வயதான தம்பதி கொலை வழக்கில் உறவினர் உட்பட 3 பேர் கைது
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

04 ஆக
2021
01:19

திருத்தணி: திருத்தணியைச் சேர்ந்த வயதான தம்பதியர் கொலை செய்யப்பட்ட வழக்கில், உறவுக்காரர் உட்பட, மூன்று பேரை போலீசார் கைது செய்தனர்.


திருத்தணி, மாருதி நகரைச் சேர்ந்தவர் சஞ்சீவி 70; இவரது மனைவி மாலா 60. சஞ்சீவி, சீட்டு, வட்டிக்கு பணம் கொடுக்கும் தொழில் செய்து வந்தார். கடந்த ஜூலை 29ம் தேதி, சஞ்சீவி, மனைவியுடன் காணாமல் போனதை அறிந்த அவரது சகோதரர் பாபு, திருத்தணி போலீசில் புகார் அளித்தார்.


ஆந்திர மாநிலம் புத்துார் அருகே ராமச்சந்திரபுரம் காட்டுப்பகுதியில், தம்பதி கொலை செய்யப்பட்டு, முட்புதரில் வீசப்பட்டு இருந்தது தெரியவந்தது. விசாரணையில், சஞ்சீவியின் தங்கை மகன் ரஞ்சித்குமார் 27; அவரது நண்பர்கள் விமல்ராஜ் 25; ராபர்ட் 25, ஆகியோர் கொன்றது தெரிந்தது. மூவரையும் கைது செய்த போலீசார், தலா இரு கார்கள், இருசக்கர வாகனங்கள், 46 சவரன் தங்க நகை மற்றும் 8 லட்சம் ரூபாயை பறிமுதல் செய்தனர்.


ரஞ்சித்குமார் போலீசாரிடம் அளித்த வாக்குமூலம் வருமாறு:


நான் திருத்தணியில் இனிப்பு விற்பனை கடை வைத்துள்ளேன். இதற்காக, தாய் மாமன் சஞ்சீவி பரிந்துரைப்படி, அவரது மருமகனான, சித்துாரில் வசிக்கும் பழனி என்பவரிடம் 20 லட்சம் ரூபாய் கடன் வாங்கினேன். பணத்தை திருப்பித் தர பழனி மற்றும் சஞ்சீவி வலியுறுத்தி வந்தனர்.


இதையடுத்து தாய் மாமன், அவரது மனைவியை கொலை செய்ய திட்டமிட்டு, கடந்த ஜூலை 29ம் தேதி காரில் புத்துார் அடுத்த அப்பாலயகுண்டா பெருமாள் கோவிலுக்கு அழைத்துச் சென்றேன். மற்றொரு காரில், நண்பர்களான ராபர்ட், விமல்ராஜ் பின் தொடர்ந்து வந்தனர். தரிசனம் முடிந்ததும், காட்டுப் பகுதியில் காரை நிறுத்திய போது, நண்பர்கள் இருவரும் வந்து பிரேக் ஓயரால், தம்பதியின் கழுத்தை நெரித்து கொலை செய்தனர். பின், அங்குள்ள முட்புதரில், உடலை வீசி வந்து விட்டோம். கொலையை திசை திரும்ப, மாமா சஞ்சீவியின் வீட்டின் பூட்டை உடைத்து, நகை, பணத்தை திருடிச் சென்றேன். அதை, விமல்ராஜிடம் கொடுத்து வைத்தேன். இவ்வாறு அவர் கூறினார்.


போலீசார், மூவரையும் கைது செய்து, திருத்தணி குற்றவியல் நீதிமன்றத்தில் ஆஜர்படுத்தி சிறையில் அடைத்தனர்.

 

Advertisement
மேலும் திருவள்ளூர் மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X