Dinamalar

சென்னை-முதல்வராக ஸ்டாலின் பொறுப்பேற்ற பின், முதல் முறையாக சொந்த தொகுதியான கொளத்துாரில் நேற்று ஆய்வு செய்து, ஊரடங்கால் பாதிக்கப்பட்ட மக்களுக்கு நிவராண உதவிகளை வழங்கினார். தி.மு.க., தலைவர் ஸ்டாலின், சென்னை கொளத்துார் தொகுதியில் இருந்து, மூன்றாவது முறை எம்.எல்.ஏ.,வாக தேர்ந்தெடுக்கப்பட்டார்.அவர் முதல்வர் பதவியேற்ற பின், கொளத்துாருக்கு நேற்று முதல் முறையாக சென்றார். துாய்மை பணியாளர்களுக்கு, 69வது வார்டில், தி.மு.க., சார்பில் தினமும் உணவு வழங்கும் திட்டத்தை, முதல்வர் ஸ்டாலின் துவக்கி வைத்தார்.பின், கொளத்துார் எம்.எல்.ஏ., அலுவலகத்தில், ஊரடங்கால் வாழ்வாதரம் பாதிக்கப்பட்டுள்ள மாற்றுத் திறனாளிகளுக்கு, அரிசி, பருப்பு உள்ளிட்ட நிவாரணப் பொருட்களை வழங்கினார்.கொரோனா தடுப்பு பணிகளையும், முதல்வர் ஆய்வு செய்தார். திரு.வி.க.நகர் மண்டல அலுவலகத்தில், தடுப்பூசி போடும் பணியை பார்வையிட்டார். பெரம்பூர், ஜி.கே.எம்., காலனியில் உள்ள ரேஷன் கடையில், கொரோனா நிவாரண நிதி வழங்கப்படுவதையும், அவர் பார்வையிட்டார்.கொளத்துார், ஜவஹர் நகரில் உள்ள தி.மு.க., அலுவலகத்தில், 100 மாற்றுத்திறனாளிகளுக்கு நலத்திட்ட உதவிகளை வழங்கினார்.அங்கிருந்து அவர் காரில் செல்ல முயன்ற போது, தீபக், 42, என்ற மாற்றத்திறனாளி, முதல்வரை வழிமறித்தார். 'மாற்றுத்திறனாளிகளின் வீடுகளுக்கு சென்று கொரோனா தடுப்பூசி போட வேண்டும்' என, அவர் கோரிக்கை விடுத்தார். அவரிடம், 'கண்டிப்பாக நடவடிக்கை எடுக்கப்படும்' என, உறுதி அளித்து, முதல்வர் அங்கிருந்து சென்றார்.முதல்வரின் ஆய்வு பணியில், அமைச்சர் சேகர்பாபு, எம்.பி., தயாநிதி, மாநகராட்சி கமிஷனர் ககன்தீப்சிங் பேடி உள்ளிட்டோர் பங்கேற்றனர்.

• 1. மாநகராட்சி கூட்டத்தில் கவுன்சிலர்கள்... கொதிப்பு! விவாதமின்றி தீர்மானங்கள் நிறைவேற்றம்
• 2.நம் நாளிதழ் எதிரொலியால் பேனர் அகற்றம்
• 3.தேர்தல் கமிஷன் பதிலால் அ.தி.மு.க.,வில் புது சர்ச்சை
• 4.டிப்பர் லாரி மோதி இறந்தவர்மனைவிக்கு ரூ.35 லட்சம் இழப்பீடு
• 5.வயல்வெளியான பிரதான சாலைவழுக்கி விழும் வாகன ஓட்டிகள்
• 6.நெஞ்சு வலியால் விமான பயணி உயிரிழப்பு
• 7.விமானங்கள் வெளியேற 2 பாதைஏர்போர்ட்டில் பணிகள் தீவிரம்
• 8.இன்று இனிதாக (29.06.22 - புதன்)
• 9.மின் கம்பம் மாற்றப்படுமா?
• 10.நாய் தொல்லை அதிகரிப்பு: சிட்கோ நகர் மக்கள் பீதி