சாயல்குடி வி.வி.ஆர்., நகரில் சேதமடைந்த நிலையில் அங்கன்வாடி, ரேசன் கடை, குடிநீர் மேல்நிலை தொட்டி | ராமநாதபுரம் செய்திகள் | Dinamalar
சாயல்குடி வி.வி.ஆர்., நகரில் சேதமடைந்த நிலையில் அங்கன்வாடி, ரேசன் கடை, குடிநீர் மேல்நிலை தொட்டி
Added : அக் 19, 2021 | |
Advertisement
 

சாயல்குடி : சாயல்குடி வி.வி.ஆர்., நகரில் சேதமடைந்த நிலையில் அரசு கட்டடங்கள் ஆபத்தான நிலையில் இருப்பதால் அவற்றை அகற்றி விட்டு புதிய கட்டடம் கட்டவும், அடிப்படை வசதிகளை மேம்படுத்த வேண்டுமென அப்பகுதி மக்கள் எதிர்பார்க்கின்றனர்.

சாயல்குடி பேரூராட்சிக்குட்பட்ட 8வது வார்டில் வி.வி.ஆர்., நகர் உள்ளது. 1980க்குப் பிறகு ஏராளமான குடியிருப்புகள் வந்துஉள்ளது. 7 ஆயிரத்திற்கும்மேற்பட்டோர் வசிக்கின்றனர். சண்முகவேல் நாடார் தெரு, டாக்டர் ராதாகிருஷ்ணன் தெரு, வ.உ. சி., தெரு, பாரதியார் தெரு, நேருஜி தெரு, காமராஜர் தெரு, காந்தி தெரு, லால்பகதுார் சாஸ்திரி தெரு உள்ளிட்ட தியாகிகளின் பெயரில் தெருக்கள் உள்ளது.பல ஆண்டுகளாக இப்பகுதியில் சாலை வசதி இல்லாத நிலையில் தினமலர் நாளிதழில் வெளியான செய்தியால் புதியதாக கடந்த ஆண்டு தார் சாலை, பேவர் பிளாக் கற்கள் பதித்த சாலை அமைக்கப்பட்டுள்ளது.

அப்பகுதி மக்கள் குமுறல்:முன்னாள் பேரூராட்சித் துணைத் தலைவர் ஆர்.காமராஜ்: 1985ல் கட்டப்பட்ட 30 ஆயிரம் லி., கொள்ளளவு கொண்ட மேல்நிலை தொட்டி உள்ளது. தொட்டியின் பூச்சு சிதிலமடைந்து பக்கவாட்டு பகுதிகள் விரிசலுடன் உள்ளதால் விபத்து அபாயம் நிலவுகிறது.கடந்த 5 ஆண்டுகளுக்கு முன்பு மராமத்து செய்யப்பட்டது.தற்போது வரை அதில் குடிநீர் விநியோகம் ஆபத்தான நிலையில் செய்யப்படுகிறது. எனவே மேல்நிலை தொட்டியை அகற்றி விட்டு புதிதாக கட்ட வேண்டும்.

து.மதியழகன்: ரேஷன் கடை கட்டடம் சேதமடைந்துள்ளது. கூரை பூச்சு உதிர்ந்து வருகிறது.இதுவரை மின்சார வசதி செய்து தரப்படவில்லை. மழை பெய்தால் அரிசி, பருப்பு உள்ளிட்ட உணவு பொருட்கள் நனைந்து விடுகிறது. ரேஷன் கடையை இடித்துவிட்டு புதிய கட்டடம் கட்ட வேண்டும்.தொம்மை ஆரோக்கியம்: நொண்டி பெருமாள் ஊரணி சீமைக்கருவேல மரங்களின் ஆக்கிரமிப்பில் உள்ளதால் ஊரணியை சுற்றி தினந்தோறும் குப்பையை மக்கள் விழிப்புணர்வு இன்றி கொட்டி வருகின்றனர்.பன்றிகள் கூட்டமாக திரிவதால் சுகாதாரக்கேடு நிலவுகிறது. கருவேல மரங்களை அகற்றி கண்மாயை துார்வாரினால் இப்பகுதியில் நிலத்தடி நீர்மட்டத்திற்கு பயன்உள்ளதாக இருக்கும்.

கே.தேவமணி: 7000 பேருக்கு அதிகமானோர் வசித்துவரும் இப்பகுதியில் துணை சுகாதார நிலையம் தேவையாக உள்ளது. அரசுக்கு சொந்தமான 2 ஏக்கர் இடம் இருந்தும் அவ்விடத்தில் சிறுவர்களுக்கான விளையாட்டுப் பூங்கா, பொழுதுபோக்கு மைதானம் அமைக்கப்படவில்லை.ஆர்.புஷ்பவள்ளி: வாரத்திற்கு ஒரு முறை காவிரிநீர் வருகிறது. இந்நிலையில் ஐந்து ஏக்கர் கடற்கரைப் பகுதியிலிருந்து குடிநீரை சீராக விநியோகம் செய்திட நடவடிக்கை எடுக்க வேண்டும்.

எம்.மரிய இன்பம்: வி.வி.ஆர்., நகரில் குறுகியசந்துகளில் சாலைகள் அமைக்காததால் குண்டும் குழியுமாக உள்ளது.மழை காலங்களில் தெருக்களில்,வீடுகளின் முன் தண்ணீர் தேங்கி உள்ளது. எனவே விடுபட்ட பகுதிகளில் புதிய சாலை அமைக்க வேண்டும்.

 

Advertisement
மேலும் மதுரை கோட்டம்  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X