Dinamalar

ஸ்ரீபெரும்புதுார் : சுங்கச்சாவடியில் பணம் செலுத்துவதை தவிர்க்க, காட்டரம்பாக்கம் வழியே செல்லும் வாகனங்களால், போக்குவரத்து நெரிசல் ஏற்படுகிறது.

ஸ்ரீபெரும்புதுார் அருகே இருங்காட்டுக்கோட்டையில், 'சிப்காட்' தொழிற்பூங்கா அமைந்துள்ளது. இங்கு 200க்கும் மேற்பட்ட தொழிற்சாலைகள் உள்ளன.இருங்காட்டுக்கோட்டை- - காட்டரம்பாக்கம் சாலையை பயன்படுத்தி ஏராளமான தொழிற்சாலை வாகனங்கள் செல்கின்றன.இந்த சாலை, சென்னை- - பெங்களூரு தேசிய நெடுஞ்சாலையையும், ஸ்ரீபெரும்புதுார் - -குன்றத்துார் நெடுஞ்சாலையையும் இணைக்கும் வகையில் உள்ளது. தொழிற்சாலை வாகனங்கள் இச்சாலையிலேயே செல்கின்றன.

இந்நிலையில் தேசிய நெடுஞ்சாலையில், ஸ்ரீபெரும்புதுார் அருகே உள்ள சுங்கச்சாவடியில் பணம் செலுத்துவதை தவிர்க்க, நான்கு சக்கர வாகன ஓட்டுனர்கள் பலர், இருங்காட்டுக்கோட்டை- - காட்டரம்பாக்கம் வழியை பயன்படுத்தி செல்கின்றனர்.குறுகலான இருவழியான இச்சாலையில் செல்லும் வாகனங்களால் அடிக்கடி போக்குவரத்து நெரிசல் ஏற்படுகிறது.இதனால், பொதுமக்கள் மற்றும் வாகன ஓட்டிகள் மிகவும் அவதிக்குள்ளாகின்றனர்.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE