Dinamalar

பதிவு செய்த நாள்

கோவை:தேர்தல் பிரசாரத்துக்கான சொகுசு வாகனங்கள் தயாரிப்பு, கோவையில் மும்முரமாக நடந்து வருகிறது.தமிழகத்தில், ஏப்., 6ம் தேதி சட்டசபை தேர்தல் நடக்க உள்ளது. தேர்தல் தேதி அறிவிக்கப்பட்டுள்ளதால் முக்கிய கட்சிகளின் தலைவர்கள் பிரசாரத்தில் ஈடுபட உள்ளனர்.பல இடங்களில், பல நாட்கள் பல மணி நேரம் பிரசாரம் மேற்கொள்வது அவசியம். இதற்காக பல்வேறு வசதிகளுடன் கூடிய சொகுசு வாகனங்கள் பயன்படுத்தப்படுகின்றன.கோவை, சிவானந்தாகாலனி ராதாகிருஷ்ணன் ரோட்டிலுள்ள ஒரு நிறுவனம், அனைத்து வசதிகளுடன் கூடிய, பிரசார சொகுசு வாகனங்களை தயார் செய்து வருகிறது.பல ஆண்டுகளாக பல்வேறு தலைவர்களுக்கு இவர்கள் சொகுசு வாகனங்களை தயார் செய்து கொடுத்துள்ளனர். முதல்வர் பழனிசாமி, தி.மு.க., தலைவர் ஸ்டாலின் ஆகியோருக்கான சொகுசு வாகனங்களை தயார் செய்து அனுப்பி உள்ளனர்.துணை முதல்வர் பன்னீர்செல்வம் உள்ளிட்ட பல்வேறு அரசியல் கட்சித் தலைவர்களுக்கான சொகுசு வாகனங்கள் தயாரிப்பில் மும்முரமாக ஈடுபட்டுள்ளனர்.நிறுவன பங்குதாரர் ரியாஸ் கூறியதாவது:ஏழு பேர் பயணிக்கும் வகையில், 'போர்ஸ்' நிறுவன வாகனம், பல்வேறு நவீன வசதிகளுடன் முழு வீச்சில் தயாராகிறது. பொதுவாக முன்புற இருக்கைகள் சுழலும் வகையில் அமைக்கப்படும். அதன் பின் தலைவர்களின் வேண்டுகோளுக்கு ஏற்ப மேடைகள் அல்லது மேலும், கீழும் இயங்கும் வகையிலும், 'ஹைட்ராலிக் லிப்ட்' பொருத்தப்படும்.இதுதவிர, குளிர்சாதனப் பெட்டி, கட்டில், மெத்தை, சிகையலங்கார அலமாரி, 'ஏசி', எல்.இ.டி., 'டிவி', வெஸ்டன் டைப் கழிவறை, குளியலறை, நீர் சேமிப்பு தொட்டி ஆகியவை தேவைக்கு ஏற்ப பொருத்தப்படும்.எல்.இ.டி., விளக்குகள், வை-பை வசதி, நவீன சவுண்ட் சிஸ்டம்ஸ் ஆகியவையும் பொருத்தப்படுகின்றன. தற்போது தேர்தல் அறிவிக்கப்பட்டுள்ளதால் பணிகள் முழுவீச்சில் நடந்து வருகின்றன. தமிழகம் மட்டுமின்றி ஆந்திரா, கர்நாடகா, கேரளா, மஹாராஷ்டிரா ஆகிய மாநில அரசியல் தலைவர்களுக்கு சொகுசு வாகனங்கள் தயாரித்து வழங்கப்படுகின்றன.இவ்வாறு, அவர் கூறினார்.

• 1.வடமாநில தொழிலாளர்கள் இங்குதான் இருக்கின்றனர்! தொழில்துறையினர் விளக்கம்
• 2. அவசர தேவைகளுக்கு 5,277 படுக்கைகள் தயார்!
• 3. நள்ளிரவில் நடந்த 'கழிவறை அரசியல்!' ஓட்டு எண்ணும் மையத்தில் கட்சியினர் அக்கப்போர்
• 4. ஜெயிச்ச பிறகு மறக்காம கேளுங்க! இதோ உங்கள் தொகுதி வேட்பாளரின் வாக்குறுதி
• 5. தடுப்பூசி மையங்களை அதிகரிக்க முடிவு! மருத்து பற்றாக்குறை தீர்க்க அரசுக்கு அறிக்கை

• 1.உண்மை சொன்ன அறிக்கை: உறுதியாக எடுக்கப்படுமா நடவடிக்கை?
• 2. சார்பதிவாளர் அலுவலகம் அரசு அறிவித்தும் திறக்கலை!
• 3. வீட்டில் தங்கி கொரோனா சிகிச்சை பெற சுகாதாரத்துறை நடவடிக்கை
• 4. பொய் தகவலை நம்பாதீங்க
• 5. கொரோனா விதிமுறைகளை மீறினால் அபராதம்; வியாபாரிகளுக்கு எச்சரிக்கை

• 1. ஆற்றின் வழித்தடத்தை ஆக்கிரமித்துள்ள புதர்
• 2. புதிரில் புதையும் மேல்நிலைத்தொட்டி

• 1. அடித்துக்கொல்ல முயற்சி மூவருக்கு போலீசார் வலை
• 2. மொபைல்போன் டவருக்கு மக்கள் எதிர்ப்பு
• 3. திருநங்கைகளிடம் சில்மிஷ முயற்சி 4 பேர் கைது
• 4. கோவையில் 521 பேர் 'டிஸ்சார்ஜ்'
• 5. 280 மூட்டை ரேஷன் அரிசி பதுக்கிய இருவர் கைது