அரசு மருத்துவமனையில் சுகாதாரம் இல்லை: ஊருக்கு மட்டும் உபதேசத்தால் நோயாளிகள் அதிருப்தி
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

25 செப்
2021
07:13

பொள்ளாச்சி;பொள்ளாச்சியிலுள்ள, மாவட்ட தலைமை அரசு மருத்துவமனையில், பொள்ளாச்சி, ஆனைமலை, வால்பாறை தாலுகாவில் இருந்து தினமும், ஆயிரக்கணக்கானநோயாளிகள் சிகிச்சைக்கு வருகின்றனர்.அவசர சிகிச்சைபிரிவு, எக்ஸ்ரே மற்றும் இதர சோதனைகள், பல் மருத்துவம், கொரோனா சிகிச்சை என, பலவித சிகிச்சைகள் வழங்கப்படுகிறது.இந்நிலையில், மருத்துவமனை வளாகத்தை அதிகாரிகள் முறையாக பராமரிக்காமல் அலட்சியமாக உள்ளதால், காணும் இடமெல்லாம் முகம் சுழிக்க வைக்கிறது.மருத்துவமனை வளாகத்தில் பல இடங்களில், மருத்துவக்கழிவுகள் மற்றும் நோயாளிகள் பயன்படுத்தும் குப்பை குவிந்துள்ளது. முக்கிய இடங்களில் கிருமிநாசினி வைக்கப்படாமலும், குடிநீர் வசதி குறைவாகவும் உள்ளது.நோயாளிகளுக்கு பயன்படுத்தப்பட்ட பஞ்சு, ரத்தத்துடன் பாதுகாப்பின்றி வெட்ட வெளியில் குவிக்கப்பட்டுள்ளது. அதேபோல், ரத்தம் மற்றும் சிறுநீர் பரிசோதனை செய்யும் இடத்தில், பயன்படுத்தப்பட்ட மாதிரி சேகரிக்கும் குடுவைகளும், சிறுநீருடன் சுகாதாரமற்ற முறையில் கிடக்கிறது.இத்தனை பிரச்னைகள் இருந்தும் அதிகாரிகள் எதையும் கண்டுகொள்ளாமல் அலட்சியமாக உள்ளதால், மருத்துவமனையில் சுகாதார சீர்கேடு நிலவுகிறது. சிகிச்சைக்காக வரும் மக்கள் முகம் சுழிக்கின்றனர்.மருத்துவமனை வளாகத்தை சுகாதாரத்துடன் பராமரிக்காததால், மக்களுக்கு பல வித நோய் தொற்று ஏற்பட வாய்ப்புள்ளது. சுகாதாரத்துறையினர் மருத்துவமனை வளாகத்தை சுத்தமாகபராமரிக்க நடவடிக்கை எடுக்க வேண்டும். மருத்துவமனைகண்காணிப்பாளர் கலைச்செல்வி கூறுகையில், ''மருத்துவமனை வளாகத்திலுள்ள குப்பையை அகற்ற, பொள்ளாச்சிநகராட்சிக்கு தகவல்தெரிவிக்கப்பட்டுள்ளது. விரைவில் குப்பைஅகற்றப்படும்.தினமும், காலை முதல் மாதிரிகள் சேகரிக்கப்பட்டு மதியம், 12:00 மணிக்கு மேல் தான், சிறுநீர் மாதிரி குடுவைகள் சுத்தம் செய்யப்படும். மருத்துவமனை வளாகத்தை துாய்மைப்படுத்தி, ஆரோக்கியமாக பராமரிக்க அதிகாரிகள் நியமிக்கப்பட்டுள்ளனர்,'' என்றார்.மருத்துவமனையே இப்படி இருந்தா எப்படி?பொள்ளாச்சியில், தினமும் ஆயிரக்கணக்கான நோயாளிகள் அரசுமருத்துவமனையை மட்டுமே நம்பி வரும் நிலையில், சுகாதார பணிகளில் கவனம் செலுத்த வேண்டும். அடிக்கடி சோப் போட்டு கை கழுவ வேண்டும்,கிருமிநாசினி பயன்படுத்த வேண்டும், குப்பையை அகற்றி சுற்றுப்புறத்தை சுகாதாரமாக வைத்திருக்க வேண்டும் என, கொரோனா பரவும் இக்காலகட்டத்தில் அரசு வலியுறுத்தி வருகிறது.இந்த உபசேதம் ஊருக்கு மட்டுமே பொருந்தும் என்பது போன்று, பொள்ளாச்சி அரசு மருத்துவமனையில் அலட்சிய போக்கு கடைபிடிப்பதால், இங்கு வரும் மக்களுக்கு நோய்கள் பரவும் சூழல் உருவாகியுள்ளது.

 

Advertisement
மேலும் கோயம்புத்தூர் மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X