ஊராட்சித் தலைவர் பதவி ரூ.10 லட்சத்திற்கு ஏலம் | கள்ளக்குறிச்சி செய்திகள் | Dinamalar
ஊராட்சித் தலைவர் பதவி ரூ.10 லட்சத்திற்கு ஏலம்
Advertisement
 

பதிவு செய்த நாள்

15 செப்
2021
06:07

மூங்கில்துறைப்பட்டு, : மூங்கில்துறைப்பட்டு அடுத்த சவரியார்பாளையத்தில் உள்ளாட்சித் தேர்தல் தலைவர் பதவியை ஏலம் விட்டதால் பரபரப்பு நிலவியது.



கள்ளக்குறிச்சி மாவட்டம், மூங்கில்துறைப்பட்டு அடுத்த உலகலப்பாடி ஊராட்சிக்குட்பட்ட சவரியார்பாளையம் கிராமம் உள்ளது. உள்ளாட்சித் தேர்தலையொட்டி, ஊராட்சித் தலைவர் பதவிக்கு கடும் போட்டி நிலவி வருகிறது. சவரியார்பாளையம் கிராமம் கிறிஸ்தவர்கள் அதிகம் உள்ள பகுதி மட்டுமின்றி, ஊர் கட்டுப்பாடு கடைபிடிக்கப்பட்டு வருகிறது.



சவரியார்பாளையத்தில் 1,200 ஓட்டுகள் உள்ளன. அனைவரும் தங்கள் ஓட்டுகளை ஒருவருக்கு போட்டால் அவர் வெற்றி பெறுவது உறுதி என அப்பகுதியிலுள்ள ஊர் முக்கியஸ்தர்கள் பொதுமக்களிடம் கருத்து தெரிவித்தனர். அதனைத் தொடர்ந்து நேற்று பிற்பகல் 3:00 மணியளவில் சவரியார் அதிதுாதர் ஆலய வளாகத்தில் ஊர் முக்கியஸ்தர்கள் பஞ்சாயத்து பேசினர்.



அப்போது, ஊராட்சி தலைவர் பதவிக்கு போட்டியிடுபவர்களை வரவழைத்து தலைவர் பதவியை 10 லட்சம் ரூபாய்க்கு மேல் ஏலம் விட்டனர்.இதில், தலைவருக்கு போட்டியிட வந்தவர்கள் ஏலத்தொகை அதிகபடியாக இருந்ததால் அவர்கள் ஏற்றுக் கொள்ளவில்லை.இன்று 15ம் தேதி காலை 10:00 மணியளவில் மீண்டும் ஏலம் நடைபெறும் என தெரிவித்துள்ளனர்.ஊராட்சித் தலைவர்பதவிக்கு 10 லட்சம் ரூபாய்க்கு ஏலம் என அறிந்த அப்பகுதி மக்கள் வியப்பிற்குள்ளாகினர்.

 

Advertisement
மேலும் கள்ளக்குறிச்சி மாவட்ட  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X