Dinamalar

ராமநாதபுரம் : நாட்டிலுள்ள நீர்நிலைகள், மரங்களை அழிக்காமல் இயற்கை வளத்தை பாதுகாக்கவும், ரத்தானம் செய்வதின் அவசியம் குறித்து, மேற்குவங்காளத்தைச் சேர்ந்த இளைஞர் இந்திய முழுவதும் சைக்கிளில் வலம் வருகிறார்.

மேற்கு வங்காளம் முர்ஷிதபாத் லால்கோலாவை சேர்ந்த ஜோஜோகுமார் 21. இவர் 2021 ஆக. 25 முதல் இயற்கையை காப்போம், ரத்ததானம் செய்வோம் எனவிழிப்புணர்வு பாதகையுடன் சைக்கிளில் தனியாக வலம் வருகிறார். நேற்று ராமநாதபுரம் அருகே அரியநேந்தல் வந்தார்.

அப்போது அவர் கூறியதாவது: சொந்த ஊரில் துவங்கி ஜார்கண்ட், ஹிமாச்சல், உ.பி., பிஹார், ஹரியானா என 20 மாநிலங்களை கடந்து விருதுநகர், மதுரை வழியாக ராமநாதபுரம் வந்துள்ளேன்.

வாகனங்களில் ஏற்படும் புகையால் காற்றுமாசு ஏற்படுகிறது. நீர்நிலைகளை மக்கள் அசுத்தப்படுகின்றனர். அனைவரும் ரத்ததானம் செய்ய வலியுறுத்தியும் விழிப்புணர்வு ஏற்படுத்த சைக்கிளில் பாதகையுடன் பயணம் செய்கிறேன். இதுவரை 9800 கி.மீ., துாரம் பயணித்துள்ளேன்.

அடுத்தப்படியாக சிவகங்கை, புதுக்கோட்டை மாவட்டங்களுக்கு செல்ல உள்ளேன் இதுபோல இந்தியாவில் உள்ள அனைத்து மாநிலங்களுக்கு செல்வதே எனது லட்சியமாகும்,' என்றார்.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE