தன்னார்வலர்கள், நிறுவனங்களுக்கு மாநகராட்சி... அழைப்பு! 'ரிசர்வ் சைட்'டுகளில் குறுங்காடு உருவாக்க முடிவு
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

மாற்றம் செய்த நாள்

30 ஜூலை
2021
03:48
பதிவு செய்த நாள்
ஜூலை 30,2021 03:43

கோவை:கோவை மாநகராட்சி பகுதியில், முதல்கட்டமாக, 100 'ரிசர்வ் சைட்'டுகளில், 'மியாவாக்கி' முறையில், குறுங்காடு உருவாக்கும் திட்டத்தில், மரக்கன்றுகள் நடுவதற்கு, இயற்கை ஆர்வலர்கள், குடியிருப்போர் நலச்சங்கங்கள் மற்றும் தனியார் நிறுவனங்களுக்கு, மாநகராட்சி அழைப்பு விடுத்துள்ளது.



கோவை மாநகராட்சி பகுதியில், 1,000 ஏக்கருக்கு மேலாக, பொது ஒதுக்கீடு இடங்கள் (ரிசர்வ் சைட்) இருக்கின்றன. இணைக்கப்பட்ட உள்ளாட்சி அமைப்புகளில் உள்ள 'ரிசர்வ் சைட்'டுகளின் பரப்பை சேர்த்தால், இன்னும் பல நுாறு ஏக்கர் கிடைக்கும். இவற்றின் விபரம், மாநகராட்சி பதிவேட்டில் இருந்தாலும், நேரடியாக சென்று பார்த்தால், அதிர்ச்சியை ஏற்படுத்துகிறது.பல இடங்கள் ஆக்கிரமிப்பில் சிக்கியுள்ளன; பல இடங்கள் போலி பத்திரங்கள் தயாரிக்கப்பட்டு விற்கப்பட்டுள்ளன. அவற்றை மீட்பதற்கான ஆயத்த பணிகள் ஒருபுறம் நடந்து வந்தாலும், தற்போது பராமரிப்பில் உள்ள 'ரிசர்வ் சைட்'டுகளை அடையாளம் கண்டு மேம்படுத்த, மாநகராட்சி கமிஷனர் ராஜகோபால் முடிவு செய்துள்ளார்.



முதல்கட்டமாக, 100 சைட்டுகளை தேர்வு செய்து, 'மியாவாக்கி' முறையில் மரக்கன்றுகள் நட்டு, குறுங்காடுகள் உருவாக்கும் திட்டத்தை முன்னெடுத்துள்ளார். இப்பணியை மேற்கொள்ள தன்னார்வலர்கள், தொண்டு நிறுவனங்கள், இயற்கை ஆர்வலர்கள், குடியிருப்போர் நலச்சங்கங்கள் மற்றும் தனியார் நிறுவனங்களுக்கு மாநகராட்சி நிர்வாகம் அழைப்பு விடுத்துள்ளது.



மாநகராட்சி கமிஷனர் ராஜகோபால் கூறுகையில், ''முதல்கட்டமாக, 100 'ரிசர்வ் சைட்'டுகள் பட்டியல் தயார் செய்துள்ளோம். தன்னார்வலர்கள், நிறுவனத்தினர் தாமாக முன்வந்து, அவர்களது செலவில் மரக்கன்று நட்டு, தொடர்ச்சியாக பராமரிக்க வேண்டும். இதுதொடர்பாக, மாநகராட்சி புரிந்துணர்வு ஒப்பந்தம் செய்து கொள்ளும். சில சைட்டுகள், வேலி வசதிகளுடன் இருக்கின்றன; சிலவற்றில் இல்லை. தண்ணீர் வசதி மாநகராட்சியே செய்து கொடுக்கும். விருப்பமுள்ள நிறுவனத்தினர் மாநகராட்சியை தொடர்பு கொள்ளலாம்,'' என்றார்.



வரவேற்கத்தக்கது!


'சிறுதுளி' நிர்வாக அறங்காவலர் வனிதா மோகன் கூறியதாவது:அண்ணா பல்கலை வளாகத்தில், 85 ஆயிரம் மரக்கன்றுகள் நடப்பட்டு, நன்கு வளர்ந்துள்ளன. மறைந்த முன்னாள் ஜனாதிபதி கலாம் பிறந்த நாளுக்கு முன், ஒரு லட்சம் மரக்கன்று நடுவதற்கு திட்டமிட்டு உள்ளோம்.மாநகராட்சி பகுதியில் உள்ள ரிசர்வ் சைட்டுகள் புதர்மண்டிக் கிடக்கின்றன. சில இடங்களில் சமூக விரோத செயல்கள் நடக்கின்றன. அவ்விடங்களை மீட்டு, மரக்கன்று நட்டு பராமரிக்க வேண்டுமென, பல ஆண்டுகளாக வலியுறுத்தி வந்தோம்.



முதல்கட்டமாக, 100 'ரிசர்வ் சைட்'டுகளில், 'மியாவாக்கி' முறையில் மரக்கன்று நட, மாநகராட்சி முடிவெடுத்திருப்பது வரவேற்கத்தக்கது. மாநகராட்சியுடன் இணைந்து பணியாற்றுவோம். பச்சாபாளையத்தில் எஸ்.பி.பி., வனம் உருவாக்கிக் கொடுத்தோம்; அப்பகுதி மக்கள் ஒன்றிணைந்து, பராமரித்து வருகின்றனர். அதேபோல், அந்தந்த ஏரியாவை சேர்ந்த குடியிருப்போர் நலச்சங்கத்தினரிடம் பராமரிக்கும் பொறுப்பை வழங்க வேண்டும்.இவ்வாறு, அவர் கூறினார்.

 

Advertisement
மேலும் கோயம்புத்தூர் மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
30-ஜூலை-202112:16:22 IST Report Abuse
Ram Pollachi குளம் எல்லாம் தூர்வாரி மூடியாச்சு! அடுத்து ரிசர்வ் சைட்டில் சந்தன மரத்தை வைத்து பாதுகாப்பு போடுங்க! ஒரே கல்லில் இரண்டு தேங்காய்.
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X