துவர்ப்பு சுவையால் யானையை துரத்துவது புதிய யுக்தி: ஆமணக்கு வளர்க்கும் பழங்குடியின மக்கள்
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

மாற்றம் செய்த நாள்

20 அக்
2021
10:25
பதிவு செய்த நாள்
அக் 19,2021 22:11

பெ.நா.பாளையம்: பெரியநாயக்கன்பாளையம் அருகே பாலமலையில் யானைகள் வரவை தடுக்க மலையோர கிராமம், பழங்குடியின மக்கள் ஆமணக்கு செடிகளை வளர்க்கும் புதிய யுக்தியை கையாண்டு வருகின்றனர்.கோவை புறநகர் பகுதிகளில், குறிப்பாக, மேற்கு தொடர்ச்சி மலையை ஒட்டிய மலையோர கிராமங்களில், வன விலங்குகளின் நடமாட்டம் அதிகரித்துவருகிறது.



குறிப்பாக, காட்டுயானைகள் மலையோர கிராமங்களில் உள்ள விவசாய நிலங்களுக்குள் புகுந்து, பயிர்களை சேதப்படுத்துவதால், விவசாயிகளுக்கு பெரும் நஷ்டம் ஏற்படுகிறது.யானை - மனித மோதலால் விலை மதிப்பில்லாத உயிரிழப்புகளும் ஏற்படுவது வேதனைக்குரியது. 'பேட்டரி' மின்சார வேலி, ராட்சத 'டார்ச்லைட்' கொண்டு யானைகளை விரட்டுதல் என பல்வேறு வழிகளை கையாண்டாலும், காட்டு யானைகள் வரவை முழுமையாக கட்டுப்படுத்த முடியவில்லை.


பெரியநாயக்கன்பாளையம் அருகே பாலமலை வட்டாரத்தில் பெரும்பதி, பெருக்கைப்பதி, பெருக்கைப்பதிபுதுார், குஜ்ஜுர்பதி, மாங்குழி, பசுமணி உள்ளிட்ட மலை கிராமங்கள் உள்ளன. இப்பகுதியில் யானைகளின் வரவை தடுக்க, பல்வேறு யுக்திகளை பழங்குடியினர் மேற்கொண்டு வருகின்றனர்.ஏற்கனவே காலியான பிளாஸ்டிக் குடிநீர் பாட்டில்களில் சிறு கற்களை நிரப்பி, அதை வீட்டை சுற்றியும், வரிசையாக கட்டி தொங்கவிட்டுள்ளனர்.



யானைகள் வீடுகளுக்கு அருகே வர முயலும்போது, சிறு கற்கள் நிரப்பப்பட்ட காலி பிளாஸ்டிக் பாட்டில்கள் எழுப்பும் ஒலியால், யானைகள் அவ்விடத்தைவிட்டு சென்று விடுகின்றன.இதை பழங்குடியின கிராம மக்கள் மட்டுமல்லாமல், மலையோர கிராமங்களில் வசிக்கும் மக்களும், இந்த யுக்தியை பயன்படுத்தி வருகின்றனர். இதற்கு அடுத்தபடியாக, வீடுகளுக்கு அருகே ஆமணக்கு செடியை வளர்க்க இப்பகுதி மக்கள் துவங்கியுள்ளனர்.



இவற்றின் இலை மற்றும் காய்கள் துவர்ப்பு சுவை உடையதால், அருகே செல்வதை யானைகள் விரும்புவதில்லை. இதனால், பாலமலை வட்டாரத்தில் உள்ள மலை கிராமங்களில் வசிக்கும், பழங்குடியின கிராம மக்கள் இச்செடிகளை வளர்த்து யானை வரவை தடுக்கும் புதிய யுக்தியை கையாள துவங்கியுள்ளனர்.


நம்பிக்கை உள்ளது!




பாலமலை பழங்குடியினர் கூறுகையில்,'ஆமணக்கு செடிகள், 10 அடி உயரம் வளரும் தன்மை உடையது. பெரும்பாலான யானைகள் இச்செடிகள் இருப்பதை நுகர்வு சக்தியால் உணர்ந்து, அருகே செல்வதை விரும்பாது. ஆனால், ஒரு சில யானைகள் மரங்களின் அருகில் சென்று அதை முட்டி மோதி, கீழே தள்ளி விடுகின்றன. இது யானைகளிடம் இருந்து எங்களை பாதுகாக்க, நுாறு சதவீதமான தடுப்பு முறை என சொல்ல முடியாது. ஆனாலும், ஓரளவு தடுக்கும் என்ற நம்பிக்கையால், இதை வளர்த்து வருகிறோம்' என்றனர்.

 

Advertisement
மேலும் கோயம்புத்தூர் மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X