யானைகளுக்கு நேர்ந்த சோகம்; காரணம் ரயிலின் அதிவேகம்?
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

மாற்றம் செய்த நாள்

28 நவ
2021
10:50
பதிவு செய்த நாள்
நவ 27,2021 22:35

கோவை: கோவை அருகே, மூன்று யானைகளை பலி வாங்கிய ரயில் அதிவேகத்தில் இயக்கப்பட்டதா என, தொழில்நுட்ப ரீதியான விசாரணையை அதிகாரிகள் மேற்கொண்டுள்ளனர்.


கோவை மாவட்டம் மதுக்கரை அருகே ரயில்வே தண்டவாளத்தை கடக்க முயன்ற, 25 வயது பெண் யானை, 6 வயது குட்டியானை மற்றும், 18 வயது மக்னா யானை நேற்று முன் தினம், மங்களூர் - சென்னை ரயில் மோதி உயிரிழந்தன. வனத்துறை கால்நடை மருத்துவர் சுகுமார் யானைகளின் சடலங்களை நேற்று ஆய்வு செய்தார். மூன்று யானைகள் சடலங்களும் பிரேதப் பரிசோதனைக்கு உட்படுத்தப்பட்டன. ரயிலை வேகமாக இயக்கிய ரயில்வே லோகோ பைலட் கேரள மாநிலத்தை சேர்ந்த சுபேர், உதவி லோகோ பைலட் அகில் 34, இருவரிடமும் வனத்துறையினர் விசாரணை நடத்தியப்பின் விடுவித்தினர்.





கோவை மாவட்ட வன அலுவலர் அசோக் குமார் கூறுகையில், ''வனத்துறை, ரயில்வே துறை உடன்பாட்டின்படி, ரயில் சரியான வேகத்தில் இயக்கப்பட்டதா என விசாரணை நடக்கிறது. சட்டப்படி நடவடிக்கை எடுக்கப்படும். இரவில்தான் அதிக விபத்துகள் நடக்கின்றன,'' என்றார்.


உயிரிழந்தது 'மக்னா'





உயிரிழந்த மூன்று யானைகளில் ஒன்று, 18 வயதுடைய மக்னா. தந்தமில்லாத ஆண் யானையே மக்னா யானை என்றழைக்கப்படுகிறது. மக்னா யானைகளின் எண்ணிக்கை மிகவும் குறைவாக உள்ள நிலையில் அவற்றில் ஒரு யானை இறந்திருப்பது பரிதாபத்துக்குரியது. மேலும், உயிரிழந்த, 25 வயது பெண் யானை சடலம் பிரேதப் பரிசோதனை செய்தபோது, வயிற்றில் ஒரு மாதத்துக்கும் குறைவான கரு இருந்துள்ளது.


'சிப்' பறிமுதல்





ரயில்களின் வேகத்தை கணக்கிட ரயில் என்ஜினில், பிரத்யேக சிப் பொருத்தப்பட்டிருக்கும். இந்த சிப் மூலம், விபத்து நடந்த குறிப்பிட்ட நேரத்தில் ரயிலின் வேகத்தை கணக்கிட முடியும். இதை வனத்துறையினர் கைப்பற்றியுள்ளனர். தகவல்களை திரட்ட, சேலம் கோட்டத்தை சேர்ந்த ஈரோடு ரயில்வே தொழில்நுட்ப வல்லுனர்கள் வரவழைக்கப்பட்டுள்ளனர்.




விபத்து பகுதியில், 'ரயில் தண்டவாளத்தை யானைகள் கடக்கும் பகுதி' என எச்சரிக்கை பலகை வைக்கப்பட்டுள்ளது. இது, கோவையிலிருந்து கேரளா செல்லும் ரயில்களின் பார்வையில் படும்படி வைக்கப்பட்டுள்ளது. ஆனால், சிறப்பு ரயில், கேரளாவில் இருந்து, எதிர் திசையில் பயணித்ததால் டிரைவர் பார்வையில் படாமல் போயிருக்கலாம்.


அதிவேகம் காரணம்?




.

