பிப்ரவரி இரண்டாம் வாரம், கொரோனா உச்சத்தை தொடும் என, மருத்துவ நிபுணர்கள் தெரிவித்துள்ளதால் வெளிநாட்டில் இருந்து வருவோர் தீவிரமாக கண்காணிக்கப்பட்டு வருகின்றனர். கடந்த டிச., 1 முதல், ஜன., 14 வரை, வெளிநாடுகளில் இருந்து ஊர் திரும்பிய, 540 பேர், அவரவர் வீடுகளில் தனிமைப்படுத்தப்பட்டு, அவர்களில், 400 பேருக்கு கொரோனா பரிசோதனை நடத்தப்பட்டு, கண்காணிப்பில் உள்ளனர். அத்துடன், கொரோனா சமூக பரவலாகி வருவதால், ஆர்.டி.பி.சி.ஆர்., பரிசோதனை, 3,000ல் இருந்து படிப்படியாக அதிகரித்து, தற்போது, 4,500 ஆக உயர்ந்துள்ளதாக, சுகாதாரத்துறையினர் தெரிவித்தனர்.
இதுகுறித்து, அவர்கள் மேலும் கூறியதாவது: முதல் கட்டமாக, சேலம் தொங்கும் பூங்காவில், கொரோனா சிகிச்சை மையம் தொடங்கப்பட்டது. அதேபோல் மேலும், 32 மையம், மாவட்டம் முழுதும் விரைவில், தொடங்கப்படும். அங்கு, கொரோனா அறிகுறி, லேசான பாதிப்புக்கு ஆளாவோர் தங்க வைக்கப்பட்டு சிகிச்சை அளிக்கப்படும். நோய் வீரியம் அதிகம் காணப்படுவோர், அரசு மருத்துவ மனைகளில் அனுமதிக்கப்படுவர். இவ்வாறு அவர்கள் கூறினர்.
கைதிக்கு உறுதி: சேலம், அழகாபுரம்,மோளப்பட்டியான் வட்டத்தை சேர்ந்த, 23 வயது ஆட்டோ டிரைவர், நேற்று முன்தினம், அம்மாபேட்டை மகளிர் போலீசாரால், 'போக்சோ' சட்டத்தில் கைது செய்யப்பட்டார். அவருக்கு மேற்கொண்ட பரிசோதனையில், கொரோனா உறுதியாக, சேலம் அரசு மருத்துவமனை சிறப்பு வார்டில் அனுமதிக்கப்பட்டுள்ளார்.
2 போலீசார்: இடைப்பாடி போலீஸ் ஸ்டேஷனில் எஸ்.எஸ்.ஐ.,யாக பணிபுரிந்தவருக்கு, நேற்று முன்தினம் கொரோனா உறுதியானது. இதனால், அவர் சங்ககிரியில் உள்ள வீட்டில் தனிமைப்படுத்திக்கொண்டார். மற்ற போலீசாருக்கு பரிசோதனை செய்யப்பட்டது. அதில், இடைப்பாடி, பூலாம்பட்டி போலீஸ் ஸ்டேஷன்களில் பணிபுரியும் தலா ஒரு போலீசாருக்கு கொரோனா இருப்பது நேற்று உறுதியானது. இதனால், இருவரும் வீட்டில் தனிமைப்படுத்தி கொண்டனர்.
விரைவில் சித்த மருத்துவ மையம்: சேலம், நாமக்கல் மாவட்ட சித்த மருத்துவ அலுவலர் கண்ணன் கூறியதாவது: சேலத்தில், 220 படுக்கை வசதிகளுடன் கூடிய சிறப்பு சித்த மருத்துவ சிகிச்சை மையம், விரைவில் தொடங்க உள்ளோம். கலெக்டர் அனுமதிக்கு காத்திருக்கிறோம். தவிர, சூரமங்கலம், அஸ்தம்பட்டி, அம்மாபேட்டை, கொண்டலாம்பட்டி மண்டலங்களில், சித்த மருத்துவ நல மையம் தொடங்கப்படும். அங்கு, தொற்று அறிகுறி கண்டறியப்பட்டவர்களுக்கும், நோயை தடுக்கவும், 5 நாளுக்கு சித்த மருந்து அடங்கிய சிறப்பு, 'கிட்' வழங்கி, அவரவர் வீடுகளில் தனிமைப்படுத்தி கொள்ள அறிவுறுத்தப்படுவர். மேலும், கலெக்டர் அலுவலகம், மத்திய சிறை, நீதிமன்ற வளாகம், மாநகராட்சியில் கபசுர குடிநீர் வழங்கப்படும். மாநகராட்சியுடன் இணைந்து, அதற?கான பணி மேற்கொள்ளப்படும். இவ்வாறு அவர் கூறினார்.
- 1.தீவன மூலப்பொருள் விலையேற்றம் எதிரொலி: முட்டை விலை ரூ.6-க்கு மேல் உயர வாய்ப்பு
- 2.'பரோல்' கைதி மாயம்: கண்காணிப்பாளரிடம் கிடுக்கிப்பிடி விசாரணை
- 3.மளிகை வியாபாரி மகனை கடத்திய ராஜஸ்தானை சேர்ந்த 3 பேர் கைது
- 4. மேட்டூரில் 2வது நாளாக டாக்டர்கள் உண்ணாவிரதம்
- 5. முதல்வர் குடும்பத்தினரை விமர்சித்த பள்ளிப்பாளையம் ஒன்றிய தி.மு.க.,செயலர் யுவராஜா மீது நடவடிக்கை?
- 6. ஓய்வு பெற்ற போக்குவரத்து பணியாளர்கள் சங்கத்தினர் ஆர்ப்பாட்டம்
- 7. உற்பத்தி சரிவால் உச்சத்தில் கொள்முதல் விலை... வெளிநாடுகளுக்கு முட்டை ஏற்றுமதி நிறுத்தம்
- 8. புகையிலை பொருட்கள் விற்ற 12 கடைகளுக்கு 'சீல்' போலீஸ் நடவடிக்கையால் வியாபாரிகள் அலறல்
- 9.செய்திகள் சில வரிகளில்... சேலம்
- 10. மேட்டூரில் 2வது நாளாக டாக்டர்கள் உண்ணாவிரதப் போராட்டம்
Copyright © 2022 Dinamalar - No.1 Tamil website in the world. Designed and Hosted by Web Division,Dinamalar. | Contact us