கலப்பு: பல லட்சம் கன அடி உபரி நீர் கடலில்...விவசாயிகள், பொதுமக்கள் கவலை
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

27 நவ
2021
05:18

திண்டிவனம்-மாவட்டத்தில் கடந்த 20 நாட்களுக்கும் மேலாக பெய்து வரும் கன மழையால், நிமிடத்திற்கு 20 ஆயிரம் கன அடி உபரி நீர் வீணாக கடலில் கலப்பதால் விவசாயிகள், பொதுமக்கள் கவலை அடைந்துள்ளனர்.



விழுப்புரம் மாவட்டத்தில் பிரதான தொழிலாக விவசாயம் இருக்கிறது. மாவட்டத்தைச் சுற்றியுள்ள கிராமங்களில், 80 சதவீதம் பேர் விவசாயத்தை தொழிலாகக் கொண்டுள்ளனர்.இப்பகுதிகளில் நடைபெறும் விவசாயம் பெரும்பாலும் வீடூர் அணைக்கட்டில் இருந்து வரும் நீர் மற்றும் ஏரிப்பாசனத்தையே நம்பி உள்ளது. விவசாயத்திற்கு முக்கியமாக கருதப்படும் மழைநீரை சரியாக சேமிக்க முடியாமல் பல லட்சம் கன அடி நீர் வீணாக கடலில் கலக்கும் நிலை பல ஆண்டுகளாக நீடிக்கிறது.



கடந்த 20 நாட்களாக கொட்டிய கனமழையால், திண்டிவனம், வானுார், மரக்காணம், செஞ்சி, மேல்மலையனுார் தாலுகாக்களுக்குட்பட்ட 288 ஏரி, 1,000க்கும் மேற்பட்ட குளங்கள் முழுமையாக நிரம்பி உபரி நீர் வெளியேறி வருகிறது.இப்படி வெளியேறும் உபரி நீரின் அளவு மட்டுமே ஒரு நிமிடத்திற்கு 20 ஆயிரம் கன அடி நீர் என பொதுப்பணித்துறை நீர் ஆதார அமைப்பினர் கூறுகின்றனர்.அப்படியென்றால் நாளொன்றுக்கு பல லட்சம் கன அடி நீர் வீணாக கடலில் சேருகிறது.கன மழையால் திண்டிவனம் கிடங்கல் ஏரி, வானுார், மரக்காணம், மயிலம் ஏரிகளில் இருந்து வெளியேறும் உபரிநீர் நல்லாவூர், நரசிம்மாறு வழியாக பயணித்து, மரக்காணம் கழுவெளியில் கலந்து, செங்கல்பட்டு மாவட்டம் கிழக்கு கடற்கரை சாலையில் உள்ள ஆலம்பரா கோட்டை அருகே கடலில் கலக்கிறது.செஞ்சி, மேல்மலையனுாரில் இருந்து வரும் உபரி நீர் வீடூர் அணைக்கட்டு வழியாக வெளியேறி புதுச்சேரி சங்கராபரணி ஆறு வழியாக பயணித்து புதுச்சேரி கிழக்கு கடற்கரைச் சாலையில் உள்ள சுண்ணாம்பாறு படகு குழாம் அருகே கடலில் கலக்கிறது.இப்படி பல லட்சம் கன அடி நீர் இருவேறு ஆறுகள் வழியாக கடந்த 25 நாட்களாக கடலில் கலந்து வீணாவதற்கு முக்கிய காரணமாக கூறப்படுவது ஏரி, குளங்கள் துார் வாரப்படாததுதான்.கடந்த 2011ஆம் ஆண்டு உலக வங்கி நிதியுதவியுடன் மாவட்டத்தில் உள்ள ஏரி, குளங்கள் துார் வாரப்பட்டுள்ளது.



அதன் பிறகு ஒரு சில ஏரிகள் மட்டுமே முன்னுரிமை அளித்து துார் வாரியுள்ளனர். 10 ஆண்டுகளாக பெரிய அளவில் ஏரிகள் துார் வாரப்படவில்லை.இவை துார்வாரப்பட்டிருந்தால் பல லட்சம் கன அடி மழைநீர் கடலில் சென்று கலக்காமல் சேமித்து வைத்திருக்க முடியும். ஆனால் இதைப்பற்றி அரசு அதிகாரிகளோ அல்லது அரசியல் பிரமுகர்களோ கவலைப்படுவதாக தெரியவில்லை.ஏரி, குளங்கள் துார் வாருவது மட்டுமின்றி, மாவட்டத்தில் பல இடங்களில் தடுப்பணைகள் கட்டப்பட்டால் மட்டுமே வீணாக கடலில் கலக்கும் நீரை சேமித்து விவசாயத்தை செழிப்படையச் செய்ய முடியும் என விவசாயிகள், பொதுமக்கள் வேதனையுடன் தெரிவிக்கின்றனர்.

 

Advertisement


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ram -  ( Posted via: Dinamalar Android App )
27-நவ-202121:07:18 IST Report Abuse
Ram All water drained to sea. Come April May, fight with Karnataka.
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X