உங்கள் வீட்டிலும் அமைக்கலாம் மின்சார நிலையம்! மின்சாரம் உற்பத்தி செய்யலாம்!
Updated : டிச 14, 2021 | Added : டிச 14, 2021 | கருத்துகள் (1) | |
Advertisement
 
 
 
Advertisement
Advertisement
dinamalar advertisement tariff
 

கோவை:'இரண்டு மெகாவாட் மின்சாரத்தை, உங்கள் வீட்டு மாடியில் உற்பத்தி செய்ய முடியும். உங்கள் அன்றாட மின் தேவையை பூர்த்தி செய்து கொள்ள முடியும். எதிர்காலத்தில் உங்களது பெட்ரோல் செலவையும் இது குறைக்கும்; ஆயுள் காலத்துக்கும் எரிபொருளை மிச்சப்படுத்தும்,'' என அடுக்கிக்கொண்டே போகிறார் கஸ்துாரி ரங்கையன்.

இந்திய காற்றாலை மின் உற்பத்தியாளர்கள் சங்கத்தின் தலைவரான கோவையை சேர்ந்த இவருக்கு, வேறு அறிமுகம் தேவையில்லை. நாட்டுக்கு அந்நியச் செலாவணியை மிச்சப்படுத்தும் அளப்பரிய தகவல்களை பரப்புவதோடு, தன் சொந்த வீட்டிலேயே செயல்படுத்தியும் வருகிறார்.''இயற்கை நமக்கு அளிக்கும் வரப்பிரசாதம் காற்றும், சூரிய ஒளியும் தான். இவை இரண்டும் அளவற்ற முறையில் நமக்கு கிடைக்கிறது. ஒவ்வொரு தனி மனிதனும் சுய தேவைக்கு, சூரிய ஒளியிலிருந்து மின்சாரத்தை பெற முடியும். ஒரு முறை முதலீடு செய்தால், வாழ்நாள் முழுவதும் பலன் தரும் கருவியாக சோலார் மின்சாரம் விளங்குகிறது,'' என்கிறார் இவர்.

'நெட் மீட்டரிங்' முறையில் மின்சாரத்தை உற்பத்தி செய்து, மின்வாரியத்துக்கும் அளித்து வரும் கஸ்துாரி ரங்கையன், மூன்று ஆண்டுகளாக வீட்டு மின் கட்டணத்தை நிறுத்தி, 'வாவ்' போட வைத்துள்ளார்.தனது வீட்டில் அமைத்திருக்கும், 'மினி மின் நிலையம்' குறித்து கஸ்துாரிரங்கையன் கூறியதாவது:ஒவ்வொருவருக்கும் தேவையான மின்சாரத்தை, வீட்டிலேயே உற்பத்தி செய்து கொள்ள முடியும். எனது வீட்டில் எனக்கு தேவையான மின்சாரத்தை உற்பத்தி செய்து கொள்ள, இரண்டு மெகாவாட் மின்சாரத்தை உற்பத்தி செய்யும், சோலார் பேனல்களை அமைத்துள்ளேன்.வீட்டு மாடியில் அமைத்துள்ள இந்த சோலார் திட்டத்தால், எனக்கு மின்சார செலவு கிடையாது. அதோடு இந்த மின்சாரத்தை, 'நெட் மீட்டரிங்' முறையில் மின்சார வாரியமே எடுத்துக் கொள்கிறது.

வீட்டில் பகலில் மின்சாரத்திற்கான பயன்பாடு மிகவும் குறைவு. பகலில் உற்பத்தியாகும் மின்சாரத்தை, மின்சார வாரியம் எடுத்துக் கொள்கிறது. இந்த மின்சாரம், பகலில் இயங்கும் தொழிற்சாலைகளுக்கு பயன்படும்.மின் கட்டணம் செலுத்துவதில்லைபகலில் அனுப்பிய மின்சாரத்தை, நாம் இரவில் பயன்படுத்திக் கொள்ள முடியும். மின்சார வாரியத்தின் மின்கம்பிகள் வழியாக இது கிடைக்கிறது. இரண்டு மின்சாரத்தையும் அளவிட பொதுவான மீட்டரே பயன்படுத்தப்படுகிறது.இந்த மீட்டரில் காட்டும் உற்பத்தி அளவும், பயன்பாட்டு அளவும் கணக்கீடு செய்யப்படுகிறது. பகலில் உற்பத்தி செய்து கொடுக்கப்படும் மின்சாரத்தை, மின்வாரியத்திடமிருந்து இரவில் பெற்று பயன்படுத்துகிறோம்.

