குடிநீர் தட்டுப்பாடு ; கமிஷனருக்கு எம்.பி., கடிதம் | திருப்பூர் செய்திகள் | Dinamalar
குடிநீர் தட்டுப்பாடு ; கமிஷனருக்கு எம்.பி., கடிதம்
Advertisement
 

பதிவு செய்த நாள்

26 செப்
2021
00:41

திருப்பூர்:குடிநீர் தட்டுப்பாடு காரணமாக, மாநில அரசு மீது அதிருப்தி ஏற்பட்டுள்ளதாக, எம்.பி., சுப்பராயன் குற்றம்சாட்டியுள்ளார்.இது குறித்து, மாநகராட்சி கமிஷனருக்கு, அவர் அனுப்பிய கடிதம்:கடந்த சில நாட்களாக, திருப்பூர் மாநகராட்சி பகுதியில், குடிநீர் தட்டுப்பாடு அதிகரித்துள்ளது.மூன்று குடிநீர் திட்டம்வாயிலாக, அதிக அளவு குடிநீர் கிடைக்கிறது. இருப்பினும், பொதுமக்களுக்கு கிடைக்க வேண்டிய குடிநீர் ஏன் முறையாக வழங்கப்படுவதில்லை என கேள்வி எழுந்துள்ளது.


குடியிருப்புகளுக்கு, 15 நாட்களுக்கு ஒருமுறை குடிநீர் வழங்கப்படுகிறது.ஒரு மணி நேரம் மட்டுமே தண்ணீர் கிடைப்பதால், தட்டுப்பாடு ஏற்படுகிறது. இதனால் மக்கள், போராட்டம் நடத்த வேண்டிய சூழல் ஏற்படுகிறது.மாநகராட்சியின் மீது கோபமும், மாநில அரசு மீது அதிருப்தியும் ஏற்பட்டுள்ளது. மாநகராட்சி கமிஷனர் உடனடியாக தலையிட்டு, மூன்று நாட்களுக்கு ஒருமுறை குடிநீர் வழங்க, போர்க்கால அடிப்படையில் நடவடிக்கை எடுக்க வேண்டும்.இவ்வாறு, அவர் அதில் தெரிவித்துள்ளார்.

 

Advertisement
மேலும் கோயம்புத்தூர் கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X