதல் செய்ய, மாவட்டத்தில் தேவைக்கேற்ப நேரடி நெல் கொள்முதல் நிலையங்களை திறக்க கலெக்டர் சந்திரசேகர சகாமுரி உத்தரவிட்டுள்ளார்.ஆனாலும், தமிழ்நாடு நுகர்பொருள் வாணிபக்கழகம் 17 சதவீத ஈரப்பதம் நிர்ணயித்து கொள்முதலைத் துவக்கி உள்ளது.இந்த ஈரப்பத சதவீதத்தை 20 சதவீதமாக உயர்த்தி கொள்முதல் செய்தால் பாதிக்கப்பட்ட விவசாயிகளுக்கு பயனுள்ளதாக அமையும் என, தமிழ்நாடு விவசாய சங்கங்களின் கூட்டு இயக்கம் அரசுக்கு கோரிக்கை வைத்துள்ளது.



இதுகுறித்து கூட்டியக்க பொதுச்செயலாளர் ரவீந்திரன் கூறுகையில், 'விவசாயிகள் நலன் கருதி மத்திய உணவுக்கழக அனுமதி பெற்று, 20 சதவீதம் வரை ஈரப்பதம் உள்ள நெல்லை கொள்முதல் செய்ய அரசாணை பிறப்பித்திருப்பதாக மத்திய உணவுத்துறை அமைச்சர் அறிவிப்பு செய்துள்ளார்.அது, தஞ்சை, நாகை, திருவாரூர் மாவட்டங்களுக்கு மட்டுமே பொருந்தும் எனவும், பிற டெல்டா மாவட்டங்களுக்கு பொருந்தாது என கொள்முதல் செய்யும் அதிகாரிகள் தெரிவித்திருப்பது விவசாயிகளுக்கு அதிர்ச்சியை ஏற்படுத்தியுள்ளது.



தண்ணீரில் மூழ்கிய பயிர்கள் தற்போது தன்ணீர் வடிந்து காய்ந்து வரும் நிலையில் பனியின் தாக்கம் அதிகமாக இருப்பதால் விவசாயிகள் கொண்டு வரும் நெல்லை நேரடி நெல் கொள்முதல் நிலையங்களில் அதிகாரிகள் வாங்க மறுக்கின்றனர்.எனவே தஞ்சை, நாகை, திருவாரூர் மாவட்டங்களில் பின்பற்றப்படும் 20 சதவீத ஈரப்பதம் உள்ள நெல்லை கொள்முதல் செய்யும் நடைமுறையை கடலுார் மாவட்டத்திற்கும் கிடைக்க நடவடிக்கை எடுக்க வேண்டும்' என்றார்.

 

Advertisement
மேலும் கடலூர் மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
venkat Iyer - nagai,இந்தியா
20-ஜன-202108:49:22 IST Report Abuse
venkat Iyer ஐயா ஈரப்பத நெல் 20% மேல் போனால் மூட்டையிலுள்ள வெப்பத்தில் முளைப்பதற்கு வாய்ப்பு இருக்கும். எனவே விவசாயிகள் 10 சதவீத ஈரப்பதத்திற்கு காய வைத்து கொடுப்பது அவர்களுடைய கடமையை செய்வதாக அமையும்
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X