Dinamalar

சிவகாசி ஒன்றிய கவுன்சில் கூட்டம் தலைவர் முத்துலட்சுமி தலைமையில் நடந்தது. துணைத் தலைவர் விவேன்ராஜ், பி.டி.ஓ.,க்கள் சீனிவாசன், ராம்ராஜ் முன்னிலை வகித்தனர் . கவுன்சிலர்கள் விவாதம்:ஆழ்வார் ராமானுஜம் (அ.தி.மு.க.,): செங்கமலப்பட்டி வடமலாபுரம் ரோட்டில் புதிய பாலம் அமைக்கப்பட்டு ஒராண்டுக்கு மேலாகியும் பயன்பாட்டிற்கு கொண்டு வர வில்லை. கிராமங்களில் வளர்ச்சித் திட்டப் பணிகள் நடைபெறும் போது ஒன்றிய கவுன்சிலர்களுக்கு அதிகாரிகள் தகவல் தெரிவிக்க வேண்டும்.

தலைவர்: வளர்ச்சித் திட்டப் பணிகள் குறித்து கவுன்சிலர்களுக்கு தகவல் தெரிவிக்கப்படும். பாலம் முழுமையாக வேலை முடியவில்லை. விரைவில் பயன்பாட்டிற்கு கொண்டு வரப்படும்.மீனாட்சி சுந்தரி (அ.தி.மு.க.,): புதுக்காலனியில் ரோடு சேதமடைந்துள்ளது. தற்காலிகமாக கிராவல் மண் அடிக்க வேண்டும்.பி.டி.ஓ., : நடவடிக்கை எடுக்கப்படும்.ஜெகத்சிங் பிரபு (அ.தி.மு.க.,): முனீஸ் நகர் மக்கள் மயானமின்றி கண்மாய் பகுதியை மயானமாக பயன்படுத்துகின்றனர். மாற்று ஏற்பாடு செய்ய வேண்டும்.

பி.டி.ஓ.,: நடவடிக்கை எடுக்கப்படும்.ரீட்டா ஆரோக்கியம் (அ.தி.மு.க.,): விஸ்வநத்தம் ஊராட்சி முனீஸ்வரன் காலனி, விஜயலட்சுமி காலனியில் உயர் கோபுர மின் விளக்கு எரியவில்லை.துணைத்தலைவர்: மின் விளக்குகள் எரிய நடவடிக்கை எடுக்கப்படும்.முருகன் (காங்.,): பள்ளபட்டி ஊராட்சி அலுவலகம் செல்லும் வழியில் உள்ள பாலம் சேதமடைந்துள்ளது.

பி.டி.ஓ.,: விரைவில் பாலம் கட்டும் பணிகள் துவங்கும்.சங்கையா (தி.மு.க.,): பள்ளபட்டி ஊராட்சியில் குடிநீர் குழாய் இணைப்பிற்காக ரூ.20 ஆயிரம் கேட்கின்றனர்.துணைத் தலைவர்: பணம் கேட்க கூடாது. விசாரிக்கப்படும்.இவ்வாறு விவாதம் நடந்தது.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE