Dinamalar

பதிவு செய்த நாள்

கோவை:மனைவியிடம் வரதட்சணை கேட்டு, கொடுமை செய்த கணவன் குடும்பத்தினர் மீது, போலீசார் வழக்கு பதிந்து விசாரிக்கின்றனர்.காளப்பட்டி அருகேயுள்ள திருமுருகன் நகரை சேர்ந்த பால்ராஜ் மகள் சுகன்யா ஜாஸ்மினுக்கும், 32, கணபதி, சி.எம்.எஸ்., பின்புறமுள்ள நேரு நகரை சேர்ந்த சார்லஸ் ஆபிரகாமிற்கும், நான்கு ஆண்டுக்கு முன்பு திருமணம் நடந்தது. மூன்று வயதில் ஆண் குழந்தை உள்ளது.இந்நிலையில், கணவர் குடும்பத்தினர் வரதட்சணை கேட்டு, சித்ரவதை செய்வதாக சுகன்யா ஜாஸ்மின், கிழக்கு பகுதி அனைத்து மகளிர் போலீசில் புகார் அளித்தார்.மனுவில், 'திருமணத்தின் போது கணவன் குடும்பத்தினர், 175 சவரன் நகை, 25 லட்சம் ரூபாய் வரதட்சணையாக கேட்டனர். 100 சவரன் நகை, 20 லட்சம் ரூபாய் கொடுத்தோம். மீதி நகை,பணம் கேட்டு சித்ரவதை செய்தனர். கோபித்து கொண்டு தந்தை வீட்டுக்கு சென்றேன். இதனால், எனது போட்டோ மற்றும் மொபைல் போன் எண்ணை, சமூக ஊடகங்களில் தவறாக பதிவு செய்து கொலை மிரட்டல் விடுக்கின்றனர். ஏற்கனவே கொடுத்த நகை,பணத்தை திருப்பி கேட்டும் தர மறுக்கின்றனர். அவர்கள் மீது நடவடிக்கை எடுக்க வேண்டும்' என கூறியுள்ளார்.மகளிர் போலீசார் விசாரித்து, கணவர் சார்லஸ் ஆபிரகாம், மாமனார் கிறிஸ்டோபர் ராஜ், டோரதி, ஆசிர் ஆகிய நான்கு பேர் மீது, வழக்கு பதிந்து விசாரிக்கின்றனர்.

• 1.தேர்தல் பணியில் ஈடுபடுவோருக்கு கவச உடை!:ஏற்பாடு செய்கிறது தேர்தல் ஆணையம்

• 1. கோவையில் 52 பேர் 'டிஸ்சார்ஜ்'
• 2. வெற்றி ஜோதிக்கு குன்னுாரில் வரவேற்பு
• 3. 'யக் ஷா' திருவிழாÆ: ஈஷாவில் துவக்கம்
• 4. ஏட்டய்யாவின் கச்சிதமான டிராமா...
• 5.வேட்பு மனு தாக்கல் செய்வது எங்கெங்கு?

• 1. வீட்டில் தீப்பிடித்து பொருட்கள் சேதம்
• 2. 'ஸ்மார்ட் சிட்டி'யில் துவங்கியது குடிநீர் தட்டுப்பாடு!
• 3. இணைப்பு ரோட்டில் பஸ் பயணம் :வழித்தடம் மாறுவதால் அதிருப்தி

• 1. பொள்ளாச்சியில் ரூ. 3.98 லட்சம் பறிமுதல்
• 2. பூட்டியிருந்த வீட்டில் நகை, பணம் திருட்டு
• 3. விபத்தில் சிக்கியது ஆம்புலன்ஸ் நோயாளி உட்பட 5 பேர் காயம்
• 4. கத்தியை காட்டி மிரட்டல்
• 5. விடுதி உணவு தரமில்லை: மாணவர்கள் போராட்டம்