வேதனை: என்.எல்.சி., மற்றும் இயற்கை பேரிடர்களால் விவசாயிகள்...கம்மாபுரம் வட்டாரத்தில் நிரந்தர தீர்வு காண கோரிக்கை
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

22 ஜன
2021
05:46

விருத்தாசலம்; என்.எல்.சி., இரண்டாம் சுரங்க விரிவாக்கப் பணி மற்றும் இயற்கை பேரிடர்களால் விளை நிலங்கள் பாழாவதைத் தடுக்க மாவட்ட நிர்வாகம் நிரந்தர தீர்வு காண வேண்டும் என கம்மாபுரம் வட்டார விவசாயிகள் கோரிக்கை விடுத்துள்ளனர்.



கம்மாபுரம் வட்டாரத்தில், 20 ஆயிரம் ஏக்கர் நெல் பயிரிடப்பட்டது. இதில் கடந்த வாரம் பெய்த கன மழை காரணமாக 13 ஆயிரம் ஏக்கர் நெற்பயிர்கள் பாழாகின.குறிப்பாக, கனமழைக்கு வெள்ளம் பெருக்கெடுத்து மணிமுக்தாற்றின் இரு கரைகளை ஒட்டிய டி.பவழங்குடி, கீரமங்கலம், க.தொழூர், கோ.பொன்னேரி, கோ.ஆதனுார், கம்மாபுரம், சு.கீனனுார், பெருந்துறை உள்ளிட்ட கிராமங்கள் அதிக பாதிப்பை சந்தித்தன.மேலும், நெய்வேலி என்.எல்.சி., இரண்டாவது சுரங்கத்தில் இருந்து வெளியேற்றப்படும் சுரங்க மண் சு.கீனனுார், கம்மாபுரம் பகுதிகளில் மலைபோல் குவித்துவைக்கப்பட்டுள்ளது.கனமழை மற்றும் வெள்ளம் காரணமாக இந்த மண் மேடுகளைச் சுற்றியுள்ள வடிகால்களில் உடைப்பு ஏற்பட்டு, கம்மாபுரம் பகுதிகளில் உள்ள வீடுகள் மற்றும் 500 ஏக்கருக்கும் மேற்பட்ட நெற்பயிர்களை தண்ணீர் சூழ்ந்தது. இதனால், நெற்பயிர்கள் பாழாகின.தற்போது மழை ஓய்ந்த நிலையில், எஞ்சிய நெற்பயிர்களை மீட்கும் பணியில் விவசாயிகள் தீவிரமாக ஈடுபட்டுள்ளனர். சேறும் சகதியுமான நிலங்களில் இயந்திரம் மூலம் அறுவடை பணியை மேற்கொள்கின்றனர்.ஆனால், பாதியளவு மகசூல் கூட கிடைக்காது என விவசாயிகள்கவலையடைந்துள்ளனர்.வடிந்தது வெள்ளம்கம்மாபுரம் பகுதிகளில் வீடுகளுக்குள் புகுந்த தண்ணீர் வடிந்து வருவதால், அப்பகுதி மக்களின் இயல்பு வாழ்க்கை சகஜ நிலைக்கு திரும்பியது. ஆனால், மழை பெய்தாலே இந்த நிலை தொடர்வதால், அப்பகுதி மக்கள் மிகுந்தவிரக்தியடைந்துள்ளனர்.



நிரந்தர தீர்வு தேவைஇரண்டாம் சுரங்க மண் மேட்டைச் சுற்றியுள்ள வடிகால் துார்ந்துள்ளதால், கனமழை பெய்யும் போது வடிகால் உடைந்து, விளைநிலங்கள், குடியிருப்பு பகுதிகளுக்குள் வெள்ளம் புகுந்து விடுகிறது.எனவே, சுரங்க மண் மேட்டில் இருந்து கம்மாபுரம் ஏரி வழியாகச் செல்லும் வாய்க்காலை அகலப்படுத்தி, கான்கிரீட் வரப்பு கட்டித்தர வேண்டும். இதனால் மழைநீருடன் மண் கலந்து வயல்களில் புகுவது தடுத்து நிறுத்தப்படும்.அனைத்து விவசாய சங்க கூட்டமைப்பின் மாவட்ட செயலாளர் கார்மாங்குடி வெங்கடேசன் கூறுகையில், 'புயல், வெள்ளம், மழையால் கடலுார் மாவட்டம் முழுமையாக பாதிக்கிறது.கம்மாபுரம் வட்டாரத்தில், 40க்கும் மேற்பட்ட கிராம விவசாய நிலங்கள் என்.எல்.சி.,யால் பெருமளவு பாதிக்கிறது. ஒருபுறம், அதிக ஆழத்திற்கு தண்ணீரை ராட்சத மின் மோட்டார்கள் மூலம் வெறியேற்றி, நிலத்தடி நீர்மட்டம் சரிந்து போனது.



மறுபுறம், சுரங்கத்தில் தேக்கி வைத்திருக்கிற மண் மேடுகளில் இருந்து தண்ணீரும் மண்ணும் சேர்ந்து வயல்வெளிமண் மேடாகிறது.இதற்கு நிரந்தர தீர்வாக என்.எல்.சி., ஊரக மேம்பாட்டு நிதியிலிருந்து, விளை நிலங்களையொட்டி, கான்கிரீட் வரப்பு அமைக்க வேண்டும். அப்போதுதான், மழைக் காலங்களில் தண்ணீரோடு மண் கலந்து வயல்களில் உட்புகுவது தடுக்கப்படும்' என்றார்.

 

Advertisement
மேலும் கடலூர் மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X