Dinamalar

பதிவு செய்த நாள்

திண்டிவனம்:திண்டிவனத்தில், அதிகாலையில் லாரி டிரைவரின் கவனக் குறைவால், மூன்று பஸ்கள் அடுத்தடுத்து மோதிக் கொண்டன.

சென்னையில் இருந்து சேலத்திற்கு, நேற்று முன்தினம் இரவு, மளிகை பொருட்களுடன், ஒரு லாரி புறப்பட்டது. புதுக்கோட்டையைச் சேர்ந்த ரமேஷ், 64, ஓட்டினார்.நேற்று அதிகாலை, 5:00 மணிக்கு, விழுப்புரம் - சென்னை தேசிய நெடுஞ்சாலையில், திண்டிவனம், நத்தமேடு அருகே வந்தபோது, டிரைவர் ரமேஷ் துாக்க கலக்கத்தில், லாரியை திடீரென தடம் மாறி, எதிர் திசையில் ஓட்டி வந்தார்.அப்போது, விழுப்புரத்தில் இருந்து சென்னை சென்ற ஆம்னி பஸ் டிரைவர், எதிரில் லாரி வருவதை கண்டு திடுக்கிட்டு, பிரேக் பிடித்தார்.

இதில், பின் தொடர்ந்து வந்த அரசு பஸ், ஆம்னி பஸ் மீது மோதியது. அரசு பஸ் மீது, பின்னால் வந்த ஆம்னி பஸ் மோதியது.இதில், அரசு பஸ்சின் இருபக்க கண்ணாடிகளும், அரசு பஸ் மீது மோதிய ஆம்னி பஸ்சின் முன்பக்க கண்ணாடியும் உடைந்து சேதமடைந்தன. ஆயினும், பஸ்களில் இருந்த பயணியர் காயமின்றி தப்பினர். தேசிய நெடுஞ்சாலையில் நடந்த விபத்தால், போக்குவரத்து பாதித்தது. திண்டிவனம் போலீசார், விபத்தில் சிக்கிய வாகனங்களை ஜே.சி.பி., மூலம் அகற்றி, போக்குவரத்தை ஒழுங்குபடுத்தினர்.

• 1. அமைச்சரின் சொந்த தொகுதியில் தி.மு.க.,- அ.தி.மு.க., 'மல்லுகட்டு'
• 2.தேர்தல் நன்னடத்தை விதிமுறைகளை மீறினால் சிறை! அச்சக உரிமையாளர்களுக்கு கலெக்டர் எச்சரிக்கை

• 1. தேர்தல் பணி ஆசிரியர்களுக்கு கொரோனா தடுப்பூசி
• 2. தேர்தல் கட்டுபாட்டு அறையில் கலெக்டர் ஆய்வு
• 3. விழுப்புரத்தில் கலெக்டர் தலைமையில் துணை ராணுவத்தினர் கொடி அணிவகுப்பு
• 4.சங்கராபுரம்: தி.மு.க., ஆதிக்கம்
• 5. சங்கராபுரம் சட்டசபை தொகுதி 'பிளாஷ் பேக்'

• 1. சங்கராபரணி ஆற்றில் மருத்துவ கழிவுகள்; கிராமங்களில் குடிநீர் மாசுபடும் அபாயம்

• 1. ரூ.10 ஆயிரம் லஞ்சம்
• 2. காலில் காயமடைந்த மயில் வனத்துறையிடம் ஒப்படைப்பு
• 3. அத்தியூர் சந்தையில் தொடரும் பைக் திருட்டு
• 4. மகன் மாயம்; தந்தை புகார்
• 5. புகையிலை விற்ற ஆசாமி கைது