மாணவியை கொல்ல முயன்ற வழக்கு; இன்ஜினியருக்கு 10 ஆண்டு சிறை
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

15 செப்
2021
05:55

கடலுார் : சிதம்பரத்தில் பல்கலை., மாணவியை கத்தியால் வெட்டி கொல்ல முயன்ற இன்ஜினியருக்கு 10 ஆண்டு சிறை தண்டனை விதித்து கடலுார் கோர்ட் தீர்ப்பு வழங்கியது.



வேலுார் மாவட்டத்தைச் சேர்ந்தவர் 27 வயது மாணவி. சிதம்பரம் அண்ணாமலை பல்கலைக்கழக விவசாயக் கல்லுாரியில், 2018ல் எம்.எஸ்சி., (வேளாண்மை) இரண்டாம் ஆண்டு படித்தார். மாணவி தான் தங்கியிருந்த விடுதி முன்பு, 2018 ஏப்.30ல் வாலிபர் ஒருவரால் கழுத்து மற்றும் உடலில் கத்தியால் சரமாரியாக வெட்டப்பட்டார். இதை பார்த்த பொதுமக்கள், மாணவியை வெட்டிய நபரை கற்களால் தாக்கி நிலைகுலைய செய்தனர்.



இதனால் மாணவி தப்பினார்.உயிருக்கு போராடிய மாணவி; கற்களால் பொதுமக்கள் தாக்கியதால் காயமடைந்த வாலிபர் ஆகியோரை அண்ணாமலை நகர் போலீசார் பல்கலை மருத்துவக் கல்லுாரி மருத்துவமனையில் சேர்த்தனர். அங்கு சிகிச்சையளித்ததில் உயிர் தப்பினர்.விசாரணையில், மாணவியை கொல்ல முயன்ற நபர் வேலுார் மாவட்டம் நாட்ராம்பள்ளியைச் சேர்ந்த பிரகாசம் மகன் நவீன்குமார், 30; சென்னையில் தனியார் நிறுவனத்தில் இன்ஜினியராக வேலை பார்ப்பதும் தெரிந்தது.



பள்ளி பருவம் முதலே மாணவியும், நவீன்குமாரும் காதலித்தனர். நவீன்குமார் பொறியியல் முடித்து சென்னையில் வேலைப் பார்த்தார். மாணவி, பல்கலைக்கழகத்தில் படித்தார்.அப்போது, மாணவி, பல்கலைக்கழகத்தில் சக மாணவர்களுடன் பேசுவது, நவீன்குமாருக்கு பிடிக்கவில்லை. சம்பவத்தன்று மாணவியை பார்க்க நவீன்குமார் சிதம்பரத்திற்கு வந்திருந்தார். மொபைல்போன் மூலம் விடுதியில் இருந்து மாணவியை வெளியில் வரவழைத்து பேசினார். அப்போது இருவருக்கும் வாய்த்தகராறு ஏற்பட்டுள்ளது.



இதனால் ஆத்திரமடைந்த நவீன்குமார் பூச்சி மருந்து குடித்து தற்கொலைக்கு முயன்றதுடன், மாணவியின் கழுத்து மற்றும் உடலில் சரமாரியாக வெட்டியது தெரியவந்தது.இது குறித்து அண்ணாமலைநகர் போலீசார் வழக்கு பதிந்து, இன்ஜினியர் நவீன்குமாரை கைது செய்து கடலுார் மாவட்ட மகளிர் கோர்ட்டில் வழக்கு தொடர்ந்தனர். வழக்கை நீதிபதி பாலகிருஷ்ணன் விசாரித்தார். மாணவியை கொலை செய்ய முயன்ற நவீன்குமாருக்கு 10 ஆண்டு சிறைத் தண்டனை விதித்து நீதிபதி நேற்று தீர்ப்பு கூறினார்.

 

Advertisement
மேலும் கடலூர் மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X