Dinamalar

பதிவு செய்த நாள்

பல்லடம்:திருப்பூர் இடுவாயை சேர்ந்த, 6 மாணவர்கள் தாராபுரம் அருகே அமராவதி ஆற்றில் குளிக்கச் சென்ற போது, ஆழமான பகுதியில் மூழ்கி இறந்த சம்பவம் வேதனையை ஏற்படுத்தியது.கட்சி சார்பற்ற விவசாய சங்க மாவட்டத் தலைவர் ஈஸ்வரன் கூறியதாவது: அமராவதி ஆற்றின் பல்வேறு இடங்களில் ஆபத்தான பள்ளங்கள் உள்ளன. குளிக்கச் செல்லும் பலர் பள்ளம் இருப்பது தெரியாமல் ஆழத்தில் சிக்கி நீரில் மூழ்கி இறப்பது தொடர்கதையாகி வருகிறது.கடந்த ஆண்டு காந்தி ஜெயந்தியின் போது இதேபோல், திருப்பூர் இடுவாயை சேர்ந்த இளைஞர் ஒருவர் உயிரிழந்தார். மீண்டும் அதே பகுதியில், இடுவாய் சேர்ந்த, 6 பேர் இறந்த சம்பவம் நடந்துள்ளது.மேலும், கடந்த காலங்களில் பல்வேறு உயிர்களை பலி வாங்கியுள்ளது. ஆண்டுதோறும் இதுபோன்று உயிர்பலி வாங்கும் சம்பவங்கள் தொடர்ந்து நடந்து வந்த போதும், பொதுப்பணி துறை, மாவட்ட நிர்வாகம் அலட்சியம் காட்டி வருகிறது.விபத்து ஏற்படும் பகுதியில், எச்சரிக்கை பலகை வைக்கவும், தடுப்புகள் வைத்து பாதுகாப்பு ஏற்படுத்தவும் நடவடிக்கை எடுக்க வேண்டும். இவ்வாறு அவர் தெரிவித்துள்ளார்.

• 1.'இருப்பதையே காப்பாத்த முடியல...இலவச தென்னங்கன்று எதுக்கு!'
• 2.ஹிந்து முன்னணி செயற்குழு 
• 3.37.58 லட்சம் பேருக்கு தடுப்பூசி செலுத்தியாச்சு! 
• 4.இளைஞர் காங்., ஆர்ப்பாட்டம்
• 5.நாளைய மின்தடை
• 6.2வது நாளாக தொற்று பூஜ்ஜியம்
• 7.சிக்னல் சீரமைப்பு: வாகன ஓட்டிகள் நிம்மதி
• 8.செப்டிக் டேங்க் கழிவு அகற்றும் பணி:இருவர் விஷவாயு தாக்கி மயக்கம்
• 9.கொரோனாவால் பெற்றோரை இழந்த குழந்தைகளுக்கு நிவாரணம் : விண்ணப்பிக்க அழைப்பு
• 10.பல்லடத்தில் 'பைபாஸ்' திட்டம் என்னாச்சு? ஜமாபந்தியில் மனு அளித்து கேள்வி