Dinamalar

பதிவு செய்த நாள்

பொள்ளாச்சி;சி.அர்த்தநாரிபாளையம் கிராமத்தில், ஆழியாறு தென்னை ஆராய்ச்சி நிலையம் மற்றும் கொச்சி முந்திரி மற்றும் கோகோ மேம்பாட்டு இயக்ககம் இணைந்து, கோகோவில் உயர்விளைச்சல் பெறும் தொழில்நுட்பங்கள் குறித்த கருத்தரங்கு நடத்தின.கருத்தரங்குக்கு, முன்னோடி தென்னை விவசாயி சிவன்மலைசாமி தலைமை வகித்தார். தென்னை ஆராய்ச்சி நிலைய தலைவர் பிரணீதா முன்னிலை வகித்தார். கருத்தரங்கில் விஞ்ஞானிகள் கூறியதாவது:தென்னை விவசாயம் சந்தித்து வரும் வெள்ளை ஈ தாக்குதல், கேரள வேர் வாடல் நோய், நிலையற்ற தேங்காய் விலை உள்ளிட்ட பிரச்னைகளால் ஏற்படும், பொருளாதார சரிவை சமாளிக்க, ஊடுபயிர் செய்வது கட்டாயமாகிவிட்டது. அதில், தென்னந்தோப்பில் நன்கு வளர்ந்து பலனளிக்கும் கோகோ, விவசாயிகளுக்கு நிரந்தர, நீண்ட கால வருவாய் அளிக்கக்கூடியது.கோகோவில் ஒருங்கிணைந்த ஊட்டச்சத்து மேலாண்மை, பூச்சி மேலாண்மை, நோய் மேலாண்மை, எதிர் உயிரிகள் பயன்பாடு ஆகிய தொழில்நுட்பங்களை அறிந்து கொண்டு, விஞ்ஞான ரீதியாக சாகுபடி மேற்கொண்டால், கோகோ லாபகரமான பயிராக அமையும். இவ்வாறு, தெரிவித்தனர்.கருத்தரங்கு ஏற்பாடுகளை, ஆராய்ச்சி நிலைய வேளாண் மேற்பார்வையாளர் சரவணகுமார் செய்திருந்தார். முனைவர்கள் ராஜமாணிக்கம், சிவக்குமார், லதா, மீனா, சுதாலட்சுமி ஆகியோர், பல்வேறு தொழில்நுட்பங்கள் குறித்து பேசினர். மாவட்டத்தின் பல்வேறு பகுதிகளில் இருந்து விவசாயிகள் பங்கேற்றனர்.

• 1.மாணவியர் 4 பேர் கோவையில் மீட்பு
• 2.நீலகிரியில் சிறப்பு மண்டல திட்டம் உருவாக்கம்: முதல்வர் பேச்சு
• 3.மேட்டுப்பாளையத்தில் திருமணமான 6 மாதத்தில் பெண் டாக்டர் தற்கொலை
• 4.பிளக்ஸ் கலாசாரம்; விபத்துக்கு அச்சாரம்!
• 5.தென்னை விவசாயத்தை காக்க வேறு வழியில்லை !
• 6.மாட்டுக்கறி விருந்தில் அரசியல் சதி: பா.ஜ., இப்ராஹிம் குற்றச்சாட்டு
• 7.ஆழியாறில் இருந்து ஒட்டன்சத்திரத்துக்கு தண்ணீர் எடுக்க விவசாயிகள் எதிர்ப்பு
• 8.மேட்டுப்பாளையம் ஸ்டேஷன்ரயில்வே கமிட்டி ஆய்வு
• 9.கோவையில் மீண்டும் வருகிறது வாடகை சைக்கிள் திட்டம்
• 10.ரூ. 400 கோடி மோசடி செய்த 'மிஸ்டர் மணி' தம்பதி துபாய்க்கு ஓட்டம்