Dinamalar

சின்னாளபட்டி : காலை நேர அரசு டவுன் பஸ் சேவையில் மாற்றத்தால், சின்னாளபட்டி பயணிகள் தவிக்கின்றனர்.

திண்டுக்கல், செம்பட்டி, வத்தலகுண்டு, ஒட்டன்சத்திரம், நிலக்கோட்டை, கொடைரோடு பகுதிகளுக்கு, சின்னாளபட்டி வழியே அரசு டவுன் பஸ்கள் இயக்கப்படுகின்றன. பெரும்பாலான பஸ்கள் திடீரென 'ட்ரிப்-கட்' செய்யப்படுவதால் அலுவலகம் செல்வோர், மாணவர்கள், காலை நேர பஸ்களையே நம்பியுள்ள தொழிலாளர்கள் சிரமப்படுகின்றனர். தற்போது சில நாட்களாக பஸ்கள் வந்து செல்லும் நேரம் மாறியுள்ளதால் பயணிகள் காத்திருக்க வேண்டியுள்ளது.

மேட்டுப்பட்டி ராஜா கூறியதாவது: காலை 8:30 மணிக்கு பின், திண்டுக்கல்லுக்கு 9ஜெ வழித்தட பஸ் 9:25க்கு புறப்படும். இந்த பஸ்சேவையை பலநுாறு தொழிலாளர்கள், மாணவர்கள் நம்பியுள்ளனர். வழித்தடத்தை நீட்டித்துள்ளதாகக் கூறி, தற்போது 9:40க்கு பிறகே பஸ் வருகிறது. இதனால் ஒரு மணி நேரம் காத்திருந்து, நெரிசலாக பயணிக்க வேண்டியுள்ளது. கொடைரோடு, ஆத்தூர் உள்பட பல அரசு டவுன்பஸ்கள் இயக்கமும், நிச்சயமற்றதாக உள்ளது" என்றார்.

உடனுக்குடன் உண்மை செய்திகளை உங்களது
தினமலர் டெலிகிராம் சேனலில் பார்க்கலாம்

Click here to join
Telegram Channel for FREE