Dinamalar

பதிவு செய்த நாள்

திண்டிவனம்; திண்டிவனம் மேம்பாலத்தின் மேல் பகுதியில், பஸ்களை நிறுத்தி பயணிகளை இறக்ககூடாது என்ற போலீஸ் எச்சரிக்கையை மீறி, பயணிகளை இறக்குவதால் போக்குவரத்து நெரிசல் மற்றும் விபத்து ஏற்படும் அபாயம் உள்ளது. திண்டிவனத்தில் போக்குவரத்து நெரிசலை போக்க 19 ஆண்டுகளுக்கு முன், மேம்பாலம் கட்டப்பட்டது. தொலை துாரம் செல்லும் வாகனங்கள், மேம்பாலத்தின் கீழ் பகுதிக்கு வராமல், மேம்பாலத்தின் வழியாக பல்வேறு ஊர்களுக்கு சிரமம் இல்லாமல் சென்று வந்தது.பாலத்தின் மேல்பகுதியில் திருவண்ணாமலை, வேலுார், காஞ்சிபுரம் உள்ளிட்ட ஊர்களுக்கு செல்லும் பஸ்கள், திண்டிவனத்தில் இறங்கும் பயணிகளை, இறக்கிவிட்டு செல்கின்றது. பாலத்தின் மேல் பகுதியில் அகலம் குறைவாக இருப்பதால், பயணிகளை இறக்குவதால், மேம்பாலத்தின் மேல் போக்குவரத்து நெரிசல் மற்றும் சாலையை கடக்கும் பயணிகள் விபத்தில் சிக்கி கொள்ளும் அபாயம் இருந்தது. இதைத்தொடர்ந்து, திண்டிவனம் டவுன் டி.எஸ்.பி.உத்தரவின் பேரில் மேம்பாலத்தின், மேல்பகுதியில் பஸ்களை நிறுத்தி, பயணிகளை இறக்கிவிடக்கூடாது, மேம்பாலத்தின் கீழ்பகுதியில் உள்ள பஸ் நிலையத்தில் பயணிகளை இறக்க வேண்டும் என்று அறிவிப்பு வெளியிடப்பட்டது. ஆனால் புதுச்சேரியிலிருந்து திருவண்ணாமலை உள்ளிட்ட ஊர்களுக்கு செல்லும் பஸ்கள், மேம்பாலத்தின் மேல்பகுதியில் நிறுத்தி, பயணிகளை இறக்கிவிட்டு செல்கின்றனர். இதனால் போக்குவரத்து நெரிசல் ஏற்படுவதுடன், வயதான பயணிகள் மேம்பாலத்தின் படிக்கட்டு வழியாக கீழே இறங்கி வருவதற்கு சிரமப்படுகின்றனர். பெரிய அளவில் விபத்து ஏற்படுவதற்குள், புதுச்சேரியிலிருந்து திருவண்ணாமலை உள்ளிட்ட ஊர்களுக்கு செல்லும் அரசு பஸ்கள், மேம்பாலத்தின் கீழ்பகுதியாக வந்து செல்வதற்கும் போலீசார் நடவடிக்கை எடுக்க வேண்டும்.

• 1.மாற்றுத்திறனாளிகள் மற்றும் முதியோர் தபால் ஓட்டளிக்க அனுமதி

• 1. மேலும் இருவருக்கு கொரோனா பாதிப்பு
• 2. ஓட்டுச்சாவடி மையங்களில் கிருமி நாசினி தெளிக்க உத்தரவு
• 3. நுாறு சதவீத ஓட்டுப்பதிவு கையெழுத்து இயக்கம்
• 4. அங்காளம்மன் கோவில் கும்பாபிஷேக விழா
• 5. கள்ளக்குறிச்சியில் மேலும் ஒருவருக்கு கொரோனா

• 1. லாரி பழுது போக்குவரத்து பாதிப்பு

• 1. ஊராட்சி செயலாளரின் தாலி செயின் பறிப்பு
• 2. திண்டிவனத்தில் தீ விபத்து
• 3. சிறுபான்மை ஆணைய உறுப்பினர் வீட்டில் திருடியவர் கைது
• 4. மேற்கு வங்க வாலிபர் மயங்கி விழுந்து பலி
• 5. மகளுடன் மனைவி மாயம்