முல்லை பெரியாறு அணையில் 142 அடி: தமிழக பொதுப்பணி துறையினர் முகாம்
Advertisement
 
 
 
Advertisement
Advertisement
dinamalar-advertisement-tariff-2021
 
எழுத்தின் அளவு:

பதிவு செய்த நாள்

30 நவ
2021
23:10



கூடலூர்: முல்லை பெரியாறு அணையில் நேற்று அதிகாலை நீர்மட்டம் 142 அடி எட்டியதால் தமிழக பொதுப்பணி துறை அதிகாரிகள் அணைப் பகுதியில் முகாமிட்டுள்ளனர்.

கேரளப் பகுதிக்கு மூன்றாவது இறுதி கட்ட வெள்ள அபாய எச்சரிக்கை விடுக்கப் பட்டது.கேரள மாநிலம், இடுக்கி மாவட்டத்தில் தமிழகத்தின் பராமரிப்பில் முல்லை பெரியாறு அணை உள்ளது. மொத்தம் 152 அடி உயரமுள்ள அணை நீர்பிடிப்பில் தொடர்ந்து பெய்து வந்த மழையால் நீர்மட்டம் வெகுவாக உயர்ந்து வந்தது. அக்டோபர் கடைசி வாரம் மற்றும் நவம்பர் முதல் வாரத்தில் கூடுதல் மழை பெய்து நீர்மட்டம் 142 அடியை எட்ட வாய்ப்பு இருந்தது. இருப்பினும் கால அட்ட வணை - ரூல் கர்வ் நடைமுறையால் தண்ணீர் தேக்க முடியவில்லை. இந்த நடைமுறைப்படி நவம்பர் 30ல் 142 அடி தேக்கலாம். இந்நிலையில் நேற்று அதிகாலை 3:55 மணிக்கு நீர்மட்டம் 142 அடியை எட்டியது.தமிழகப் பகுதிக்கு குடிநீர், சாகுபடிக்காக 2,300 கன அடி திறந்து விடப்பட்டுள்ளது. நீர் இருப்பு 7,666 மில்லியன் கன அடியாகும்.கேரளப் பகுதிக்கு வெளியேற்றம்அணைக்கு நீர்வரத்து நேற்று காலை 10:00 மணி நிலவரப்படி வினாடிக்கு 7,991 கன அடியாக இருந்தது. நீர் மட்டம் 142 அடிக்கு மேல் உயராமல் இருக்க, கேரளப் பகுதிக்கு ஒன்பது ஷட்டர்கள் திறக்கப் பட்டு 5,691 கன அடி வெளியேற்றப்படுகிறது. மழை மற்றும் நீர்வரத்துக்கு ஏற்ப கேரளப் பகுதிக்கு வெளியேற்றும் தண்ணீரின் அளவு மாறுபடும்.வல்லக்கடவு, வண்டிப் பெரியாறு, சப்பாத்து உள்ளிட்ட பெரியாற்றின் கரையோரப் பகுதியில் வசிப்பவர்களுக்கு மூன்றாவது மற்றும் இறுதி கட்ட வெள்ள அபாய எச்சரிக்கை தமிழக பொதுப்பணி துறை யினரால் விடுக்கப்பட்டது.மதுரை மண்டல முதன்மை பொறியாளர் கிருஷ்ணன், கண்காணிப்புப் பொறியாளர் சுகுமார் தலைமையில் மெயின் அணை, பேபி அணை, ஷட்டர் பகுதிகளில் ஆய்வு மேற்கொள்ளப்பட்டது. மழை தொடர்ந்து பெய்து வருவதால் பொதுப் பணி துறையினர் தொடர்ந்து கண்காணித் து வருகின்றனர்.நீர்வளத் துறை அமைச்சர் துரைமுருகன் வேலுாரில் நிருபர்களிடம் கூறும் போது, ''முல்லை பெரியாறு அணையில், 142 அடி வரை தண்ணீரை நிரப்ப முடியாது என, கேரள அரசு தெரிவித்திருந்த நிலையில், தற்போது நான்காவது முறையாக அணை முழு கொள்ளளவை எட்டியுள்ளது,'' என்றார்.ஒரு வாரம் தேக்கிவைக்க நடவடிக்கை'ரூல் கர்வ்' விதிப்படி, முல்லை பெரியாறு அணையில் 142 அடிக்கு 7.66 டி.எம்.சி., நீர் சேமிக்கப்பட்டு உள்ளது. அணையின் பலத்தை கேரள அரசிற்கு உணர்த்தும் வகையில் ஒரு வாரத்திற்கு, 142 அடிக்கு நீரை சேமிக்க, நீர்வளத் துறை அதிகாரிகளுக்கு அரசு உத்தரவிட்டு உள்ளது.மழை ஓய்ந்தபின் தேவைப்படும் பட்சத்தில், தமிழகத்தின் தேவைக்கேற்ப கூடுதல் நீரை திறந்து நீர்மட்டத்தை குறைக்கவும் அறிவுறுத்தப்பட்டு உள்ளது.

 

Advertisement
மேலும் நீலகிரி மாவட்ட  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X