காரமடை நகராட்சி வார்டு மறுவரையறையில் ஏகப்பட்ட குளறுபடி! தேர்தலுக்கு முன் சரி செய்ய வலியுறுத்தல்
Advertisement
 
 
 
Advertisement
Advertisement
dinamalar advertisement tariff
 
எழுத்தின் அளவு:

பதிவு செய்த நாள்

19 ஜன
2022
21:28

மேட்டுப்பாளையம் : சமீபத்தில் நகராட்சியாக தரம் உயர்த்தப்பட்ட காரமடையில், வார்டு மறுவரையில் ஏகப்பட்ட குளறுபடிகள் நடந்துள்ளன. அவற்றைச் சரி செய்த பிறகே, உள்ளாட்சித் தேர்தல் நடத்த வேண்டும் என, கோரிக்கை எழுந்துள்ளது.



காரமடை பேரூராட்சியை, நகராட்சியாக தரம் உயர்த்தி, தமிழக அரசு அறிவிப்பு வெளியிட்டுள்ளது.பின்னர், 18 வார்டுகளாக இருந்ததை, 27 வார்டுகளாக உயர்த்தி, வார்டு மறுவரையறை செய்யப்பட்டது. இதில், ஏராளமான குறைபாடுகளும், குளறுபடிகளும் நிறைந்திருப்பதாக புகார் எழுந்துள்ளது.இதுதொடர்பாக, காரமடை பா.ஜ., சார்பில், நகராட்சி கமிஷனரிடம் மனு அளிக்கப்பட்டுள்ளது.

மனுவில் கூறப்பட்டிருப்பதாவது:காரமடை பேரூராட்சியை நகராட்சியாக தரம் உயர்த்தப்பட்டு, 18 வார்டுகள், 27 வார்டுகளாக அதிகரிக்கப்பட்டன. வார்டு மறுவரையறைக்குப் பின், பொதுமக்கள் மற்றும் அனைத்து கட்சியினரிடம் கருத்து கேட்பு கூட்டம், நகராட்சி கமிஷனரால் நடத்தப்பட்டது.அப்போது, நகராட்சி கமிஷனர் நகராட்சியில், 13,000 குடியிருப்புகள் இருப்பதாகவும். அதன் அடிப்படையில், குறைந்தபட்சம், 500 குடியிருப்புகள் கொண்டதாக வார்டுகள் பிரிக்கப்பட்டிருப்பதாக, தெரிவித்தார்.

ஆனால், வாக்காளர் பெயர் பட்டியல் வந்த பின், சரிபார்த்தபோது, ஒருசில வார்டுகளில், 450 ஓட்டுகள் முதல், 1,900 ஓட்டுகள் வரை உள்ளன.மேலும், வாக்காளர் பட்டியலில் தெருக்களின் பெயர்கள் முழுமையாக இடம்பெறவில்லை. இது, பல்வேறு குழப்பங்களை விளைவிக்கும். பல வார்டுகளில் வாக்காளர்களின் பெயர்கள் நீக்கப்பட்டுள்ளன. வார்டுகளுக்கான ஆண், பெண் இட ஒதுக்கீட்டில், காரமடையில் வடக்கு பகுதி முழுவதும் ஆண்களுக்கு எனவும், தென்பகுதி முழுவதும் பெண்களுக்கு எனவும் பிரிக்கப்பட்டுள்ளது.

இதனால், பேரூராட்சியின் ஒரு பகுதி முழுவதும் ஆண் உறுப்பினர்கள், ஒரு பகுதி வார்டுகள் முழுவதும் பெண் உறுப்பினர்களாகவும் இருப்பார்கள். பாலின ஒதுக்கீடு என்பது சமச்சீராக இல்லை.இதுபோன்ற குளறுபடிகளைச் சரி செய்த பிறகே, உள்ளாட்சித் தேர்தல் நடத்த வேண்டும்.இவ்வாறு, அதில் தெரிவிக்கப்பட்டுள்ளது.

காரமடை மத்திய ஒன்றிய பா.ஜ., தலைவர் விக்னேஷ் கூறுகையில், "வார்டு மறுவரையில் உள்ள குளறுபடிகளைச் சரி செய்த பிறகே, தேர்தல் நடத்த வேண்டும். இல்லாவிட்டால், பா.ஜ., சார்பில், நீதிமன்றம் செல்ல வேண்டியிருக்கும்" என்றார்.

 

Advertisement
மேலும் கோயம்புத்தூர் கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X