மதமாற்ற முயற்சியில் மாணவி தற்கொலை?: பா.ஜ.,வினர் சாலை மறியலால் பதற்றம்!
Advertisement
 
 
 
Advertisement
Advertisement
dinamalar advertisement tariff
 
எழுத்தின் அளவு:

பதிவு செய்த நாள்

21 ஜன
2022
01:16

தஞ்சாவூர்:'மதமாற்றம் செய்ய வற்புறுத்தியதால் தான், பிளஸ் 2 மாணவி தற்கொலை செய்து கொண்டார்' எனக் கூறி, பா.ஜ.,வினர் சாலை மறியலில் ஈடுபட்டனர்.

அரியலுார் மாவட்டம், வடுகபாளையத்தைச் சேர்ந்த முருகானந்தம், 47 என்பவரின் 17 வயது மகள், மைக்கேல்பட்டி துாய இருதய மேல்நிலைப் பள்ளியில் பிளஸ் 2 படித்து வந்தார். அருகில் உள்ள செயின்ட் மைக்கேல் மகளிர் விடுதியில் தங்கிஇருந்தார்.


வார்டன் கொடுமை

கடந்த 9ம் தேதி மாணவிக்கு வயிற்று வலி ஏற்பட்டதால், முருகானந்தம், மகளை வீட்டிற்கு அழைத்து சென்றார். தொடர்ந்து, மாணவியின் உடல்நிலை மோசமானதால், 15ம் தேதி தஞ்சை மருத்துவக் கல்லுாரி மருத்துவமனையில் சேர்த்தனர்.விடுதி அறைகளை துாய்மை செய்யும்படி, வார்டன் கொடுமைப்படுத்தியதால், மன உளைச்சலில் பூச்சி மருந்து குடித்ததாக, டாக்டர்களிடம் மாணவி கூறினார்.
மாணவியிடம் திருக்காட்டுப்பள்ளி போலீசார் விசாரணை நடத்தி, வார்டன் சகாயமேரி, 62, என்பவரை கைது செய்தனர். நேற்று முன்தினம் மாலை, சிகிச்சை பலனின்றி மாணவி பலியானார். மாணவியின் உடல், நேற்று பிரேத பரிசோதனைக்கு எடுத்து செல்லப்பட்டது. இதற்கு எதிர்ப்பு தெரிவித்து, மாணவியின் தந்தை முருகானந்தம் மற்றும் பா.ஜ., மாநில துணைத் தலைவர் கருப்பு முருகானந்தம், தஞ்சை தெற்கு மாவட்ட தலைவர் இளங்கோ உள்ளிட்ட 50க்கும் மேற்பட்டோர், 'மாணவியை மதமாற்றம் செய்ய வலியுறுத்தியதால் தான் தற்கொலை செய்து கொண்டார்' எனக் கூறி வாக்குவாதத்தில் ஈடுபட்டனர்.


நடவடிக்கை

தொடர்ந்து, மாணவியின் தந்தை முருகானந்தம், பா.ஜ.,வினருடன் சென்று, எஸ்.பி., ரவளிப்பிரியாவிடம் அளித்த மனுவில், 'என் மகளை சிஸ்டர் ராக்கிளின்மேரி, வார்டன் சகாயமேரி இருவரும் மதமாற்றம் செய்ய வலியுறுத்தியதால் தான், மன உளைச்சலில் தற்கொலை செய்து கொண்டார். அவர்கள் மீது நடவடிக்கை எடுக்க வேண்டும்' என கூறியிருந்தார்.அவர்களுடன் எஸ்.பி., பேச்சு நடத்தினார். இருப்பினும், மாணவியின் பெற்றோர் மற்றும் பா.ஜ.,வினர் மருத்துவக் கல்லுாரி சாலையில் மறியல் போராட்டத்தில் ஈடுபட்டனர். அவர்களை போலீசார் கைது செய்தனர். இதனால், அப்பகுதியில் போக்குவரத்து பாதித்தது.

நேற்று மாலை வரை மாணவியின் உடல் பிரேத பரிசோதனை செய்யப்படவில்லை. இதற்கிடையில், இரண்டு ஆண்டுகளுக்கு முன், மதம் மாறுமாறு தன் பெற்றோரிடம், சிஸ்டர் கேட்டதாகவும், அதற்கு மறுத்து விட்டதால், தன்னை கொடுமைப்படுத்தியதாகவும், மாணவி பேசிய வீடியோ ஒன்று வெளியாகி உள்ளது.

 

Advertisement
மேலும் திருச்சி கோட்டம்  செய்திகள் :


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (11)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Somiah M - chennai,இந்தியா
21-ஜன-202217:46:34 IST Report Abuse
Somiah M மத மாற்ற கும்பலுக்கு மிக கடுமையான தண்டனை வழங்கப்பட வேண்டும் .
Rate this:
Cancel
balakrishnan - Mangaf,குவைத்
21-ஜன-202215:08:19 IST Report Abuse
balakrishnan மத மாற்ற கும்பலுக்கு தகுந்த தண்டனை கொடுக்க வேண்டும் .
Rate this:
Cancel
anbu - Hamilton,நியூ சிலாந்து
21-ஜன-202212:07:14 IST Report Abuse
anbu பா ஜா காவிடம் எவ்வளவு வாங்கினார்
Rate this:
Anand - chennai,இந்தியா
21-ஜன-202213:18:26 IST Report Abuse
Anandதிருட்டு கூட்டத்திற்கு முட்டுக்கொடுப்பவன் புத்தி இப்படி சாக்கடையாகத்தான் இருக்கும்..........
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X