பஸ்களில் உலா வரும் பெண் திருடர்கள் | திண்டுக்கல் செய்திகள் | Dinamalar
பஸ்களில் உலா வரும் பெண் திருடர்கள்
Advertisement
 

பதிவு செய்த நாள்

25 அக்
2021
00:56

ஒட்டன்சத்திரம் : பழநி --- ஒட்டன்சத்திரம் வழித்தடத்தில் செல்லும் பஸ்களில் கூட்ட நெரிசலை பயன்படுத்தி நகை மற்றும் கைப்பையை குறிவைத்து திருடும் பெண்கள் உலா வருவதாக புகார் எழுந்துள்ளது.



பழநியில் இருந்து மதுரை, திண்டுக்கல் செல்லும் பஸ்களில் பயணிகளுடன் ஒன்றாக பெண் திருடர்களும் பயணம் செய்கின்றனர். கூட்ட நெரிசலை பயன்படுத்தி சீட்களில் உட்கார்ந்திருக்கும் பெண்களின் அருகில் முண்டியடித்து நின்று கொள்கின்றனர்.பெண்கள் தூங்கும் சமயங்களில் நைஸாக அணிந்துள்ள சங்கிலியை பறிப்பது அல்லது சந்தர்ப்பம் கிடைக்கும் போது பெண்களின் கைப்பையை திறந்து பணத்தை திருடி, அடுத்த பஸ் ஸ்டாப் வந்தவுடன் இறங்கி சென்று விடுகின்றனர்.



சில நாட்களுக்கு முன்பு தொப்பம்பட்டியில் வேலை செய்யும் ஒரு அரசு ஊழியரின் கைப்பை திருடப்பட்டது.இதனைத் தொடர்ந்து துக்க நிகழ்ச்சியில் கலந்துகொள்ள பஸ்சில் சென்ற பெண்ணின் கழுத்தில் இருந்த 5 பவுன் நகையை காணவில்லை. பஸ்களில் உள்ள கேமரா பதிவுகளில் இந்த நிகழ்ச்சிகள் பதிவாகியுள்ளதாக பாதிக்கப்பட்டவர்கள் தெரிவிக்கின்றனர். போலீசார் நடவடிக்கை எடுக்க வேண்டும் என அவர்கள் வலியுறுத்தினர்.

 

Advertisement
மேலும் திண்டுக்கல் மாவட்ட  செய்திகள் :


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X