5,997 பேருக்கு ரூ.315 கோடி வங்கி கடனுதவி!
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

மாற்றம் செய்த நாள்

28 அக்
2021
23:02
பதிவு செய்த நாள்
அக் 27,2021 22:43

திருப்பூர்: திருப்பூரில் நேற்று நடந்த முகாமில், 5,997 பேருக்கு, 315 கோடி ரூபாய் வங்கி கடன் வழங்கப்பட்டது.திருப்பூர் மாவட்ட அளவிலான வங்கியாளர் குழுமம் சார்பில், மெகா வாடிக்கையாளர் தொடர்பு முகாம், காங்கயம் ரோட்டில் உள்ள காயத்ரி மஹாலில் நேற்று நடந்தது. கலெக்டர் வினீத் தலைமை வகித்தார். கனரா வங்கி பொதுமேலாளர் பூபதி சத்தியநாராயணா வரவேற்றார்.


வங்கிகள் கைகொடுக்க வேண்டும்கண்காட்சி அரங்கை திறந்து வைத்து, அமைச்சர் சாமிநாதன் பேசுகையில்,''கொரோனா பாதிப்புகளிலிருந்து தமிழக தொழில் துறை மீண்டுவருகிறது. தொழில்முனைவோரின் முயற்சிகளால், திருப்பூர் முன்னிலை வகிக்கிறது. தொழில் வளர்ச்சிக்கு வங்கிகள் தொடர்ந்து கைகொடுக்க வேண்டும்.. கிராமங்கள்தான் நாட்டின் முதுகெலும்பு. அந்த முதுகெலும்பு சரியாக இருப்பதற்கு, வங்கிகள் கடனுதவி வழங்க வேண்டும்'' என்றார்.


சிறு நிறுவனங்களுக்கு தாராள கடனுதவிஎம்.பி., சுப்பராயன் பேசுகையில், ''குறு, சிறு, நடுத்தர தொழில் நிறுவனங்களே, நாட்டில், 90 சதவீதம் வேலைவாய்ப்பை வழங்குகின்றன. இத்தகைய தொழில் துறை மீது, அரசு கூடுதல் கவனம் செலுத்த வேண்டும். நாட்டின் பொருளாதார வளர்ச்சிக்கு, வங்கிகள் கருவிகளாக செயல்படுகின்றன. வங்கிகள் அரசு சொத்தாக இருந்தால் மட்டுமே, வளர்ச்சி ஏற்படும், மக்களின் தேவைகள் நிறைவேறும். வங்கிகள், கார்பரேட் நிறுவனங்களிடம் கறாராக கடன்களை வசூலிக்க வேண்டும்; இதன்மூலம், குறு, சிறு நிறுவனங்களுக்கு தாராளமாக கடன் வழங்கலாம்'' என்றார்.


வங்கிகளாலேயே திருப்பூர் வளர்ச்சிஆயத்த ஆடை ஏற்றுமதி மேம்பாட்டுக்கழக (ஏ.இ.பி.சி.,) தலைவர் சக்திவேல் பேசுகையில், ''கடந்த 1985ல், ஆண்டுக்கு 15 கோடியாக இருந்த திருப்பூரின் பின்னலாடை ஏற்றுமதி வர்த்தக மதிப்பு, தற்போது, 27 ஆயிரம் கோடி ரூபாயாக உயர்ந்துள்ளது. வங்கிகள் கைகொடுத்ததாலேயே, திருப்பூர் பின்னலாடை துறை, இத்தகைய வளர்ச்சியை எட்டியுள்ளது. வங்கிகள், மத்திய அரசு திட்டங்கள் மூலம், தொழில்முனைவோருக்கு, தேவையான அளவு கடன் வழங்கவேண்டும்'' என்றார்.


முகாமில், தொழில்முனைவோர் உட்பட 5,997 பேருக்கு, 19 வங்கிகள், மொத்தம், 315.83 கோடி ரூபாய் வங்கி கடன் வழங்கப்பட்டது. எம்.எல்.ஏ., செல்வராஜ், கனரா வங்கி சென்னை மண்டல பொதுமேலாளர் ஸ்ரீகாந்த் மஹபத்ரா, மாவட்ட முன்னோடி வங்கி மேலாளர் அலெக்சாண்டர் உட்பட வங்கியாளர்கள் பங்கேற்றனர்.ஸ்டேட் பாங்க் ஆப் இந்திய துணை பொதுமேலாளர் நாகேஸ்வரராவ் நன்றி கூறினார்.


வங்கிகள், மாவட்ட தொழில்மையம், கால்நடைத்துறை, காதி போர்டு போன்ற அரசு துறை சார்பில், மொத்தம் 38 அரங்குகள் அமைக்கப்பட்டிருந்தன. காலை முதல் மாலை வரை நடந்த முகாமில், பின்னலாடை துறையினர், பொதுமக்கள் ஏராளமானோர், வங்கிகளை அணுகி, வீடு, தொழில், விவசாயம், வாகன கடன்கள் பெறுவது குறித்த ஆலோசனை பெற்றனர்.

 

Advertisement
மேலும் திருப்பூர் மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X