தேர்வு: உள்ளாட்சித் தேர்தலில் 379 பேர் போட்டியின்றி...5,715 பதவிகளுக்கு 19,982 பேர் நேரடி போட்டி
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

26 செப்
2021
23:20

விழுப்புரம்-விழுப்புரம் மாவட்டத்தில் 22 ஊராட்சித் தலைவர்கள் மற்றும் 357 ஊராட்சி வார்டு உறுப்பினர்கள் போட்டியின்றி தேர்வு செய்யப்பட்டுள்ளனர்.



இதையடுத்து, 5,715 பதவிகளுக்கு 19,982 பேர் நேரடியாக தேர்தல் களத்தில் உள்ளனர்.விழுப்புரம் மாவட்டத்தில் 13 ஒன்றியங்களில் ஊரக உள்ளாட்சி தேர்தல் வரும் அக்டோபர் 6 மற்றும் 9 ஆகிய தேதிகளில் இரண்டு கட்டங்களாக நடக்கிறது. இதற்கான வேட்பு மனு தாக்கல், கடந்த 15ம் தேதி துவங்கி 22ம் தேதி முடிந்தது. இத்தேர்தலில் போட்டியிட 24 ஆயிரம் பேர் வேட்பு மனுக்கள் தாக்கல் செய்திருந்தனர். இதில், 150 வேட்பு மனுக்கள் நிராகரிக்கப்பட்டு, 23 ஆயிரத்து 850 மனுக்கள் ஏற்கப்பட்டது.



இதையடுத்து, கடந்த 25ம் தேதி வேட்பு மனுக்கள் வாபஸ் பெறப்பட்டது. இதில், மாவட்ட ஊராட்சி வார்டுகளில் 244 மனுக்களில் 2 மனுக்கள் நிராகரிக்கப்பட்டது. மீதமுள்ள 242 மனுக்களில் 65 மனுக்கள் வாபஸ் பெறப்பட்டதால், 177 பேர் தேர்தலில் போட்டியிடுகின்றனர்.இதேபோன்று, ஊராட்சி ஒன்றிய வார்டுகளில் 2,079 வேட்பு மனுக்களில் 13 மனுக்கள் நிராகரிக்கப்பட்டது. மீதமுள்ள 2,066 மனுக்களில், 697 மனுக்கள் வாபஸ் பெற்றதால், 1,369 பேர் தேர்தலில் போட்டியிடுகின்றனர்.மேலும், ஊராட்சித் தலைவருக்கு 4,146 வேட்பு மனுக்களில் 41 மனுக்கள் நிராகரிக்கப்பட்டது.



மீதமுள்ள 4,105 மனுக்களில் 1,381 மனுக்கள் வாபஸ் பெற்றதாலும், 22 பேர் போட்டியின்றி தேர்வு செய்யப்பட்டனர். மீதமுள்ள 2,702 பேர் தேர்தலில் போட்டியிடுகின்றனர்.கிராம ஊராட்சி வார்டு உறுப்பினருக்கு 17 ஆயிரத்து 725 வேட்பு மனுக்களில் 85 மனுக்கள் நிராகரிக்கப்பட்டது. மீதமுள்ள 17 ஆயிரத்து 640 மனுக்களில், 1,549 மனுக்கள் வாபஸ் பெறப்பட்டது. இதில், 357 பேர் போட்டியின்றி தேர்வு செய்யப்பட்டதால், மீதமுள்ள 15,734 பேர் தேர்தல் களத்தில் உள்ளனர்.இந்நிலையில், மாவட்டத்தில் தேர்தல் நடைபெறவுள்ள 6,097 பதவிகளில் 379 பேர் போட்டியின்றி தேர்வு செய்யப்பட்டுள்ளனர்.இதையடுத்து, மீதமுள்ள 5,715 பதவிகளுக்கு 19 ஆயிரத்து 982 பேர் நேரடியாக தேர்தல் களத்தில் உள்ளனர்.



இதற்கிடையே தேர்தலில் போட்டியிடும் அரசியல் கட்சி மற்றும் சுயேட்சை வேட்பாளர்களுக்கு சின்னங்கள் ஒதுக்கீடு செய்யப்பட்டுள்ளது.இதனால், வேட்பாளர்கள் தாங்கள் போட்டியிடும் மாவட்ட கவுன்சிலர், ஒன்றிய கவுன்சிலர், ஊராட்சித் தலைவர் மற்றும் வார்டு உறுப்பினருக்கு ஓட்டு கேட்டு சுவர் விளம்பரத்தில் ஆர்வம் காட்டி வருகின்றனர்.இரவு, பகல் பார்க்காமல் ஆதரவாளர்களுடன் தீவிர தேர்தல் பிரசாரத்திலும் வேட்பாளர்கள் ஈடுபட்டுள்ளனர். இதனால், மாவட்டத்தில் உள்ள கிராமங்களில் தேர்தல் திருவிழா களை கட்டத் துவங்கியுள்ளது.

 

Advertisement
மேலும் விழுப்புரம் மாவட்ட  செய்திகள் :
முக்கிய செய்திகள்
பொது
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X