சபாஷ்:கல்வராயன்மலையில் நடமாடும் கற்பித்தல் திட்டம்...மாணவர்கள் உற்சாகம்; பெற்றோர்கள் வரவேற்பு
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

04 ஆக
2021
23:30

கச்சிராயபாளையம்-கல்வராயன்மலையில் அரசு பள்ளி ஆசிரியர்கள் நடமாடும் கற்பித்தல் திட்டம் மூலம் மாணவர்களின் குடியிருப்பு பகுதிகளுக்கே சென்று பாடம் கற்பிப்பதை பெற்றோர்கள் வரவேற்றுள்ளனர்.



மாணவர்களும் உற்சாகத்துடன் பாடம் கற்கின்றனர்.கல்வராயன்மலையில் அரசு பழங்குடியினர் நலத்துறை சார்பில் 26 ஆரம்ப பள்ளிகளும், 13 நடுநிலைப் பள்ளிகளும், இன்னாடு, கொட்டபுத்துார், மூலக்காடு உள்ளிட்ட பகுதிகளில் 3 உயர் நிலைப் பள்ளிகளும், மணியார்பாளையம் மற்றும் கோமுகி அணை ஆகிய இடங்களில் 2 மேல்நிலைப் பள்ளிகளும் உள்ளன.ஆரம்ப பள்ளிகளில் 1,800 மாணவர்கள், நடுநிலைப் பள்ளிகளில் 1,650 மாணவர்கள், உயர் நிலைப் பள்ளிகளில் 1,204 மாணவர்கள், மேல் நிலைப் பள்ளிகளில் 1,251 மாணவர்கள் என கல்வராயன்மலையில் மொத்தம் 5,905 மாணவர்கள் பழங்குடியினர் நலத்துறை பள்ளிகளில் படித்து வருகின்றனர்.



கொரோனா தொற்று ஊரடங்கு காரணமாக கடந்த 2019 மார்ச் மாதம் முதல் பள்ளிகள் மூடப்பட்டன. அரசு பல கட்டுப்பாடுகளுடன் ஊரடங்கு தளர்வு அறிவித்ததைத் தொடர்ந்து தனியார் மற்றும் அரசு பள்ளி மாணவர்களுக்கு ஆன்லைன் மூலம் வகுப்புகள் நடத்தப்பட்டு வருகிறது.மேலும், அரசு சார்பில் கல்வி தொலைக்காட்சி துவங்கப்பட்டு அதன் மூலமும் வகுப்புகள் நடத்தப்படுகிறது.ஆனால் கல்வராயன் மலையில் முறையான தொலைத் தொடர்பு வசதிகள் இல்லாததால் ஆன்லைன் வகுப்புகள் நடத்துவதில் பல்வேறு நடைமுறை சிக்கல்கள் ஏற்பட்டுள்ளது.கல்வராயன்மலையில் உள்ள கிராமங்களில் போதிய இணைய வசதிகள் இல்லை. குறிப்பாக மொபைல்போனுக்கே முறையான டவர் வசதிகள் இங்கு ஏற்படுத்தவில்லை. மேலும் இப்பகுதி மக்களின் பின் தங்கிய பொருளாதார சூழலால் இங்குள்ள மாணவர்களுக்கு ஸ்மார்ட் போன் என்பது எட்டாக்கனியாகவே உள்ளது.இந்தநிலையில் ஆன்லைன் வகுப்பு என்பது இப்பகுதியில் பெயரளவில் மட்டுமே உள்ளது. நகர் பகுதி மற்றும் கல்வராயன்மலையின் கீழ் பகுதிகளில் உள்ள அரசு மற்றும் தனியார் பள்ளி மாணவர்கள் ஆன்லைன் வகுப்புகள் மூலம் பெரும்பகுதி பாடங்களை படித்து வருகின்றனர்.ஆனால் கல்வராயன்மலை பகுதியில் உள்ள பழங்குடியினர் நலத்துறை பள்ளி மாணவர்கள் தற்போது வரை கிராமங்களில் கால்நடைகளை மேய்த்தல் மற்றும் கூலி வேலைக்குச் செல்லுதல் போன்ற பணிகளில் ஈடுபட்டு வருகின்றனர்.மேலும் சிலர் கேரளா, கர்நாடகா போன்ற வெளி மாநிலங்களுக்கு தங்கள் பெற்றோர்களுடன் கூலி வேலைகளுக்கும், பெரு நகரங்களில் கட்டட பணிகளுக்கும் செல்லும் அவல நிலை ஏற்பட்டுள்ளது.



இதுகுறித்து 'தினமலர்' நாளிதழில் செய்திகள் வெளியிடப்பட்டது. அதனைத் தொடர்ந்து ஆதி திராவிடர் மற்றும் பழங்குடியினர் நலத்துறை இயக்குனர் நடமாடும் கற்பித்தல் திட்டத்தை அறிமுகப்படுத்தியுள்ளனர்.அதன் மூலம் கல்வராயன்மலையில் உள்ள நலத்துறை பள்ளி ஆசிரியர்கள் ஒன்றாம் வகுப்பு முதல் பிளஸ் 2 வரையிலான மாணவர்களின் இருப்பிடங்களுக்கே சென்று பாடம் நடத்தி வருகின்றனர். மலை கிராமங்களுக்கு ஆசிரியர்கள் நேரில் வந்து பாடம் நடத்துவதை பெற்றோர்கள் வரவேற்றுள்ளனர்.



மாணவர்களும் உற்சாகத்துடன் படிக்கின்றனர். நடமாடும் கற்பித்தல் திட்டத்தை பள்ளிகள் திறக்கும் வரை தொடர்ந்து நடத்தப்பட வேண்டும். இதனை கலெக்டர் உள்ளிட்ட அதிகாரிகள் கண்காணித்து ஆய்வு செய்ய வேண்டும் என பெற்றோர்கள் எதிர்பார்க்கின்றனர்.

 

Advertisement
மேலும் கள்ளக்குறிச்சி மாவட்ட  செய்திகள் :
முக்கிய செய்திகள்
பொது
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
duruvasar - indraprastham,இந்தியா
05-ஆக-202110:24:00 IST Report Abuse
duruvasar மலைபங்களா மாண்புமிகுக்கு இந்தத் விவரம் தெரியுமா ?
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X