மின்சார உற்பத்தி அதிகமாக இருந்தால், அது நமது மின்சார வங்கி கணக்கில் வரவு வைக்கப்படும். நாம் பயன்படுத்தும் அளவு, இந்த அளவுக்கு மேல் இருந்தால், மின் கட்டணமாக செலுத்த வேண்டும்.மாதம் சுமார் 2000 ரூபாய் மின் கட்டணம் செலுத்திய நான், கடந்த 2, 3 ஆண்டுகளாக மின் கட்டணம் செலுத்துவதில்லை.

இது, ஒருமுறை முதலீடு!

ஒரு முறை இரண்டு லட்ச ருபாய் செலவு செய்து, சோலார் பேனல் அமைத்து விட்டால், 20 ஆண்டுகளுக்கும் மேலாக மின் உற்பத்தியை பெற முடியும். அடுத்தாக, டாடா நெக்ஸான், எலக்ட்ரிக் கார் வாங்க புக் செய்துள்ளேன். 5-- 6 மாதங்களில் இந்த கார் வந்து விடும். தற்போது பயன்படுத்தி வரும் பெட்ரோல் காரை நிறுத்தி விட்டு, சூரிய ஒளியில் பெறப்படும் மின்சாரத்தைக் கொண்டு, சார்ஜ் செய்து கொள்ளப்போகிறேன்.எனது மாதாந்திர பெட்ரோல் செலவு மிச்சமாகி விடும். மாதந்தோறும் 10 ஆயிரம் ருபாய்க்கும் மேல் பெட்ரோலுக்கான செலவு மிச்சம். காரில் பயன்படுத்தப்படும் பேட்டரி 5 ஆண்டுகள் முதல் 8 ஆண்டுகள் வரை இருக்கும்.

மின்சாரமே வேண்டாம்

அதற்குள் இந்த கார் வாங்கிய கணக்கு ஈடுகட்டப்பட்டு விடும். மீண்டும் புதிய காரோ, பேட்டரியோ மாற்றிக் கொள்ள முடியும். இப்படி, எனது சுய தேவைக்கு எரிபொருள் செலவை முற்றிலும் நிறுத்த முடியும்.சோலார் பேனல்களுக்கு இணையாக, சோலார் வாட்டர் ஹீட்டர் ஒன்றையும் அமைத்துள்ளேன். இதிலிருந்து ஆண்டு முழுவதும் சுடுநீர் கிடைக்கிறது. மின்சார செலவு இல்லை. தமிழ்நாட்டில் அடைமழை காலம் 10 - நாட்களுக்கு மேல் நீட்டிப்பதில்லை. ஆண்டு முழுவதும் நமக்கு கிடைக்கும் சூரிய ஒளி ஒரு வரப்பிரசாதம்.இவ்வாறு, அவர் கூறினார்.இன்று உலக ஆற்றல் சேமிப்பு தினம்!

 

Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Raja Vardhini - Coimbatore,இந்தியா
14-டிச-202119:02:25 IST Report Abuse
Raja Vardhini இது பயனுள்ள விஷயம்... ஆனால்..... இவ்வளவு அற்புதமான கட்டுரையை வெளியிட்ட தினமலர், அவரை தொடர்பு கொள்ள , ஒரு தொலைபேசி எண்ணையோ அல்லது ஈமெயில் முகவரியோ கொடுத்திருக்கலாமே. கொடுப்பீர்களா?
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X