தடுப்பூசி போட்டவர்கள் அதிகம் ஜோரா கை தட்டுவோம்! கோவைக்கு இரண்டாம் இடம்
Advertisement
 
 
 
Advertisement
Advertisement
dinamalar advertisement tariff
 
எழுத்தின் அளவு:

மாற்றம் செய்த நாள்

17 ஜன
2022
02:02
பதிவு செய்த நாள்
ஜன 17,2022 01:06

கோவை:மாநில அளவில் இரண்டு 'டோஸ்' தடுப்பூசி செலுத்தியவர்களின் பட்டியலில் கோவை மாவட்டம் இரண்டாவது இடத்தில் உள்ளது. மொத்தம், 81.69 சதவீதம் பேர், 2 டோஸ் தடுப்பூசி செலுத்தியுள்ளனர்.கொடிய கொரோனா வைரஸ் கடந்த 2019ம் ஆண்டு முதல், உலகம் முழுவதையும் தொடர்ந்து அச்சுறுத்தி வருகிறது. புதிது, புதிதாக வைரஸ் மாறுபாடு அடைந்து, பல்வேறு நாடுகளிலும் பரவி வருகிறது.



இதன் தொடர்ச்சியாக தென் ஆப்ரிக்காவில் கண்டறியப்பட்ட உருமாறிய ஒமைக்ரான் வைரஸ், நம் நாட்டிலும் பரவி நமது அருகேயும் வந்துவிட்டது.'ஆக்டிவ்' கேஸ்கள் தொடர்ந்து அதிகரித்து கொண்டே வருகிறது. இதனால் தமிழகத்தில் இரவு நேர ஊரடங்கு, ஞாயிறு முழு ஊரடங்கு உத்தரவு அமல்படுத்தப்பட்டுள்ளது.இச்சூழலில், கொரோனாவை தடுக்கும் ஒரே பேராயுதமாக தடுப்பூசி உள்ளது. இந்தியாவில் கோவிஷீல்டு, கோவேக்சின், ஸ்புட்னிக் --வி ஆகிய 3 தடுப்பூசிகள் போடப்பட்டு வருகின்றன. கடந்த ஆண்டு ஜன.,16ம் தேதி தடுப்பூசி போடும் பணிகள் தொடங்கின.தடுப்பூசி போடும் திட்டம் தொடங்கி, நேற்றுடன் ஓராண்டு நிறைவடைந்தது.தடுப்பூசி போடுவதற்கு முதலில் தயக்கம் காட்டிய மக்கள், அதன்பிறகு பாதிப்பை உணர்ந்து தற்போது ஆர்வமாக தடுப்பூசி போட்டு வருகின்றனர்.
வாரம்தோறும் சிறப்பு முகாம்கள் மூலம், தடுப்பூசி போடப்பட்டு வருகிறது. சிறப்பு முகாம்கள் மூலம் தமிழகத்தில், 3.17 கோடி பேர் தடுப்பூசி செலுத்தி உள்ளனர். ஆனாலும், 2 டோஸ் தடுப்பூசி போடுவதில் தமிழகம் பின்தங்கியே உள்ளது.காஞ்சிபுரம் மாவட்டம் ஒரு டோஸ் தடுப்பூசி செலுத்தி கொண்டவர்கள் பட்டியலில், முதல் இடத்தில் உள்ளது.கடலூர், கோவை, விழுப்புரம், அரியலூர் ஆகிய மாவட்டங்களிலும், ஒரு டோஸ் தடுப்பூசி அதிகமாக போடப்பட்டுள்ளது.
இரண்டு 'டோஸ்' தடுப்பூசி செலுத்திய மாவட்டங்களின் பட்டியலில், 85.65 சதவீதத்துடன் நீலகிரி முதலிடத்தில் உள்ளது. இதற்கு அடுத்து, 81.69 சதவீதம் பேர் இரண்டாம் டோஸ் தடுப்பூசி செலுத்தி கோவை மாவட்டம் 2ம் இடத்தில் உள்ளது.100 சதவீதமே இலக்கு!கோவை கலெக்டர் சமீரன் கூறுகையில், ''100 சதவீதம் தடுப்பூசி செலுத்திய மாவட்டம் என்ற இலக்கை நோக்கி, கோவை மாவட்டம் விரைவாக சென்று கொண்டுள்ளது. சிறப்பு தடுப்பூசி முகாம்கள் மட்டுமின்றி, வீடு தேடி சென்று, தடுப்பூசி போடும் பணியும் நடக்கிறது. அதேபோன்று மாவட்டத்தில் பூஸ்டர் டோஸ் போடும் பணியும் நடந்து வருகிறது,'' என்றார்.

 

Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X