யானைகள் மீது அதிவேக ரயில் மோதியதால் தான், 145 மீட்டர் வரை இழுத்து செல்லப்பட்டுள்ளன என தெரிவிக்கப்படுகிறது. ரயில் மோதி யானைகள் உயிரிழப்பு சம்பவங்களில் பெரும்பாலும், ரயில் வரும்போது யானைகள் ஒதுங்க இடம் இல்லாதது காரணமாக இருக்கும். ஆனால், குறிப்பிட்ட பகுதியில், யானைகள் ஒதுங்க இடம் இருந்து அவற்றால் ஒதுங்க முடியாமல் விபத்து ஏற்பட்டதற்கு காரணம் அதிவேகம் மட்டுமே காரணம் என வன ஆர்வலர்கள் குற்றம் சாட்டுகின்றனர்.விபத்து நடந்த பகுதியில் ரயில்வே, வனத்துறை இடையேயான ஒப்பந்தத்தின் படி, ரயிலை அதிகபட்சம், 45 கி.மீ., வேகத்தில் மட்டுமே இயக்க வேண்டும். ஆனால், சிறப்பு ரயில் என்பதால் அப்பகுதியில் குறிப்பிட்ட வேகத்தில் ரயில் இயக்கப்படாமல், 75 கி.மீ., வேகத்தில் இயக்கப்பட்டிருக்க வேண்டும். அதன் காரணமாகவே, யானைகள் ரயில் தண்டவாளத்தை கடக்கும் போது ரயிலை நிறுத்த முடியவில்லை என, வனத்துறையினர் தெரிவிக்கின்றனர்.



நிதி கேட்கிறது ரயில்வே




கோவை - பாலக்காடு இடையே உள்ள ரயில்பாதையில் தான் ரயில்கள் மோதி யானைகள் அதிகளவு உயிரிழப்பு ஏற்படுகிறது. இதற்காக, கடந்த 2010 ல் ஆண்டு நடந்த கூட்டத்தில் வனப்பகுதியில் ரயில் தண்டவாளங்களுக்கு அருகே யானைகள் வராமல் தடுப்புகள் அமைக்க திட்டமிடப்பட்டது. இதற்காக, கடந்த, 2012ல் ரூ.29 கோடி வழங்குமாறு, வனத்துறை அமைச்சகத்துக்கு ரயில்வே கடிதம் அனுப்பியது. ஆனால், நிதி ஒதுக்கவில்லை. தற்போது திட்டமதிப்பு, ரூ.39 கோடிக்கும் அதிகமாகி உள்ளது. வனத்துறையினர் கூறுகையில்,'ரயில்வே நிர்வாகம் கோரியுள்ள தொகையை மத்திய வனத்துறை அமைச்சகம் விரைந்து ஒதுக்கும்' என, கூறினர்.

 

Advertisement
மேலும் கோயம்புத்தூர் மாவட்ட  செய்திகள் :
முக்கிய செய்திகள்
பொது
பிரச்னைகள்
சம்பவம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (2)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
RajanRajan - kerala,இந்தியா
28-நவ-202122:00:50 IST Report Abuse
RajanRajan இந்த யானை தட பகுதியில் ரயில்களை நிதானமான வேகத்தில் இயக்கம் வகையில் கட்டுப்பாடு விதித்திக்கலாம். சுரங்க ரயில் பாதை அமைப்பது நிரந்தர தீர்வுக்கு வழிவகுக்கும். இந்த மாதிரி உயிர்பலிகள் ஏற்க தக்கதல்ல. அதுகும் சூலி யானை பழிவாங்க பட்டது வருத்தத்திற்குரியது. வனத்துறையும் ரயில்துறையும் இணைந்து உயிர் பாதுகாப்புக்கான வளையம் அமைக்க வேண்டும் என்பதே முக்கியம்.
Rate this:
Cancel
Bairav Kumar - Chennai,இந்தியா
28-நவ-202111:39:00 IST Report Abuse
Bairav Kumar குறிப்பிட்ட தூரத்திற்கு சுரங்க ரயில் பாதை அமைப்பதில் மூலம் யானை இறப்பை தடுக்கலாம்.
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X