ரூ.10 லட்சம் கோடி கோவில் பணம் சுரண்டல்: ஹெச்.ராஜா பகீர் குற்றச்சாட்டு
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

15 செப்
2021
22:36

ஈரோடு: ''தமிழகத்தில் கோவில் பணம், 10 லட்சம் கோடி ரூபாய் சுரண்டப்பட்டுள்ளது,'' என, பா.ஜ., மூத்த நிர்வாகி ஹெச்.ராஜா கூறினார்.



அவதூறு வழக்குகள் தொடர்பாக, ஈரோடு நீதிமன்றத்தில் நேற்று ஆஜராக வந்த அவர் கூறியதாவது: அறநிலை துறை அமைச்சர் சேகர் பாபு, செயல் பாபுவாக இருப்பதாக முதல்வர் ஸ்டாலின் கூறினார். ஆனால், செயல்படாத பாபுவாக உள்ளார். ஹிந்து கோவில்களை மூட, ஹிந்து மதத்துக்கு விரோதமாக தமிழக அரசு செயல்படுகிறது. கடந்த, 2018 பிப்., மாதம் உயர்நீதிமன்ற மதுரை கிளை அறநிலை தொடர்பாக அளித்த தீர்ப்பை இதுவரை நிறைவேற்றவில்லை. தமிழகத்தில் அறநிலையத்துறைக்கு சொந்தமாக, 44 ஆயிரம் கோவில்கள் உள்ளன. அமைச்சரோ, 38 ஆயிரத்து, 656 கோவில்கள் இருப்பதாக தெரிவித்துள்ளார். கோவில்களை தன் கட்டுப்பாட்டின் கீழ் வந்த பின் அறநிலையத்துறை சார்பில் ஒரு கோவிலாவது கட்டப்பட்டுள்ளதா? பல இடங்களில் முன்பு கோவில் இருந்த இடங்களில் தற்போது பிரியாணி கடை உள்ளது. இந்தியாவில் வேறெங்கும் இல்லாத வகையில், தமிழகத்தில் தான் நான்கு லட்சத்து, 78 ஆயிரம் ஏக்கர் கோவில் நிலம் உள்ளது. இவை அனைத்தும் கோவில் வசம் இல்லை. ஆக்ரமிப்பில் உள்ளன. ஆக்கிரமிக்கப்பட்ட காலங்களில் கோவில் செயல் அலுவலர்களாக இருந்தவர்கள் மீது, இதுவரை ஏன் நடவடிக்கை எடுக்கவில்லை. அறநிலைய துறைக்கு சொந்தமான, 22,600 வணிக வளாகம், 33,665 காலி மனை இடங்கள் (28 கோடி சதுர அடி) ஆக்கிரமிப்பில் உள்ளன. நீதிமன்ற தீர்ப்பில், 12 வார காலத்தில் ஆக்கிரமிப்புகளை அகற்றி, அறநிலையத்துறை சொத்துகளை மீட்க உத்தரவிடப்பட்டது. ஆனால், இதுவரை ஆக்கிரமிப்புகளை அகற்ற நடவடிக்கை எடுக்கவில்லை.


தி.மு.க., பேச்சாளர் மனுஷ்யபுத்திரன், அவரது உறவினர்கள் துவரங்குறிச்சியில், ஹிந்து கோவிலுக்கு சொந்தமான, 30.4 ஏக்கர் நிலத்தை ஆக்கிரமித்துள்ளனர். இந்த ஆக்கிரமிப்பு இடங்களை பார்க்கப்போன என் மீது போலீசார் வழக்குப்பதிவு செய்துள்ளனர். ஹிந்து விரோத புகார்களை தெரிவிப்பதால், வழக்கு போடுகின்றனர். ஹிந்து அறநிலையத்துறை மூலம் நடத்தப்படும் கல்வி நிறுவனங்களில், மத கல்வி கட்டாய பாடமாக இருக்க நீதிமன்றம் சுட்டி காட்டியுள்ளது. சட்டசபை மானிய கோரிக்கையின் போது, 12 புதிய கல்லூரிகள் திறக்கப்படும் என அறநிலையத்துறை, உயர் கல்வி துறை அமைச்சர் தனித்தனியே அறிவிக்கின்றனர். இக்கல்லூரிகள் எந்த நிதியில் திறக்கப்படும் என்பதை அமைச்சர்கள் தெளிவுபடுத்த வேண்டும். கோவில் வருமானத்தில், 14 சதவீதம் மட்டுமே அரசு எடுக்க சட்டம் உள்ளது. அதை மீறி முழு வருவாயையும் அரசு எடுக்கிறது. தமிழகத்தில், 10 லட்சம் கோடி ரூபாய் கோவில் பணம் சுரண்டப்பட்டுள்ளது. கோவில்களில் செயல் அலுவலர்கள் எஜமானர்களாக உள்ளனர். ஊழியர்களாகவே இல்லை. 20 ஆண்டாக கோவில்களில் டிரஸ்டி இல்லை. தமிழகத்தில், 4,000 கோவில்கள் மட்டுமே ஆகம விதியின் கீழ் செயல்படுகின்றன. இவ்வாறு அவர் கூறினார்.


 

Advertisement
மேலும் ஈரோடு மாவட்ட  செய்திகள் :
முக்கிய செய்திகள்
பொது
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X