பலி வாங்க காத்திருக்கு... நடுரோட்டில் ஒரு குழி! சுக்கிரவார்பேட்டை கோவில் வீதியில் மக்கள் பீதி | கோயம்புத்தூர் செய்திகள் | Dinamalar
பலி வாங்க காத்திருக்கு... நடுரோட்டில் ஒரு குழி! சுக்கிரவார்பேட்டை கோவில் வீதியில் மக்கள் பீதி
Advertisement
 

பதிவு செய்த நாள்

20 ஜன
2021
00:32

திடீர் குழியால் ஆபத்துசுக்கிரவார்பேட்டை பசுவண்ணன் கோவில் ரோட்டில் ஏற்பட்டுள்ள திடீர் குழியால், விபத்துகள் நிகழ வாய்ப்புள்ளது. உடனடியாக சரிசெய்ய வேண்டும்.- மாரியப்பன், சுக்கிரவார்பேட்டை.

நோய் பரவும் அபாயம்நஞ்சுண்டாபுரம், ரயில்வே மேம்பாலத்திற்கு கீழ், வெள்ளலுார்சாலையில், இறைச்சி மற்றும் சுகாதார கழிவுகள் கொட்டப்படுவதை தடுக்க வேண்டும்.- சூர்யா, வெள்ளலுார்.

தெருவிளக்கு பழுதுகணபதி, 40வது வார்டு, ஆவாரம்பாளையம் மெயின் ரோடு, ஷோபா நகரில், மின்கம்பத்தில், கடந்த சில மாதங்களாக விளக்கு எரிவதில்லை.- செல்வராஜன், அபிராமி நகர்.

சாலையை சீரமைக்கணும்சுந்தராபுரம் மெயின் ரோடு, செல்லாண்டியம்மன் கோவில் எதிரில், சேதமடைந்த அன்புநகர் இணைப்பு சாலையை சீரமைக்க, பல ஆண்டுகளாக வலியுறுத்தியும் நடவடிக்கையில்லை.- அன்பு நகர் பொதுமக்கள்.

சாலையில் தேங்கும் நீர்கணபதி, சி.எம்.எஸ்., பள்ளி பேருந்து நிலையம் எதிரே, சாலையில் உள்ள குழியில் மழைநீர் தேங்கி சேறும், சகதியுமாக இருக்கிறது.- விஷ்ணுவர்தன், கணபதி.

குட்டையை ஆக்கிரமித்து வீடுகள்செட்டிபாளையம் பேரூராட்சி பகுதிக்குட்பட்ட ஜெயம் நகரில், குட்டையை சுற்றி அமைக்கப்படும் வீடுகள் நீரில் மூழ்கும் அபாயம் உள்ளது.- நடராஜ், செட்டிபாளையம்.

சிதறிக்கிடக்கும் கழிவுகள்டவுன்ஹால், பூம்புகார் விற்பனை நிலையம் அருகே தொட்டியை சுற்றிலும் கழிவுகள் சிதறி அசுத்தமாக இருக்கிறது.- ஜெய்நரேன், உக்கடம்.

தொடரும் விபத்துகள்சுந்தராபுரம் - மதுக்கரை மார்க்கெட் ரோட்டில், தனியார் தொலைத்தொடர்பு நிறுவனம், சாலையின் மட்டத்தை விட உயரமாக பதித்துள்ள பெட்டியால், தொடர்ந்து விபத்து நிகழ்கிறது.- ஆனந்தகுமார், சுந்தராபுரம்.

வாகன ஓட்டிகளுக்கு சிரமம்பழையூர், 55வது வார்டில், மெயின் ரோட்டில் பெரிய பள்ளம் ஏற்பட்டுள்ளது. வாகன ஓட்டிகள் மிகுந்த சிரமத்திற்குள்ளாவதால், உடனடியாக சரிசெய்ய வேண்டும்.- கார்த்திக், பழையூர்.

சுகாதார சீர்கேடுஇருகூர், காமாட்சி புரம், ஐந்தாவது வார்டில், சாக்கடையை துார்வாரிய பின்பு கழிவுகளை சலையிலே போடுவதால், சுகாதாரமற்ற சூழல் நிலவுகிறது.- வேல்முருகன், இருகூர்.

குடிமகன்கள் அட்டகாசம்சுந்தராபுரம், சிட்கோ முதல் காமராஜர் நகர் வரையுள்ள சாலையில், டாஸ்மாஸ்கில் மதுபானம் வாங்கும் சிலர் திறந்தவெளியில் நின்று குடித்துவிட்டு, வேண்டாத செயல்களில் ஈடுபடுகின்றனர்.- அமுதா, சிட்கோ.

போதைப்பொருள் விற்பனைவெள்ளலுார், மரப்பாலம் அருகே சட்டவிரோதமாக போதைப்பொருள் விற்பவர்கள் மீது, காவல்துறை நடவடிக்கை எடுக்க வேண்டும்.- ஹீனா, வெள்ளலுர்

நாய் தொல்லைபீளமேடு, 39வது வார்டு, ஏ.டி., காலனியில் அதிகளவில் திரியும் தெருநாய்களால், மக்கள் வெளியில் நடமாடவே அஞ்சுகின்றனர்.- கிருபாகரன், பீளமேடு.

குப்பை தேக்கம்டவுன்ஹால், பேரூர் ரோட்டில், ஆட்டோ ஸ்டேண்ட் அருகே பல நாட்களாக தேங்கிகிடக்கும் குப்பையால், அப்பகுதி முழுவதும் துர்நாற்றம் வீசுகிறது.- நந்தினி, வடவள்ளி.

வழுக்கும் வாகனஓட்டிகள்தெலுங்குபாளையம், தாமு நகரின் சாலை சேறும், சகதியுமாக உள்ளது. பாதசாரிகள், வாகனஓட்டிகள் வழுக்கி விழும் நிகழ்வுகள் தொடர்கிறது.- விவேக், தாமு நகர்.

 

Advertisement
மேலும் கோயம்புத்தூர் மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X