Dinamalar

பதிவு செய்த நாள்

புதுச்சேரி-சான்றிதழ் வழங்க லஞ்சம் கேட்பதாக வந்த புகாரின் பேரில், வி.ஏ.ஓ., அலுவலகத்தில் லஞ்ச ஒழிப்பு போலீசார் திடீர் சோதனையில் ஈடுபட்டனர்.வருவாய் துறை அலுவலகங்களில், சாதி, வருவாய் உள்ளிட்ட சான்றிதழ் வழங்க லஞ்சம் கேட்கின்றனர். கால தாமதம் செய்கின்றனர் என, லஞ்ச ஒழிப்பு போலீசாருக்கு புகார்கள் சென்றன.அதன்பேரில், லஞ்ச ஒழிப்புத்துறை இன்ஸ்பெக்டர்கள் ஹேமச்சந்திரன், தியாகராஜன் தலைமையில் ஐந்து பேர் கொண்ட குழுவினர், நேற்று காந்தி நகரில் உள்ள வி.ஏ.ஓ., அலுவலகத்தில் திடீர் சோதனை நடத்தச் சென்றனர்.கூட்டம் அதிகமாக இருந்ததால், மக்கள் வரிசையில் காத்திருந்தனர். அங்கு பணியில் இருந்து நான்கு வி.ஏ.ஓ.,க்களிடம் போலீசார் விசாரித்தனர். காலை 10.30 மணி முதல் 11.30 வரை சோதனை நடத்தினர். இதில், தொகை எதுவும் கைப்பற்றப்படவில்லை. வி.ஏ.ஓ.,க்கள் கூறுகையில், 'காலி பணியிடம் அதிகமாக இருப்பதால் வேலை பளு அதிகம். அதனால்தான் மாணவர்களுக்கு சான்று தர கால தாமதம் ஆகிறது' என தெரிவித்தனர்.லஞ்ச ஒழிப்பு போலீசார் கூறுகையில், சான்றிதழ்களை பெற கால தாமதம் ஆவதால் அரசு அலுவலகங்களில் லஞ்சம் பெறப்படுவதாக புகார்கள் பல வந்தன. அதனால் அரசு அலுவலகங்களில் சோதனை நடத்த உத்தரவு பிறப்பிக்கப்பட்டுள்ளது. வி.ஏ.ஓ., அலுவலகத்தில் சோதனை செய்தோம். முக்கிய அரசு அலுவலகங்களில் சோதனை தொடரும்' என தெரிவித்தனர்.

• 1. 583.18 கி.மீ.,: கன மழையால் சேதமான சாலைகள்...தொடர்ந்து பெய்வதால் சீரமைப்பதில் சிக்கல்

• 1. ஆராட்டு உற்சவம்
• 2. குறைதீர்வு கூட்டம் தள்ளி வைப்பு
• 3. பிரெஞ்சு கல்வி நிறுவனங்களில் பிரான்ஸ் செனட்டர் ஆய்வு
• 4. புத்தாண்டு கொண்டாட்டத்திற்கு தடை அ.தி.மு.க., செயலாளர் வலியுறுத்தல்
• 5. நலத்திட்டங்களை செயல்படுத்த இந்திய கம்யூ., வலியுறுத்தல்

• 1. காரைக்காலில் தொடர் மழையால் பழமையான கட்டடம் இடிந்தது
• 2. கலெக்டரை முற்றுகையிட்டு நேரு எம்.எல்.ஏ., போராட்டம்
• 3. நகை பறிக்க முயன்ற நாகை ஆசாமி சிக்கினார்
• 4. புகார் பெட்டி 
• 5. ஹீட்டரை தொட்ட சிறுமி மின்சாரம் தாக்கி பலி