எச்சரிக்கை! பூங்கா பராமரிப்பு இல்லாவிட்டால்....ஒப்பந்ததாரர்களுக்கு அபராதம் என மாநகராட்சி | சென்னை செய்திகள் | Dinamalar
எச்சரிக்கை! பூங்கா பராமரிப்பு இல்லாவிட்டால்....ஒப்பந்ததாரர்களுக்கு அபராதம் என மாநகராட்சி
Advertisement
 

மாற்றம் செய்த நாள்

27 ஜூலை
2021
07:17
பதிவு செய்த நாள்
ஜூலை 27,2021 00:02

சென்னை: 'சென்னை மாநகராட்சி பூங்காக்களில், பராமரிப்பு பணிகளை சரிவர மேற்கொள்ளாத ஒப்பந்ததாரர்களுக்கு அபராதம் விதிக்கப்படும்' என, மாநகராட்சி எச்சரித்துள்ளது.


சென்னை மாநகராட்சி செய்தி குறிப்பு:


சென்னை மாநகராட்சி பூங்காத்துறையின் சார்பில், 704 பூங்காக்கள் பராமரிக்கப்பட்டு வருகின்றன. இவற்றில், 540 பூங்காக்களின் பராமரிப்பு பணிகள், ஒப்பந்த அடிப்படையில் தனியார் வசம் ஒப்படைக்கப்பட்டுள்ளன.


இவற்றில் தண்ணீர் பாய்ச்சுவது, களையெடுப்பது, புல்வெளிகளை பராமரிப்பது, ஊழியர்களை நியமித்து பாதுகாப்பை உறுதி செய்வது ஒப்பந்த நிறுவனங்களின் கடமை. ஒவ்வொரு பூங்காவிலும் புகார் பதிவேடு கட்டாயம் இருக்க வேண்டும். பூங்காவின் நுழைவு வாயிலில் பார்வை நேரம் உள்ளிட்ட தகவல்கள் இடம் பெற வேண்டும்.


பூங்கா பராமரிப்பு பணிகளில் குறைபாடுகள் காணப்பட்டால் அபராதம் விதிக்கப்படும்; அலட்சியம் காட்டினால், ஒப்பந்தம் ரத்து செய்யப்படும். குடியிருப்போர் நலச்சங்கங்கள், தங்கள் பகுதியில் உள்ள பூங்காக்களை கண்காணித்து, புகார்கள் குறித்து மண்டல அலுவலகங்கள், வட்டார துணை ஆணையர் அலுவலகம், மாநகராட்சி தலைமையிடத்தில் தெரிவிக்கலாம். மேலும் 1913 என்ற தொலைபேசி உதவி எண்ணில் புகார் தெரிவிக்கலாம். இவ்வாறு அதில் கூறப்பட்டுள்ளது.

 

Advertisement
மேலும் சென்னை மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X