ஊத்துக்கோட்டை தாலுகா அலுவலகம் முற்றுகை
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

22 ஜன
2021
07:04

ஊத்துக்கோட்டை - ஆரணி ஆற்றின் மேல் நடைபெறும், பாலப் பணி, இரண்டு ஆண்டுகளுக்கு மேலாக, மந்தகதியில் நடப்பதால், போக்குவரத்து வசதியின்றி பல கிராமமக்கள் கடும் அவதிப்பட்டு வருகின்றனர். இதையடுத்து, ஊத்துக்கோட்டை தாலுகா அலுவலகத்தை நேற்று முற்றுகையிட்டனர்.ஊத்துக்கோட்டை, ஆரணி ஆற்றின் மேல் பாலம் கட்ட, 2018ல், மத்திய சாலை நிதி திட்டம் மூலம், 27.8 கோடி ரூபாய் ஒதுக்கீடு செய்யப்பட்டது. இதையடுத்து, போக்குவரத்திற்கு பாலத்தின் இடதுபுறம் தற்காலிக தரைப்பால சாலை போடப்பட்டது.'நிவர், புரெவி' புயல்களால் பெய்த மழையில், ஆரணி ஆற்றில் வெள்ளப் பெருக்கு ஏற்பட்டு, நவ.25ம் தேதி தரைப்பால சாலை உடைந்து, போக்குவரத்து முடங்கியது.மறு கரைக்கு செல்ல, 40 கி.மீட்டர் சுற்றிச் சென்றனர். முழுமை பெறாத பாலத்தின் மேல் செல்ல, இரு பக்கமும், இரும்பு படிக்கட்டுகள் அமைக்கப்பட்டன. வணிகர்கள் கடையடைப்பு ஆர்ப்பாட்டம் அறிவிப்பால், டிச.25ம் தேதி பாலத்தின் வலதுபுறம் புதிய சாலை போடப்பட்டது.டிச.5ம் தேதி பெய்த மழையில், புதிய பாலமும் சேதமானது. ஒரு வாரத்திற்கு பின், பைக், கார், ஆட்டோ செல்ல பாதை போடப்பட்டது.தரைப்பால சாலை சேதத்தால், நவ.25ம் தேதி முதல், பஸ் போக்குவரத்து நிறுத்தப்பட்டது. ஆற்றின் மறுகரைக்கு செல்ல ஆட்டோவிற்கு, 20 ரூபாய் கொடுத்து, அங்கிருந்து பஸ் மூலம், மற்ற பகுதிக்கு மக்கள் செல்வதால், பண செலவு அதிகமாகிறது.வேலைக்குச் செல்பவர்கள், தினமும், பாலத்தை கடக்க மட்டும், 40 ரூபாய் செலவழிக்கின்றனர். மாணவர்கள் பள்ளிக்கு வருவதில்லை. பஸ் போக்குவரத்து முடக்கத்தால், 30 கிராம மக்கள் சிரமப்படுகின்றனர்.இந்நிலையில், ஊத்துக்கோட்டை தாலுகா அலுவலகத்திற்கு, நேற்று, கலெக்டர் பொன்னையா, வருவதாக இருந்ததை அறிந்த வணிகர் சங்கத்தினர், பாலப்பணி தாமதம், தரைப்பால சாலை அமைப்பதில் மெத்தனம் ஆகியவற்றை புகாராக வழங்க, தாலுகா அலுவலகத்தில் குவிந்தனர்.கலெக்டர் வருகை ரத்தானதாக, அதிகாரிகள் தெரிவித்தனர். பாலப்பணி, சாலை அமைத்தலை துரிதப்படுத்த, இன்று, 22ம் தேதி காலை, கடை அடைப்பு போராட்டம் நடத்த முடிவெடுத்தனர்.இந்நிலையில், திருவள்ளூர் வருவாய் கோட்டாட்சியர் ப்ரீத்தி பார்கவி, மொபைல்போன் மூலமாக தொடர்பு கொண்டு, வரும், 24ம் தேதி ஞாயிற்றுக்கிழமைக்குள், சாலை அமைத்து தருவதாக கூறினார்.இதனால், அவர்களின் கோரிக்கையை ஏற்று, வரும், 24ம் தேதி மாலைக்குள் பணிகள் முடிக்கவில்லை எனில், 25ம் தேதி கடை அடைப்பு போராட்டம் நடத்தப்படும், என, ஊத்துக்கோட்டை வணிகள் சங்க தலைவர் நடராஜன் தெரிவித்தார்.

 

Advertisement
மேலும் திருவள்ளூர் மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X