Dinamalar

மாற்றம் செய்த நாள்

18 ஜன
2022
10:46

பதிவு செய்த நாள்
ஜன 18,2022 10:44

பல்லடம்: ''திருப்பூரை, சிங்கப்பூருக்கு இணையாக மாற்றுவதே பிரதமரின் திட்டம்,'' என, பா.ஜ., மாநில தலைவர் அண்ணாமலை கூறினார்.

இதனால், ஏற்பட்ட மோதலை தொடர்ந்து, பா.ஜ., மாவட்ட இளைஞரணி பொதுச் செயலாளர் ரமேஷ், தெற்கு ஒன்றிய தலைவர் ராஜ்குமார் கைது செய்யப்பட்டு சிறையில் அடைக்கப்பட்டுள்ளனர். பா.ஜ., மாநிலத் தலைவர் அண்ணாமலை, நேற்று கைது செய்யப்பட்ட இருவரின் இல்லங்களுக்கும் சென்று குடும்பத்தினருக்கு ஆறுதல் கூறினார். அண்ணாமலை அளித்த பேட்டி:

பா.ஜ., மண்டல நிர்வாகிகள் கைது செய்யப்பட்ட சம்பவம், முற்றிலும் அரசியல் சூழ்ச்சியே. யாரையோ சந்தோஷப்படுத்த போலீசார் செய்தது பா.ஜ.,வுக்கு சாதகமாக முடிந்தது. 'ரியாலிட்டி ஷோ' என்ற பெயரில், சில 'டிவி' நிறுவனங்கள் குழந்தைகளின் மனதில் அரசியலை புகுத்துவதை கண்டிக்கிறேன்.
நுால் விலை ஏற்றத்தை தடுக்க நடவடிக்கை எடுக்காதது மாநில அரசின் தவறு. இதற்காக, ஜன., 21ல் திருப்பூரில் உண்ணாவிரத போராட்டமும், 25ம் தேதிக்கு பின், தொழில் துறையினரை மத்திய அமைச்சர் பியூஸ் கோயலுடன் சந்திக்க வைக்கவும் நடவடிக்கை எடுக்கப்பட்டு வருகிறது.

எதற்கெடுத்தாலும் மத்திய அரசை கைகாட்டிவிட்டு, மாநில அரசு தப்பிக்க முயற்சிக்கிறது. திருப்பூரை சிங்கப்பூருக்கு இணையாக மாற்றும் திட்டம் பிரதமரிடம் உள்ளது. தொழில் துறையினரின் கோரிக்கையை ஏற்று, மூன்று நாட்களில் ஜி.எஸ்.டி., உயர்வு நிறுத்தி வைக்கப்பட்டது.
இவ்வாறு, அண்ணாமலை கூறினார்.

 

• 1.தொழிலாளி அடித்து கொலை மகனுக்கு போலீஸ் வலை
• 2.ரூ. 400 கோடி மோசடி புகார் கோவையில் விசாரிக்க முடிவு
• 3.நெல்லையில் செவிலியர் மரணம் ஹிந்து முன்னணி நிதி கோரிக்கை
• 4.காமராஜர் கொண்டு வந்தது திராவிட மாடல் தான்! தி.மு.க., பயிலரங்கில் அலசல்
• 5.செவிலியர் மரணத்துக்கு நீதி வேண்டும்:ஹிந்து முன்னணி வலியுறுத்தல்
• 6.பஞ்சு விலை கட்டுப்படுத்தவிரைவில் நல்ல முடிவு: சபாநாயகர் நம்பிக்கை
• 7.சாலக்குடிக்கு அரசு பஸ் இயக்க இருமாநில மக்கள் கோரிக்கை
• 8.கோவில்களில் நரசிம்ம ஜெயந்தி:புஷ்ப யாகத்தில் சிறப்பு ஆராதனை
• 9. பேரூராட்சியில் மாதம் இருநாள் துப்புரவு முகாம்: ஊரு சுத்தமாகுது! மக்கள் பங்களிப்போடு திட்டப்பணி துவங்கியது
• 10.பட்டதாரி ஆசிரியர்களுக்கு 2 மாதங்களாக சம்பளம் வழங்கவில்லை