ஸ்தம்பித்தது: வேட்பு மனு தாக்கலால் பி.டி.ஓ., அலுவலகங்கள்...கட்சியினர் குவிந்ததால் போக்குவரத்து நெரிசல்
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

23 செப்
2021
04:35

விழுப்புரம்-விழுப்புரம் மாவட்டத்தில் ஊரக உள்ளாட்சித் தேர்தல் வேட்பு மனு தாக்கல் கடைசி நாளான நேற்று வேட்பாளர்கள் தங்களின் ஆதரவாளர்களுடன் திரண்டதால் பி.டி.ஓ., அலுவலகங்கள் ஸ்தம்பித்தது.



மேலும், சாலையில் குவிந்த கூட்டங்களால் போக்குவரத்து கடுமையாக பாதித்தது.தமிழகத்தில் விழுப்புரம் உள்ளிட்ட 9 மாவட்டங்களுக்கான ஊரக உள்ளாட்சித் தேர்தல் வரும் அக்டோபர் 6 மற்றும் 9 ஆகிய தேதிகளில் நடக்கிறது. இதற்கான வேட்பு மனு தாக்கல் கடந்த 15ம் தேதி துவங்கி நேற்று 22ம் தேதியுடன் முடிவடைந்தது.விழுப்புரம் மாவட்டத்தில் தி.மு.க., - அ.தி.மு.க., கட்சிகளின் கூட்டணியில் உள்ள கட்சிகளுக்கு இடம் ஒதுக்கீடு செய்வதில் தாமதம் ஏற்பட்டு வந்தது.






இதனால், வேட்பு மனு துவங்கிய நாளில் இருந்து மாவட்ட கவுன்சிலர், ஒன்றிய கவுன்சிலர், ஊராட்சித் தலைவர், வார்டு உறுப்பினர் பதவிகளுக்கு சுயேச்சைகள் மட்டுமே அதிகளவில் மனு தாக்கல் செய்து வந்தனர்.இதையடுத்து, அ.தி.மு.க., கூட்டணியில் பா.ஜ.,விற்கும், தி.மு.க., கூட்டணியில் உள்ள கட்சிகளுக்கும் இடங்கள் ஒதுக்கீடு செய்யப்பட்டது. இதைத் தொடர்ந்து, கடந்த 20ம் தேதி அ.தி.மு.க.,வினர் வேட்பு மனு தாக்கல் செய்தனர்.



கடைசி நாளான நேற்று, தி.மு.க.,வினர் மற்றும் அ.தி.மு.க.,வினர் உள்ளிட்ட அரசியல் கட்சியினர் மற்றும் சுயேச்சைகள் மனு தாக்கல் செய்ய அந்தந்த பகுதிகளில் உள்ள பி.டி.ஓ., அலுவலகம் முன் குவிந்தனர்.இதனால், மாவட்டத்தில் செஞ்சி, கண்டமங்கலம், முகையூர், ஒலக்கூர், திருவெண்ணெய்நல்லுார், வானுார், விக்கிரவாண்டி, காணை, கோலியனுார், மயிலம், மரக்காணம், மேல்மலையனுார், வல்லம் ஆகிய பி.டி.ஓ., அலுவலகங்களில் அரசியல் கட்சியினர் மற்றும் சுயேச்சைகளின் ஆதரவாளர்கள் கூட்டம் அதிகரித்து காணப்பட்டது.இதேபோன்று, கிராம ஊராட்சி வார்டு உறுப்பினர் பதவிகளுக்கு போட்டியிடும் வேட்பாளர்களும் தங்கள் பகுதியில் உள்ள ஊராட்சி அலுவலகங்களில் குவிந்தனர். பி.டி.ஓ., அலுவலகங்களில் குவிந்த கூட்டத்தை கட்டுப்படுத்த முடியாமல் போலீசார் திணறினர்.



மேலும், காணை, கோலியனுார், கண்டமங்கலம் உள்ளிட்ட சாலையோரத்தில் உள்ள பி.டி.ஓ., அலுவலகங்கள் முன் கடும் போக்குவரத்து நெரிசல் ஏற்பட்டது. இதனால், நீண்ட வரிசையில் வாகனங்கள் காத்திருந்து செல்லும் நிலை ஏற்பட்டது.மாவட்டத்தில் நேற்று வேட்பு மனு தாக்கலுக்கு குவிந்த கூட்டத்தால், பொதுமக்கள் மற்றும் வாகன ஓட்டிகள் கடும் அவதியடைந்தனர்.

 

Advertisement


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X