'ஜனநாயக முறைப்படி தேர்தலை நடத்தவில்லை' | சேலம் செய்திகள் | Dinamalar
'ஜனநாயக முறைப்படி தேர்தலை நடத்தவில்லை'
Advertisement
 

பதிவு செய்த நாள்

16 அக்
2021
05:39

ஏற்காடு:''தி.மு.க., அரசு, ஜனநாயக முறைப்படி உள்ளாட்சி தேர்தலை நடத்தவில்லை,'' என, எதிர்க்கட்சி தலைவர் பழனிசாமி குற்றம்சாட்டினார்.சேலம் மாவட்டம், ஏற்காட்டில், அ.தி.மு.க.,வின், புறநகர் மாவட்ட வர்த்தக அணி இணை செயலர் சிவக்குமார், மாணவரணி ஒன்றிய செயலர் புகழேந்தி ஆகியோரின் தங்கும் விடுதிகளை, நேற்று, அ.தி.மு.க., இணை ஒருங்கிணைப்பாளர், எதிர்க்கட்சி தலைவர் பழனிசாமி திறந்து வைத்தார். தொடர்ந்து, ஒன்றிய நிர்வாகிகள் இடையே, அவர் பேசியதாவது:நம் ஆட்சியில், ஏற்காடு மக்கள் வசதிக்கும், சுற்றுலா பயணியர் வசதிக்கும், சாலை உள்ளிட்ட பல்வேறு திட்டங்கள் நிறைவேற்றப்பட்டன. அ.தி.மு.க., ஆட்சியில், உள்ளாட்சி தேர்தலை ஜனநாயக முறைப்படி நடத்தினோம். தி.மு.க., ஆட்சியில், அப்படி நடத்தாமல், வாக்காளருக்கு, 1,000 ரூபாய், தட்டு, சேலை போன்றவற்றை கொடுத்து வெற்றி பெற்றனர்.சில இடங்களில் வெற்றி பெற்ற, அ.தி.மு.க., வேட்பாளரை தோற்றதாக அறிவித்தும், அதிக அளவில் ஓட்டுகள் பெற்ற, அ.தி.மு.க., வெட்பாளரை வெகு நேரமாக காக்க வைத்து, பின் வேறு வழியின்றி வெற்றியை அறிவித்துள்ளனர்.மேலும், கடந்த சட்டசபை தேர்தல் முடிந்ததும், கொரோனா தாக்கம் அதிகரிப்பால், கட்சி கூட்டம் நடத்த அரசு தடை விதித்தது. இதனால், நன்றி தெரிவிக்க முடியாமல் போனது. தற்போது, இந்நிகழ்ச்சி மூலம், சட்டசபை தேர்தலில் ஏற்காடு எம்.எல்.ஏ., சித்ரா அதிக ஓட்டுகள் வித்தியாசத்தில் வெற்றி பெற உழைத்த நிர்வாகிகள், கட்சி தொண்டர்களுக்கு நன்றி.இவ்வாறு அவர் பேசினார்.இதில், புறநகர் மாவட்ட ஜெ., பேரவை செயலர் இளங்கோவன், மாநில பொதுக்குழு உறுப்பினர் வெங்கடேசன், எம்.எல்.ஏ., சித்ரா உள்ளிட்ட அ.தி.மு.க.,வினர் பங்கேற்றனர்.

 

Advertisement
மேலும் சேலம் கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X